საქართველოს დემოკრატიული ინიციატივა / Georgian Democracy Initiative

  • Home
  • Georgia
  • Tbilisi
  • საქართველოს დემოკრატიული ინიციატივა / Georgian Democracy Initiative
Call Directions Website Contact the organization

საქართველოს დემოკრატიული ინიციატივა / Georgian Democracy Initiative ორგანიზაცია აერთიანებს მისი საქმიანობის ძირითად სფეროებში კვლევის, ადვოკატირებისა და მონიტორინგის დიდი გამოცდილების მქონე მაღალკვალიფიციურ პროფესიონალებს.

„საქართველოს დემოკრატიული ინიციატივა“ არის დამოუკიდებელი, არასამთავრობო, არასამეწარმეო ორგანიზაცია, რომლის მიზანია ხელი შეუწყოს ქვეყნის დემოკრატიულ განვითარებასა და ევრო-ატლანტიკურ სივრცეში ინტეგრაციას, კვლევის, ანალიზისა და საგანმანათლებლო საქმიანობის განხორციელების გზით.
ორგანიზაცია მოწოდებულია დაიცვას ადამიანის უფლებები, წაახალისოს ინკლუზიური საზოგადოების ჩამოყალიბება და ტოლერანტული გარემოს განვითარება, გააძლიეროს დემოკრატიული რეფორმები და განამტკიცოს კანონის უზენაესობა, გაზარდოს სახელმწიფო ინსტიტუტების გამჭვირვალობა და ანგარიშვალდებულება. „საქართველოს დემოკრატიული ინიციატივა“ ამ მიზნებს ემსახურება მონიტორინგის, საჯარო დებატების, ფაქტებზე დაფუძვნებული კვლევებისა და პოლიტიკის ანალიზის მეშვეობით.
გუნდის წევრთა ექსპერტული პოტენციალი, გამოცდილება, მიუკერძოებლობა და სანდოობა განაპირობებს „საქართველოს დემოკრატიული ინიციატივის“ წამყვან როლს საქართველოში ადამიანის უფლებებისა და დემოკრატიული განვითარების პოლიტიკის შესახებ დისკურსში.
ორგანიზაციას მართავს გამგეობა და ხელმძღვანელობს თავმჯდომარე. „საქართველოს დემოკრატიული ინიციატივის“ მოქმედი თამჯდომარეა ედუარდ მარიკაშვილი.

🟣ევროპულმა სასამართლომ GDI-ს სარჩელის ფარგლებში დაიწყო მიხეილ მშვილდაძის საქმის არსებითი განხილვა, რომელიც ეხება მის მიმ...
03/07/2026

🟣ევროპულმა სასამართლომ GDI-ს სარჩელის ფარგლებში დაიწყო მიხეილ მშვილდაძის საქმის არსებითი განხილვა, რომელიც ეხება მის მიმართ სავარაუდოდ სახელმწიფოს მიერ დაორგანიზებულ არაადამიანურ მოპყრობას.

საქმე შეეხება 2023 წლის 27 ივნისს მიხეილ მშვილდაძეზე განხორციელებულ ფიზიკურ თავდასხმას და საგამოძიებო ორგანოების იმ ქმედება/უმოქმედობას, რომელმაც გამოიწვია მშვილდაძის უფლებების დარღვევა.

თავდასხმის შედეგად მომჩივანმა მიიღო არაერთი ფიზიკური დაზიანება. იმავე დღეს თავდამსხმელმა საკუთარ სოციალურ ქსელში გამოაქვეყნა განცხადება, რომელშიც აღიარა, რომ თავს დაესხა მომჩივანს მისი ეკლესიის მიმართ კრიტიკული შეხედულებებისა და ლგბტ პირთა მხარდაჭერის გამო. თავდამსხმელი მსჯავრდებულ იქნა საქართველოს სისხლის სამართლის კოდექსის 126-ე მუხლით გათვალისწინებული ძალადობისთვის და მიესაჯა თავისუფლების აღკვეთა ექვსი თვის ვადით.

