WEG World Experience for Georgia

13/01/2026

📢 ახალი ეპიზოდი!
გიზიარებთ პოდკასტს, სადაც ენერგეტიკის ექსპერტები საუბრობენ დიდი ჰესების მშენებლობის პრობლემებზე საქართველოში.

მონაწილეები:

დავით მირცხულავა - ენერგეტიკოსი, საქართველოს მაღალი კაშხლების ეროვნული კომიტეტის თავჯდომარე

მაკა ფარცვანია - იურისტი, სულხან-საბა ორბელიანის აფილირებული პროფესორი

კახა არცივაძე - გარემოსდამცველი, საქართველოს საზოგადოებრივ საქმეთა ინსტიტუტის GIPA პროფესორი და პროგრამის ხელმძღვანელი

მურმან მარგველაშვილი - მოდერატორი, ენერგეტიკის და მდგრადი განვითარების ინსტიტუტის დირექტორი

👇
https://www.youtube.com/watch?v=zg756_Itdvs&list=PLwf-P4nOg0yxoiBmmndO-BAn-sVHEIivA

02/07/2025

📌ცენტრალური აზია არა მხოლოდ გაზით არის მდიდარი, არამედ განახლებადი ენერგიის უზარმაზარი პოტენციალიც აქვს.

🔁როგორც ბუნებრივი აირის, ისე მწვანე ენერგიის პროექტების დაფინანსების შესაძლო გადაწყვეტა შეიძლება ორმაგი დანიშნულების ინფრასტრუქტურის განვითარებაში მოიძებნოს.

ასეთი შეიძლება იყოს მილსადენები და სხვა დანადგარები, რომლებიც თავდაპირველად ბუნებრივი გაზის ტრანსპორტირებას განახორციელებენ, ხოლო სამომავლოდ წყალბადის ან მისგან წარმოებული ამიაკის ტრანსპორტირებაზე გადართვის შესაძლებლობა ექნებათ.

მაგალითად, ტრანს-კასპიური გაზსადენი (TCP) შეიძლება აშენდეს ამ ორმაგი დანიშნულებით, რაც გააადვილებს მის დაფინანსებას და შემდგომ ინტეგრაციას შავი ზღვის ან თურქეთის გავლით.

იხილეთ ვრცლად:👇
GEO:https://weg.ge/sites/default/files/m.margvelashvili_for_ogt_2024_newsletter_geo.pdf
ENG:https://weg.ge/sites/default/files/m.margvelashvili_for_ogt_2024_newsletter_2.pdf

25/06/2025

🚨 New Publication Alert!

We’re proud to share a new regional publication featuring original policy research by young researchers from Georgia, Armenia, and Azerbaijan, developed under the guidance of leading energy specialists. 🌍⚡

📝 Selected through a competitive process, these researchers explore critical dimensions of energy security, offering country-specific insights while identifying opportunities for regional cooperation across the South Caucasus.

📚 The articles were first presented at an international conference in Tbilisi, and the publication also reflects the professional dialogue that took place during the event.

🔗https://weg.ge/sites/default/files/final_publication_weg_21.pdf

This publication was produced with the financial support of the European Union and UNDP.

21/05/2025

📌რეიტერის ინფორმაციით, აშშ-ში აღმოაჩინეს და იძიებენ ჩინური წარმოების მზის ინვერტორებსა და ბატარეებში ჩამონტაჟებულ არადოკუმენტირებულ საკომუნიკაციო მოწყობილობებს.

⚠️განახლებადი ენერგიის ქსელში ინტეგრაციისთვის აუცილებელი კომპონენტები შესაძლოა, ფაიერვოლების დაცვის გვერდის ავლით, დისტანციური მართვის და ენერგოსისტემის მასშტაბური გათიშვების საშუალებას იძლეოდეს.

🌍გლობალური ინვერტორების ბაზრის უმსხვილესი ჩინური კომპანიები, როგორიცაა Huawei (გლობალური ბაზრის 29%), Sungrow და Ginlong Solis, ჩინური კანონით ვალდებული არიან უსაფრთხოების სამსახურებთან ითანამშრომლონ, რაც დასავლურ ქვეყნებში ენერგეტიკული ინფრასტრუქტურის უსაფრთხოებაზე სერიოზულ კითხვებს აჩენს.

🇪🇺 ევროპაში, ლიტვა და ესტონეთი უკვე ზღუდავენ ჩინური ტექნოლოგიის გამოყენებას ენერგეტიკულ სისტემებში. ინგლისი სწავლობს საფრთხეებს, ხოლო აშშ-ში განიხილება კანონმდებლობა, რომელიც შეზღუდავს ჩინური ბატარეების და ინვერტორების გამოყენებას კრიტიკულ ინფრასტრუქტურაში.

