02/05/2024
არსებული ვითარებიდან გამომდინარე ჩვენს თანამოქალაქეებს გვინდა მივაწოდოთ მცირე რეკომენდაცია საქართველოს ახალგაზრდა ოფთალმოლოგთა ასოციაციის მხრიდან თვალთან დაკავშირებულ პირველად დახმარებასთან დაკავშირებით. პირველ რიგში თვალის მექანიკური ან სხვა ტიპის დაზიანების შემთხვევაში სასურველია პაციენტის მდგომარეობა შემოწმდეს კლინიკის პირობებში. იმ შემთხვევაში თუ ამის საშუალება არ გვაქვს, მივმართოთ პირველად დახმარებას ჩვენით:
1. ფიზიოლოგიური ხსნარის თვალში ჩაწვეთება რთულია, რადგან ის მძლავრადაა ჰერმეტიზებული, შესაბამისად რთულად გადმოდის. ჩვენ კი ის სწრაფად გვჭირდება, რათა დროულად ამოვრეცხოთ თვალი სანამ ქიმიური ნივთიერება შეძლებს მის მეტად დაზიანებას. ამიტომ შეგვიძლია გამოვიყენოთ ნატურალური წყალი, რომელიც უფრო სწრაფი და ხელმისაწვდომია.
2. ასევე, ექსტრემალურ პირობებში, სადაც შეიძლება გამოყენებულ იქნას წიწაკის სპრეი ან სხვა ქიმიური ნივთიერებები, ასეთ პირობებში მოხვედრამდე და მოხვედრის შემდეგაც შეგვიძლია ჩავიწვეთოთ 4-5 ჯერ თითო წვეთი ორივე თვალში ჰიალურონის შემცველი თვალის დამატენიანებელი ნებისმიერი წვეთი, რომელიც ეფექტურად მუშაობს როგორც დაცვით, ასევე აღმდგენით კომპონენტში რქოვანის ზედაპირული დაზიანებების დროს და ხელმისაწვდომია ნებისმიერ აფთიაქში (დასახელებებს განგებ არ ვასახელებთ). დამატებითი ინფორმაციისთვის ან დახმარებისთვის შეგიძლიათ მიმართოთ კლინიკას .გაუმარჯოს ერთიან და მთლიან საქართველოს !!! 🇬🇪