🟣მიხეილ მშვილდაძე ევროპულ სასამართლოში დავობს, რომ პასუხისმგებელმა სახელმწიფო ორგანოებმა უგულებელყვეს თავდასხმის სავარაუდო დისკრიმინაციული მოტივი და სათანადოდ არ გამოიძიეს მის მიმართ ჩადენილი დანაშაული. ამასთან, მისი მტკიცებით, ჯეროვნად არ არის გამოძიებული ის ფაქტიც, რომ თავდასხმა სახელმწიფო უსაფრთხოების სამსახურების მიერ იყო ორგანიზებული.

მიხეილ მშვილდაძე ევროპულ სასამართლოში დავობს ადამიანის უფლებათა ევროპული კონვენციის მე-3, მე-10 და მე-14 მუხლების დარღვევასთან დაკავშირებით.

ევროპულმა სასამართლომ მხარეებს გამოუგზავნა შეკითხვები, რომლებზეც პასუხის გაცემა საქართველოს იუსტიციის სამინისტროს მოუწევს. კერძოდ, სასამართლო სვამს შემდეგ შეკითხვებს:

1. დაექვემდებარა თუ არა მომჩივანი არაადამიანურ ან დამამცირებელ მოპყრობას, ადამიანის უფლებათა ევროპული კონვენციის მე-3 მუხლის დარღვევით? კერძოდ, მონაწილეობდნენ თუ არა სახელმწიფო მოხელეები 2023 წლის 27 ივნისს მომჩივანზე განხორციელებულ თავდასხმაში?

2. არაადამიანური ან დამამცირებელი მოპყრობისგან დაცვის პროცედურული ვალდებულების გათვალისწინებით, დაარღვიეს თუ არა შიდასახელმწიფოებრივმა ორგანოებმა კონვენციის მე-3 მუხლი მომჩივანზე განხორციელებული თავდასხმის გამოძიებისას? კერძოდ:
(ა) მიიღეს თუ არა ხელისუფლების ორგანოებმა ყველა გონივრული და აუცილებელი ზომა მომხდარ დანაშაულთან დაკავშირებული მტკიცებულებების მოსაპოვებლად და საქმეზე დასამაგრებლად, მათ შორის იმ მტკიცებულებების, რომლებიც ეხებოდა თავდასხმაში სახელმწიფო უსაფრთხოების სამსახურის თანამშრომლების სავარაუდო მონაწილეობას?
(ბ) მიიღეს თუ არა ხელისუფლების ორგანოებმა ყველა გონივრული და აუცილებელი ზომა მომჩივანზე განხორციელებული თავდასხმის შესაძლო დისკრიმინაციული მოტივის გამოსავლენად და დასადგენად?

3. იყო თუ არა მომჩივანზე განხორციელებული თავდასხმა დაკავშირებული მის ჟურნალისტურ საქმიანობასთან? თუ კი, წარმოშობდა თუ არა ეს გარემოება სახელმწიფოს პოზიტიურ და/ან პროცედურულ ვალდებულებებს კონვენციის მე-10 მუხლის ფარგლებში? შესრულდა თუ არა აღნიშნული ვალდებულებები მოცემულ საქმეში?

4. განიცადა თუ არა მომჩივანმა დისკრიმინაცია პოლიტიკური ან სხვა შეხედულებების საფუძველზე, კონვენციის მე-14 მუხლის დარღვევით, მე-3 მუხლთან ერთობლიობაში?

მიხეილ მშვილდაძის საქმეზე ხელისუფლება ვალდებულია ევროპულ სასამართლოში წარადგინოს წერილობითი პოზიცია, სადაც უპასუხებს ზემოაღნიშნულ შეკითხვებს.

Address

I. Chavchavadze Avenue, 2nd Deadlock, N4-8, 2nd Floor, Apt 6
Tbilisi

Telephone

+995322728008

Alerts

Be the first to know and let us send you an email when საქართველოს დემოკრატიული ინიციატივა / Georgian Democracy Initiative posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to საქართველოს დემოკრატიული ინიციატივა / Georgian Democracy Initiative:

Shortcuts

Share