🇬🇪ეს ამბავი ენერგეტიკული გადასვლის უსაფრთხოების ძირეულ კითხვებს აჩენს. იმედია მდგომარეობა დარეგულირდება და ჩინეთი ეცდება აღადგინოს გლობალური ბაზრების ნდობა, მაგრამ მანამდე საჭიროა საქართველოშიც შეფასდეს განახლებადი ენერგიების ტექნოლოგიების დანერგვის კიბერ საფრთხეები. ამაში კი დასავლელ პარტნიორებთან თანამშრომლობა ძალიან წაგვადგებოდა.

U.S. energy officials are reassessing the risk posed by Chinese-made devices that play a critical role in renewable energy infrastructure after unexplained communication equipment was found inside some of them, two people familiar with the matter said.

20/05/2025

📌IRENA-ს ახალი ანგარიში კავკასიასა და ცენტრალურ აზიაში მწვანე წყალბადის გამოყენებით ინდუსტრიის დეკარბონიზაციის შესაძლებლობებზე.

💧მწვანე წყალბადი საქართველოსთვის გაცხადებული კლიმატ-ნეიტრალობის მიღწევის და ენერგეტიკული უსაფრთხოების ამაღლების მნიშვნელოვანი საშუალებაა. ის უპირველესად შეიძლება გამოყენებულ იქნას სასუქების წარმოებაში და ასევე, სავარაუდოდ, მეტალურგიაში.👇

30/04/2025

📌 მურმან მარგველაშვილი საუბრობს რას ნიშნავს ენერგოუსაფრთხოება დღეს? რა ცვლილებები შეიძლება მოიტანოს განახლებადმა ენერგიამ საერთაშორისო ასპარეზზე და რა როლი აქვს საქართველოს გლობალურ და რეგიონულ ენერგოუსაფრთხოებაში? 👇

📣სრული ეპიზოდი კომენტარებში 👇
როგორ და რატომ Ep 10 - ენერგოუსაფრთხოება, გეოპოლიტიკა და საქართველო. სტუმარი - ილიაუნის ასოცირებული პროფესორი და ანალიტიკური ცენტრის „მსოფლიო გამოცდილება საქართველოსთვის“ ხელმძღვანელი, მურმან მარგველაშვილი Murman Margvelashvili.
✅ ეპიზოდში ვსაუბრობთ თუ რას ნიშნავს ენერგოუსაფრთხოება დღეს? რა ცვლილებები შეიძლება მოიტანოს განახლებადმა ენერგიამ საერთაშორისო ასპარეზზე და რა როლი აქვს საქართველოს გლობალურ და რეგიონულ ენერგოუსაფრთხოებაში?
❗️ახალი ეპიზოდები დაიდება ყოველ სამშაბათს, 20:00 საათზე, ჩვენს YouTube და Spotify გვერდებზე.
🎧 გამოიწერეთ არხი და გაგვიზიარეთ თქვენი მოსაზრებები კომენტარებში! ⬇️

23/04/2025

Euronews Georgia სიუჟეტი საქართველოში მწვანე გადასვლასთან დაკავშირებით არსებულ გამოწვევებს და შესაძლებლობებს აჯამებს.

ენერგეტიკის სექტორისთვის მწვანე გადასვლის კუთხით განსაკუთრებით საყურადღებოა:

💡ენერგიის განახლებადი წყაროების (მზე, ქარი, ჰიდრო, თანამედროვე ბიოსაწვავი) განვითარება - საქართველოს ენერგეტიკისა და კლიმატის ეროვნული სამოქმედო გეგმის მიხედვით, 2030 წლისთვის ენერგიის მთლიან საბოლოო მოხმარებაში განახლებადების წილი 27.4 %-ს უნდა შეადგენდეს.

ამ პროცესში საყურადღებოა ინფრასტრუქტურული პროექტების დაგეგმვისა და მშენებლობის ეტაპზე ადგილობრივი თემებისა ჩართულობა და ცნობიერების ამაღლება.

🔧 სამუშაო ძალა - ენერგიის განახლებადი წყაროებისა და ენერგოეფექტიანობის განვითარებისა პროცესში მნიშვნელოვანია ტექნიკური პერსონალის, ინჟინრების, ხელოსნების, აუდიტორების და სხვ. მომზადება-გადამზადება.

🌱ენერგეტიკული გადასვლა დამოკიდებულია როგორც ეროვნულ და მუნიციპალურ დონეზე შემუშავებულ პოლიტიკებზე, ისე კერძო სექტორის და მოქალაქეების მნიშვნელოვან ჩართულობაზე.

