AIESEC-ი 1948 წელს, მეორე მსოფლიო ომის შემდეგ, 7 ქვეყნის ახალგაზრდების ძალისხმევით დაარსდა, რომლებიც სახელმწიფოებს შორის ურთიერთგაგებისა და მშვიდობის დამყარებას ესწრაფვოდნენ. მათ მსოფლიოს უკეთესობისკენ შეცვლა უნდოდათ, რასაც ეტაპობრივად სხვადასხვა გაცვლითი პროგრამით გეგმავდნენ.
დღეს AIESEC-ი მსოფლიოში არსებული ყველაზე დიდი ახალგაზრდული ორგანიზაციაა, რომელიც ექვს კონტინენტზე, 109-ზე მეტ ქვეყანაში
ფუნქციონირებს. ჰყავს 5000-ზე მეტი პარტნიორი ორგანიზაცია და ყოველწლიურად 30 000-ზე მეტ ახალგაზრდას ახალი გამოცდილების მიღების საშუალებას აძლევს. 2015 წლიდან AIESEC-ი ჩაერთო გაეროს მდგრადი განვითარების მიზნების ხელშეწყობის საკითხებში და თავისი წვლილი შეაქვს აღნიშნული მიზნების მიღწევაში. AIESEC-ი საქართველოში
საქართველოში AIESEC-ი 2006 წელს დაარსდა, და მას შემდეგ არაერთ ახალგაზრდას მისცა უცხოეთში ცხოვრება/მუშაობის ან საქართველოში ჩამოსვლისა და ანალოგიური გამოცდილების ჩვენს ქვეყანაში მიღების საშუალება.
გარდა სამუშაო გაცვლითი პროგრამებისა AIESEC-ი მართავს სხვადასხვა საგანმანათლებლო/შემეცნებით ღონისძიებებს, რომელთა შესახებაც ინფორმაცია ჩვენს ფბ გვერდზე ეტაპობრივად ვრცელდება.
