ბავშვთა დაცვის ფონდი ახალი სხივები - Children Protection Fund New Lights

25/12/2023

🎅🤲ვეძებთ კეთილ სანტებს და სპონსორებს საახალწლოდ მზრუნველობამოკლებული ბავშვებისთვის საჩუქრების გასაკეთებლად
🎄ყველა ბავშვი იმსახურებს ახალი წლის ბედნიერად აღნიშვნას. განსაკუთრებით ჩვენი გვერდში დგომა ჭირდებათ იმ ბავშვებს, რომლებიც 2024 წლის დადგომას თავიანთ ოჯახებში ვერ აღნიშნავენ.
🎁💝მიიღეთ მონაწილეობა ბავშვების საჩუქრების მომზადებაში. დარეგისტრირდით უმარტივეს ფორმაში, დაგვიტოვეთ თქვენი საკონტაქტო ინფორმაცია და ჩვენი ორგანიზაციის წევრები თავად დაგიკავშირდებიან . შეგიძლიათ ასევე მოგვმართოთ ჩვენი Facebook გვერდზე
☀️დაიწყეთ ახალი წელი სიკეთის აქტით, გახდით ჩვენი სანტა და გაულამაზეთ საახალწლო დღეები იმ ბავშვებს , რომლებსაც ჩვენი მხარდაჭერა ყველაზე მეტად ჭირდებათ

შეავსეთ ფორმა აქ 👉 https://forms.gle/24m438dYpoUCxdnS6

01/06/2023

🫶გვინდა ყველა ბავშვს საქართველოსა და მსოფლიოში, მივულოცოთ ბავშვთა დაცვის დღე. თითოეულ ბავშვს ვუსურვებთ მშვიდობიან, ლაღ და ჯანსაღ გარემოში ცხოვრებას.

🗓️დღევანდელი დღე ჩვენი ორგანიზაციისთვის განსაკუთრებული მნიშვნელობისაა. დღეს კიდევ ერთხელ ხმამაღლა ვაფიქსირებთ ბავშვთა უფლებების დაცვის მნიშვნელობას და ვიაზრებთ თუ რა პრობლემების წინაშე დგას უამრავი ბავშვი და მოზარდი. სამწუხაროდ, საქართველოშიც კვლავ აქტუალურია ისეთი
მნიშვენლოვანი პრობლემები როგორებიცაა : ბავშვების მიმართ ძალადობა , ბავშვთა სიღარიბე, ჯანსაღი და ბავშვის ინტერესებზე მორგებული გარემოს არარსებობა და სხვა.
🤲გვჯერა, რომ როგორც სახელმწიფოს, ისე საზოგადოების თითოეული წევრის, ვალია მაქსიმალური ძალიხმევით ვიზრუნოთ თითოეული ბავშვის უფლებებისა და ინტერესების დასაცავად.
☀️ჩვენი ორგანიზაციაც სწორედ სიკეთისა და სოლიდარობის იდეებზეა დაფუძნებული. გვჯერა, ადამიანების მცირე სიკეთის აქტებით, უზარმაზარ პოზიტიურ გავლენას მოვახდენთ იმ ბავშვების ცხოვრებაზე, რომელთაც საზოგადოების გვერდში დგომა განსაკუთრებით ჭირდებათ.

#ერთადვიზრუნოთბავშვებზე #1ივნისი

29/12/2022

🎄🎉ახალი სხივები გილოცავთ დამდეგ შობა-ახალ წელს!

🤗🕊გვსურს, ყველა ბავშვს საქართველოსა და მსოფლიოში ვუსურვოთ ბედნიერება, ჯანმრთელობა და მშვიდობიან გარემოში ცხოვრება!

🎅ჩვენი ბენეფიციარების გასახარებლად მზადება ცოტა ადრე დავიწყეთ.
ჩვენს ყველა ბენეფიციარს ვთხოვეთ დაეწერათ საახალწლო სურვილები, რომლებსაც კეთილი სანტები სიყვარულით მოუმზადებდნენ და გაუგზავნიდნენ მცირე საოჯახო სახლებში.

🎁საჩუქრები მზად არის და მიემართება ჩვენი უსაყვარლესი ბავშვებისკენ.

