ა/ორგანიზაცია „მშობელთა ხიდის“ დამფუძნებელნი და აქტიური წევრები არიან შშმ პირთა მშობლები; შეზღუდული შესაძლებლობების მქონე მშობლების 4 კაციანი ჯგუფი, რომელთაც არ აკმაყოფილებდათ მათი შვილების სასწავლო და სოციალური პირობები გაერთიანდნენ. ერთ-ერთი ბავშვის ბებიამ და ფსიქოლოგმა 3 წელი (2000-2003 წწ.) იმუშავეს მოსწავლეთა ახალგაზრდობის სასახლის ინტეგრირებულ ჯგუფში. სადაც შაბათ-კვირას 14 ბავშვს ასწავ
ლიდნენ სიმღერასა და ხატვას. მალე საგანთა რიცხვს დაემატა დრამთერაპია და ფიზთერაპია. ბავშვებსაც და მშობლებსაც მოტივაცია მოემატათ, მსურველთა რაოდენობაც გაიზარდა.. სახელმწიფო სტრუქტურებთან, ადგილობრივ ბიზნესმენებთან ლობირებისა და ორგანიზაცია “გლობალური ინიციატივა ფსიქიატრიაში” დაფინანსებით შეიქმნა “ღია სტუდია”. აღნიშნულ დღის ცენტრში 50-მდე შშმ პირს სისტემატიურად უტარდებათ: მუსთერაპია, დრამთერაპია, არტთერაპია, ლოგორითმიკა და ფიზთერაპია. ბენეფიციერებთან მუშაობას აფასებს და მონიტორინგს უწევს მულტიდისციპლინარული გუნდი მშობლების, ფსიქოლოგის, პედაგოგისა და მეთოდისტის შემადგენლობით.