17/04/2025

🔍 როგორ გამოიყურება საქართველოს ენერგოინტენსივობა სხვა ქვეყნების ფონზე? რამდენად ეფექტიანად იყენებს საქართველო ენერგიას დამატებული ღირებულების შესაქმნელად? როგორია ამ მაჩვენებლის დინამიკა და რაზე მიგვანიშნებს ის?

📉 ჩვენი ანალიზი აჩვენებს, რომ საქართველოს ენერგოინტენსივობა მნიშვნელოვნად აღემატება ევროპის საშუალო მაჩვენებელს და პრაქტიკულად არ იცვლება, რაც მიანიშნებს ენერგეტიკული და ეკონომიკური პოლიტიკის გადახედვისა და ენერგიის მოხმარების შემცირების მიმართულებით სისტემური მიდგომების შემუშავების საჭიროებას.

📎 დეტალები ბმულზე:

ენერგოინტენსივობა, რომელიც ზომავს ერთეული მთლიანი შიდა პროდუქტის შესაქმნელად საჭირო ენერგიის რაოდენობას, არი.....

02/04/2025

💡On March 27, WEG organized the "Energy Security and Regional Cooperation" conference in Tbilisi, Georgia, under the EU4Dialogue project.

The event brought together stakeholders, experts, and young professionals from the South Caucasus region to exchange knowledge and explore opportunities for energy security, regional cooperation, and the green energy transition.

A key highlight was the presentation of policy research papers by young researchers from the region, developed under the guidance of experienced energy experts over the past months.

Panel discussions covered critical topics such as renewable energy cooperation, economic integration, and digital transformation in the energy sector. The conference provided a valuable platform for networking, professional dialogue, and strengthening regional collaboration.

🙏 A huge thanks to EU4Dialogue for their support and to all participants who contributed to this event!

The project was funded by the European Union

25/03/2025

📌გერმანიის საგარეო უწყებამ ბერლინში 17-21 მარტს ჩაატარდა რიგით მე-11 ენერგეტიკული გადასვლის კვირეული და კონფერენცია სადაც სხვადასხვა ქვეყნის და რეგიონის ათასზე მეტი ადამიანი მონაწილეობდა.

პოლიტიკური და უსაფრთხოების არასტაბილური გარემოს და მთავრობების ცვლილების პირობებში, განსაკუთრებით საინტერესო იყო მწვანე ენერგიაზე გადასვლის მიმართ ევროკავშირის და გლობალური განწყობები.

ძირითადი დასკვნები:

➡️ტრამპის და პუტინის პოლიტიკის გავლენა კლიმატურ პროცესებზე დამანგრეველი არ არის. ევროკავშირი ერთგულია თავისი მწვანე შეთანხმების და 2050 წლისთვის კლიმატნეიტრალურობას მიაღწევს.

➡️გერმანია ცვლის სამიზნე მაჩვენებელს და აცხადებს, რომ კლიმატნეიტრალურობას მიაღწევს 2045 წელს.

➡️კონფერენციის ერთერთი ცენტრალური საკითხი იყო კრიტიკული მინერალებზე ხელმისაწვდომობა და ამ მხრივ ჩინეთის დომინირება. სპილენძი, იშვიათ მიწათა მეტალები, კობალტი, ლითიუმი, ნიკელი და სხვა წიაღისეული სულ უფრო მნიშვნელოვანი ფაქტორი ხდება განახლებადი ენერგიის და შემნახველი დანადგარების წარმოებაში. ამ მხრივ გლობალური კონკურენცია გადამწყვეტ ფაზაში შედის. ჩინეთის მიერ წიაღისეულის და წარმოების ჯაჭვების კონტროლი არანაკლებ საშიშ გარემოებად აღიქმება, ვიდრე იყო რუსეთის მონოპოლია გაზის მიწოდებაზე.

➡️განახლებადი ენერგიის ტექნოლოგიების დანერგვა მნიშვნელოვნად ჩამორჩება საჭირო ტემპს, რის გამოც 1.50 სცენარი პრაქტიკულად მიუღწეველია. განახლებადებში ჩაიდო 1 ტრილიონზე ნაკლები და 2030 წლისთვის საჭიროა ამ მაჩვენებლის 2 ტრილიონამდე გაზრდა.

➡️2024 წლის ბოლოს ევროკავშირმა მიიღო სუფთა ინდუსტრიის შეთანხმება, რომელიც ემსახურება მრეწველობის დეკარბონიზაციას და კონკურენტუნარიანობის გაზრდას ენერგიის გაიაფებით. უკრაინის ომით გამოწვეულმა გაზის და ელექტრობის გაზრდილმა ფასებმა უპირველესად ევროკავშირის ინდუსტრიული მრეწველობა დააზარალა და საჭიროა კონცენტრირებული ძალისხმევა ამის გამოსასწორებლად, ასევე მწვანე ენერგიაზე (მათ შორის წყალბადზე) მოთხოვნის გასაზრდელად.