🫂გვინდა დიდი მადლობა გადავუხადოთ ჩვენს პარტნიორ კომპანიას - Paint Your Life Georgia-ს და მათ მზრუნველ თანამშრომლებს, რომლებმაც კეთილი სანტების როლი მოირგეს. მათი სიკეთის გარეშე შეუძლებელი იქნებოდა ჩვენი ბენეფიციარებისთვის საახალწლო დღეების გალამაზება.

#ერთადვიზრუნოთბავშვებზე

14/12/2022

✨️🎄წინა საახალწლო განწყობით, ახალი სხივები, კვლავ ვმასპინძლობთ მცირე საოჯახო სახლების აღმზრდელებს.
📑2022 წლის განმავლობაში ჩატარდა მრავალი ტრენინგი სხვადასხვა მნიშვნელოვან თემაზე, რომელიშიც ჩართულნი იყვენენ ბავშვზე ზრუნვის სისტემაში ჩართული აღმზრდელები, როგორც თბილისიდან, ისე რეგიონებიდან.
🌞ვიმედოვნებთ, რომ შემდეგ წლებშიც აქტიურად ვითანამშრომლებთ აღმზრდელებთან და კვლავ გავაგრძელებთ საგანმანათლებლო აქტივობებს იმ ადამიანებისთვის, რომლებიც გმირობის ტოლფას საქმეს აკეთებენ ყოველდღიურად.

👉ტრენინგს უძღვებიან ახალი სხივების ფსიქოლოგები: ლელა მერაბიშვილი და თაკო გოცირიძე
Lela Merabishvili Tak Gotsiridze

07/12/2022

🎉🌞ახალი სხივები ერთი წლისაა!

🤲ჩვენ, უკვე 1 წელია აქტიურად ვმუშაობთ მზრუნველობამოკლეული ბავშვების მხარდასაჭერად.
👉ამ ხნის განმავლობაში ათეულობით ბავშვმა მიიღო ჩვენი ორგანიზაციისგან ფსიქოთერაპიული სერვისი, რაც მნიშვნელოვანია მათი ფსიქოლოგიურად გაძლიერებისთვის და დამოუკიდებელი ცხოვრებისთვის მომზადებისთვის.
👩‍👦ამასთან ჩვენ აქტიურად ვთანამშრომლობთ მცირე საოჯახო სახლებში დასაქმებულ აღმზრდელებთან. ჩვენი ორგანიზაციის ეგიდით, მათ პერმანენტულად უტარდებათ ტრენინგები ფსიქოლოგიურ და საგანმანათლებლო საკითხებზე.

ჩვენი მიზანია, მომავალშიც აქტიურად გავაგრძელოთ ბავშვების მხარდაჭერა სხვა მრავალი მიმართულებითაც. ამაში ჩვენ, საზოგადოების გვერდში დგომა გვჭირდება !

#ერთადვიზრუნოთბავშვებზე

26/10/2022

📚ამ წუთებში მიმდინარეობს ტრენინგი თემაზე: ,,ბავშვთან და მოზარდთან ინდივიდუალური მიდგომის მნიშვნელობა აღზრდის პროცესში"
🤲🔆ჩვენ ვაგრძელებთ მცირე საოჯახო ტიპის სახლების აღმზრდელების მხარდაჭერას და გაძლიერებას ფსიქოთერაპიულ და აღმზრდელობით საკითხებში. პროგრამის ფარგლებში პერმანენტულად ეწყობა ტრენინგები , რომელსაც ესწრებიან აღზმრდელები სხვადასხვა რეგიონიდან.

👩‍🏫ტრენინგს უძღვება ფსიქოლოგი - ლელა მერაბიშვილი
Lela Merabishvili

05/10/2022

💪👉ჩვენ ვაგრძელებთ მცირე საოჯახო ტიპის სახლების აღმზრდელების მხარდაჭერას!

📚სექტემბრის თვეში ჩატარდა ტრენინგი თემაზე: ,,მიჯაჭვულობა'', რომელსაც დაესწრო აღმზრდელები სხვადასხვა რეგიონიდან.

