ასოციაციის ძირითადი მიზანია, კანონით დადგენილი წესით დაიცვას და პოპულარიზაცია გაუწიოს საქართველოს ფლორასა და ფაუნას.
მისი საქმიანობის მიზნებს წარმოადგენს:
- საქართველოს ბუნებრივი გარემოს, ბიომრავალფეროვნების შენარჩუნებისათვის ეფექტიანი ღონისძიებების დაგეგმვა/შემუშავება და განხორციელება.
- ქართული ფლორისა და ფაუნის ენდემური ჯიშების დაცვა, პოპულარიზაცია და სელექცია, მათ შორის, ქართული რუხი ფუტკრი
ს დაცვა და პოპულარიზაცია;
- გადაშენების პირას მყოფი და წითელ წიგნში შეტანილი ენდემური ჯიშის მცენარეებისა და ცხოველების დაცვა.
- ერთობლივი ღონისძიებებით ქართული ტყეების აღდგენა, განსაკუთრებით, მეჩხერ ტყეებში დაზიანებული ხეების ჩანაცვლება საღით და მათი მოვლა. (აგრეთვე, მოსახლეობის ინსტრუქტირება ტყეში გაჩენილი ხანძრის დროულად ლიკვიდაციის გზების შესახებ);
- გარემოს დაბინძურების საწინააღმდეგო ეფექტიანი ღონისძიებების დაგეგმვა/შემუშავება და განხორციელება.
- ჰაერის, წყლისა და ნიადაგის დაბინძურების პრევენცია;
- სპეციალისტების მოწვევა კონფერენციების, ტრენინგებისა და სწავლებების ჩასატარებლად. გარემოსდაცვითი განათლების და გარემოსდაცვითი ცნობიერების ამაღლების ხელშეწყობა;
- საქართველოში ეროვნული უმცირესობით კომპაქტურად დასახლებულ ტერიტორიებზე ეკოლოგიური და ბუნებრივი რესურსების მდგომარეობის შესწავლა და არსებული სიტუაციის გამოსწორებისთვის საჭირო ღონისძიებების დასახვა.