➡️კონფერენციის დასკვნით სესიაზე გერმანიის საგარეო საქმეთა მინისტრმა და ენერგეტიკის მინისტრმა გამოაცხადეს ბუნდესტაგის გადაწყვეტილება კონსტიტუციური ცვლილების შესახებ, რითაც მთავრობას აქვს 500 მილიარდ ევროს ვალის შესაძლებლობა ინფრასტრუქტურული და კლიმატური პროექტების დაფინანსებისთვის. აქედან მომავალი 12 წლის განმავლობაში100 მილიარდი პირდაპირ კლიმატურ ფონდსა და ენერგეტიკულ გადასვლაზე დაიხარჯება.

➡️საწყისი აჟიოტაჟის შემდეგ, წყალბადის მიმართ მოლოდინები მნიშვნელოვნად შენელებულია, ძირითადად მოხმარების მხარეს ინვესტიციების ნაკლებობის და გაფრქვევების ბაზრის არასაკმარისი ფასების გამო. დაბალნახშირბადიანი წყალბადი მაინც რჩება მომავლის ენერგოსისტემის ერთერთ მნიშვნელოვან ნაწილად, თუმცა მისი გავრცელების ტემპი გაცხადებულ გეგმებთან და პროექტებთან შედარებით ბევრად უფრო დაბალია. მაკინზის ბოლო ანგარიშით 2030 და 2040 წლისთვის წყალბადის გავრცელების პროგნოზი 25%-ით არის შემცირებული. ევროკავშირი ავითარებს ახალ რეგულაციებს და ინიციატივებს, რამაც ამ მიმართულებით პროგრესი უნდა დააჩქაროს.

➡️მაღალია კონკურენცია ქვეყნებსა და რეგიონებს შორის სუფთა წყალბადის მომავალ ბაზარზე ადგილის დასამკვიდრებლად. აქტიურობენ სამხრეთ ამერიკის ქვეყნები, სამხრეთ აფრიკა, ავსტრალია და არაბეთის ქვეყნები. ჩვენს რეგიონს, მიუხედავად ევროკავშირთან სიახლოვისა, გაუძნელდება კონკურენცია, ვინაიდან საზღვაო ტრანსპორტირება ძალიან იაფია, ხოლო რესურსი და საინვესტიციო გარემო ამ რეგიონებში შეიძლება უკეთესი იყოს. სტაბილური გამჭვირვალე და პროგნოზირებადი პოლიტიკა ხდება მთავარი მიმზიდველი ფაქტორი ინვესტიციებისთვის.

➡️შავი ზღვის კაბელი - კაბელი პოლიტიკურ პროექტად განიხილება, თუმცა პოლიტიკური ინტერესი რამდენად შენარჩუნდება დაძაბული ურთიერთობების ფონზე - განხილვის საკითხია. ამიტომ, საჭიროა ახალი გადაწყვეტების და იდეების განვითარება. მათ შორის მიმზიდველობის ფაქტორი უნდა გახდეს დისპეტჩირებადი სტაბილური ენერგიის მიწოდება (ცვალებადი ქარის გამომუშავების ფონზე), რაშიც საქართველოს წყალსაცავიან სადგურებს (მათ შორის ენგურჰესს) გადამწყვეტი როლი ექნება. თუმცა ამას კვალიფიციური და შორსმჭვრეტელი პოლიტიკა ესაჭიროება.

17/03/2025

📌2024 წელს რუმინეთში, ქალაქ კონსტანცაში New Strategy Center - NSC და -ის ორგანიზებით, გაიმართა უწყებათშორისი სწავლება „შავი ზღვის ენერგეტიკული ინფრასტრუქტურის დაცვა“.

შეხვედრა, რომელიც NATO SPS პროგრამის ფარგლებში ჩატარდა, მიზნად ისახავდა ოფშორული ენერგეტიკული ინფრასტრუქტურის დაცვის მიმართულებით ტრანსსასაზღვრო თანამშრომლობის გაღრმავებასა და გამოცდილების გაზიარებას.

👉შეხვედრა კონსტანცაში საზღვაო ძალების მომზადების, შეფასების და ომის თამაშების ცენტრში ჩატარდა და მასში ნატოს წევრი და პარტნიორი ქვეყნების 45 წარმომადგენელი მონაწილეობდა.

აღნიშნული შეხვედრის მიგნებები უკვე პუბლიკაციის სახით არის ხელმისაწვდომი.

იხ. ბმული: https://rebrand.ly/cc50cf