🌞ტრენიგი ჩაატარა ფსიქოლოგმა ნანა ფიფიამ, რომელიც აქტიურად თანამშრომლობს ჩვენს ორგანიზაციასთან. NaNa PiPia

28/09/2022

👩‍🏫ცხოვრების ეტაპებიდან ერთ-ერთი ყველაზე მნიშვნელოვანი საფეხურია სკოლაში შესვლა და ახალ გარემოში ადაპტირება, სოციუმში სტატუსებისა და როლების მორგება, საკუთარ თავში ახალი უნარების აღმოჩენა, რათა გაუმკლავდე ცხოვრებისეულ გამოწვევებს.

✅️თუ ხარ პირველკლასელი ბავშვის მშობელი;
✅️გსურს მეტი ინფორმაცია მიიღო ბავშვზე ზრუნვისა და განვითარების საკითხებზე;
✅️გინდა მომზადებული შეხვდე სკოლაში შესვლასთან დაკავშირებულ ემოციებსა თუ სტრესებს;
🌞ჩვენ მზად ვართ დაგეხმაროთ ამ რთული გამოწვევების დასაძლევად და გთავაზობთ სამთვიან მხარდაჭერის კურსს ბავშვებისთვის და მშობლებისთვის.

📝კურსი მოიცავს ტრენინგებს ისეთ მნიშვნელოვან თემებზე როგორებიცაა:
🔹️ბავშვის ასაკობრივი განვითარების ეტაპები;
🔸️თამაში, როგორც სწავლების იარაღი;
🔹️მშობლისა და შვილის საზღვრები;
🔸️სოციალური როლები ბავშვის ცხოვრებაში;
🔹️დედის ყურადღება და ბავშვის დამოუკიდებლობა;
🔸️სწავლებისა და დასწავლის სირთულეები;
🔹️მოტივაცია სწავლის დროს;
🔸️დროის მენეჯმენტი;
🔹️მეგობრობა, კავშირი სოციუმთან;

📚ტრენინგები გაიმართება, როგორც ონლაინ, ასევე გიმასპინძლებთ ჩვენი ორგანიზაციის ოფისშიც.
💲თითოეული ტრენინგის საფასურია:
ონლაინ დასწრების შემთხვევაში - 30 ლარი;
პირისპირ შეხვედრის შემთხვევაში - 50 ლარი
🤲ჩარიცხული თანხა სრულიად მოხმარდება მზრუნველობა მოკლებული ბავშვების საჭიროებებს

👇შეავსე ჩვენი სარეგისტრაციო ფორმა და ჩვენი ორგანიზაციის წარმომადგენლები დაგიკავშირდებიან. შემოუერთდი ჩვენი მშობლების კლუბს !
https://forms.gle/oPEsxWXyMJGNE12s8

#ერთადვიზრუნოთბავშვებზე

ცხოვრების ეტაპებიდან ყველაზე მნიშვნელოვანი საფეხურია სკოლაში შესვლა და ახალ გარემოში ადაპტირება, სოციუმში სტ.....

22/09/2022

📚🔆გვინდა გაგაცნოთ კიდევ ერთი საინტერესო პროექტი. ეს არის აღმზრდელთა გადამზადების პროგრამა, რომელიც უკვე 8 თვეა მიმდინარეობს. პროგრამის მიზანია, აღმზრდელთა გადამზადება და გაძლიერება ფსიქოლოგიურ, აღმზრდელობით თუ საგანმანათლებლო საკითხებში. პროექტის ფარგლებში სისტემატიურად ტარდება ტრენინგები სხვადასხვა მნიშვნელოვან საკითხებზე და მასში ჩართულნი არიან აღმზრდელები, როგორც თბილისიდან ,ისე რეგიონებიდან.
👩‍👦აღმზრდელები წარმოადგენენ ერთ-ერთ ყველაზე მნიშვნელოვან რგოლს ბავშვზე ზრუნვის სისტემაში. ეს ადამიანები ყოველდღიურად უზარმაზარ ენერგიას დებენ ბენეფიციართა კეთილდღეობის უზრუნველსაყოფად. სწორედ აღმზრდელებს უწევთ შეეჭიდნონ ყველა იმ პრობლემას თუ საჭიროებას, რაც მცირე საოჯახო სახლებში მცხოვრები ბავშვების ცხოვრებაში დგება.
✨️ვფიქრობთ, რომ აუცილებელია აღმზრდლების მუდმივი მხარდაჭერა, როგორც სახელმწიფოსგან, ისე მთლიანად საზოგადოებისგან. გვიხარია, რომ ჩვენს ორგანიზაციასაც მიუძღვის მცირედი წვლილი მათი მხარდაჭერის საქმეში.

