18/05/2026
✨ „გააზიარე შენი გზა“ - შეხვედრების ციკლის ფარგლებში, „ახალგაზრდულ სახლს“ სტუმრობდა ჩვენი მეგობარი და მხარდამჭერი - ტექნობუმი-ის დამფუძნებელი, ბატონი ანზორ ქოქოლაძე.
ეს იყო ძალიან გამორჩეული, ემოციური და დასამახსოვრებელი დღე - დღე, რომელიც შესაძლოა, რომელიმე ახალგაზრდისთვის ახალი გზის დასაწყისიც კი აღმოჩნდეს.
ბატონმა ანზორმა დაათვალიერა ჩვენი კამპუსი, გაიცნო ახალგაზრდები, მათი საქმიანობა და ინტერესები. ახალგაზრდებმა მას საკუთარი გამოცდილება გაუზიარეს სხვადასხვა სახელოსნოში, რის შემდეგაც დაიწყო ყველაზე მნიშვნელოვანი ნაწილი - გულწრფელი და ადამიანური დიალოგი.
საუბარი შეეხო ცხოვრების გზას, პირველ ნაბიჯებს, პროფესიის არჩევას, ბიზნესის შექმნის პროცესს, შეცდომებს, რთულ პერიოდებს, პასუხისმგებლობას, რისკს, კრიზისების გადალახვასა და იმ ძალას, რომელიც ადამიანს არ აძლევს დანებების საშუალებას.
განსაკუთრებით მნიშვნელოვანი იყო ის გულწრფელობა, რომლითაც ბატონმა ანზორმა ახალგაზრდებს საკუთარი გამოცდილება გაუზიარა - არა მხოლოდ წარმატებაზე, არამედ იმ სირთულეებზე, რომლებიც ამ გზას ახლავს.
ჩვენი ახალგაზრდებისთვის მსგავსი შეხვედრები ბევრად მეტია, ვიდრე უბრალოდ სტუმრობა.
როდესაც ახალგაზრდა ხედავს ადამიანს, რომელმაც ბევრი სირთულის მიუხედავად შეძლო საკუთარი გზის პოვნა, ჩნდება მთავარი ფიქრი:
„შეიძლება მეც შევძლო.“
მადლობა ბატონ ანზორ ქოქოლაძეს თბილი შეხვედრისთვის, მხარდაჭერისთვის და იმ მნიშვნელოვანი დროისთვის, რომელიც ჩვენს ახალგაზრდებს დაუთმო 🤍
#ახალგაზრდულისახლი #გააზიარეშენიგზა #ტექნობუმი #ახალგაზრდები #მოტივაცია #განვითარება #შესაძლებელია
