ახალგაზრდები და რეპროდუქციული განათლება

ასოციაცია “HERA XXI” 1998 წლიდან აქტიურად მოღვაწეობს სექსუალური და რეპროდუქციული ჯამრთელობისა და უფლებების სფეროში, შემდეგი პროგრამული მიმართულებებით: სექსუალური და რეპროდუქციული ჯანმრთელობის სერვისების განვითარების ხელშეწყობა, სექსუალური და რეპროდუქციული ჯანმრთელობისა და უფლებების საკითხებზე განათლების ხელშეწყობა, მოხალისეობრივი ჩართულობა, ახალგაზრდების მობილიზაცია და მათი ჩართულობა. კვლევები,

მონიტორინგი, ადვოკატირება, ცნობიერების ასამაღლებელი ღონისძიებები არის მთავარი ინსტრუმენტი აღნიშნული მიმართულებების მიხედვით განსაზღვრული მიზნების მისაღწევად.


1.ახალგაზრდული ჯგუფები

ახალგაზრდული ჯგუფების მუშაობის მთავარი მიზანია, ხელი შეუწყოს ახალგაზრდების სრულფასოვანი განვითარებისათვის შესაბამისი გარემოს შექმნას, სადაც ახალგაზრდები შეძლებენ საკუთარი პოტენციალის სრულად რეალიზებასა და საზოგადოებრივი ცხოვრების ყველა სფეროში აქტიურად ჩართვას

ასოციაცია “HERA XXI-ის” ბაზაზე ფუნქციონირებს ახალგაზრდული ჯგუფები თბილისში, სამცხე-ჯავახეთში (ახალციხე), იმერეთში (ქუთაისი), შიდა ქართლი(გორი) და წეროვანში (დევნილთა კომპაქტური დასახლება). ჯგუფების მიზანია, ხელი შეუწყოს ახალგაზრდების სრულფასოვანი განვითარებისათვის შესაბამისი გარემოს შექმნას, სადაც ახალგაზრდები შეძლებენ საკუთარი პოტენციალის სრულად რეალიზებასა და საზოგადოებრივი ცხოვრების ყველა სფეროში აქტიურად ჩართვას, ახალგაზრდების სრჯუ საკითხების წინ წამოწევას, რათა გაძლიერდეს ახალგაზრდების მონაწილეობა გადაწყვეტილების მიღების და იმპლემენტაციის პროცესში, როგორც ორგანიზაციის, ისე სახელმწიფო დონეზე. პროგრამის ფარგლებში შერჩეული აქტიური ახალგაზრდები ჩართული არიან ასოციაციის საქმიანობაში, სხვადასხვა ტიპის საინფორმაციო-საგანმანათლებლო თუ გასართობ-შემეცნებითი აქტივობების დაგეგმვისა და განხორციელების პროცესში.


2.თანასწორ განმანათლებლობა

თანასწორთა განათლება გულისხმობს საკუთარი თანასწორების/თანატოლების არაფორმალური განათლების პროცესს. იგი მიზნად ისახავს სამიზნე ჯგუფების ცოდნის, დამოკიდებულებების და უნარ-ჩვევების განვითარებას თანასწორების მეშვეობით, რადგან მათ ერთმანეთის მიმართ აქვთ ნდობა, საერთო ინტერესები, ენა და სოციალური მოთხოვნები. ასოციაცია “ჰერა ოცდაერთის” მიერ “თანასწორი-თანასწორს” მეთოდოლოგიით 600-მდე ახალგაზრდა გადამზადდა და ჩატარდა 5000-ზე მეტი საინფორმაციო-საგანმანათლებლო შეხვედრა თბილისის, იმერეთის, კახეთის, სამეგრელოს, სამცხე-ჯავახეთის, ქვემო ქართლის სოფლებსა და ქალაქებში მცხოვრები ახალგაზრდებისთვის. ასოციაცია ახალგაზრდების გადამზადებისთვის სხვადასხვა საგანმანათლებლო რესურსს იყენებს, მათ შორისაა სახელმძღვანელო „ყველაფერი ერთ სასწავლო კურსში“, რომელიც შემუშავდა UNAIDS-ის, WHO-ს, WAS-ის და UNESCO-ს სტანდარტების შესაბამისად.

3.მოხალისეობა და აქტივიზმი

ასოციაცია “HERA XXI” 1998 წლიდან მხარს უჭერს მოხალისეობრივ საქმიანობას. მოხალისეობის ხელშეწყობის პროგრამის მიზნობრივი ჯგუფებია: საქართველოს მოსახლეობა და თბილისსა და რეგიონებში მომუშავე აქტივისტები.

ასოციაცია “HERA XXI-ის” მხარდაჭერით ჩამოყალიბდა და განვითარდა მოხალისეთა მოძრაობა მთელი ქვეყნის მასშტაბით; დამკვიდრდა ინოვაციური და შემოქმედებითი მიდგომები და ორგანიზაციის საქმიანობაში პრიორიტეტული მიმართულება გახდა ახალგაზრდებისა და მოხალისეთა ჩართულობა. ორგანიზაცია ასევე ხელს უწყობს მენტორობას და გამოცდილების გაზიარებას ორგანიზაციის გამოცდილ და შედარებით ახალ მოხალისეებს შორის.