19/09/2022

🍂💪შემოდგომა დაიწყო, რაც ჩვენი ორგანიზაციისთვის ნიშნავს ახალი შემართებით განვაახლოთ ჩვენი საქმიანობა.
🔍გვინდა გაგაცნოთ ბავშთა ფსიქოთერაპიული დახმარების პროგრამა, რომელსაც ,,ახალი სხივები’’ დაარსების მომენტიდან ახორციელებს. პროგრამის ფარგლებში, სახელმწიფო ზრუნვის ქვეშ მყოფი ბავშვები და მოზარდები იღებენ უფასო ფსიქოთერაპიულ მომსახურებას, ჩვენი ორგანიზაციის გამოცდილი და პროფესიონალი ფსიქოლოგებისგან.
🤲ბავშები განსაკუთრებულად სენსიტიურები არიან იმ სირთულეების მიმართ, რომელთაც ისინი ცხოვრებაში აწყდებიან. მცირედი ნეგატიური მოვლენებიც კი საკმარისია მათთვის სტრესის ჩამოყალიბებისთვის. შესაბამისად გვჯერა, რომ განსაკუთრებით მნიშვნელოვანია ბავშვების ფსიქოლოგიური მხარდაჭერა და მომზადება ცხოვრებისეულ გამოწვევებთან გასამკლავებლად.

🎯ჩვენ გვეამაყება, რომ საქართველოში ერთადერთი ორგანიზაცია ვართ, რომელიც ამ ტიპის სერვისს სთავაზობს ჩვენს მომავალ თაობას.
#ერთადვიზრუნოთბავშვებზე

01/07/2022

🔍ახალი სხივები აგრძელებს, სახელმწიფო ზრუნვის სისტემაში ჩართული აღმზრდელების მხარდაჭერას.
📚ივნისის თვეში აღმზრდელებმა გაიარეს ტრენინგი თემაზე: ბავშვთა ფსიქიკური განვითარების დარღვევები და ინკლუზიური განათლება.

➡️ტრენინგში ჩართული იყვენენ სხვადასხვა რეგიონის მცირე საოჯახო ტიპის სახლებში დასაქმებული აღმზრდელები.

📌ორგანიზაციასთან თანამშრომლობით ტრენინგი ჩაატარა ფსიქოლოგმა ბაკო მაღულარიამ

22/06/2022

📣გვინდა გაგაცნოთ ლიანა ძიძიგური პროფესიონალი აღმზრდელი, რომელიც უკვე მრავალი წელია მზრუნველობამოკლებულ ბავშვებზე ზრუნავს.

🤲ფიქრობს, განიცდის და გულშემატკივრობს მათ, რათა მისი აღსაზრდელები ცხოვრების ქარტეხილებს მეტად მედგრად დახვდნენ და ჰქონდეთ უნარები გაუმკლავდენ და დაძლიონ ცხოვრებისეული გამოწვევები.

🎗თავად ლიანა აფხაზეთიდან დევნილია და არაერთ ცხოვრებისეულ სირთულეს შეჭიდებია. 13 წლის მანძილზე არასამთავრობო ორგანიზაციაში ,,ბავშვი და გარემო“ მუშაობს. მთელ ენერგიას ბავშვებზე ზრუნვას უთმობს.

🌞აფხაზეთში მინისტრთა საბჭოში მუშაობდა. პროფესიით ფილოლოგი, ქართული ენისა და ლიტერატურის სპეციალისტია. ის არის ტყუპის დედა და 2 შვილიშვილის ბებია. მას ახასიათებენ როგორც თბილ, კეთილ, დაუღალავ, პასუხისმგებლობის დიდი გრძნობით სავსე ადამიანს. სარგებლობს ბავშვების და თანამშრომლების სიყვარულით და პატივისცემით.

da Garemo

#თანამედროვეგმირები #ერთადვიზრუნოთბავშვებზე