07/09/2026
ნიუ-იორკის მერმა, ზოჰრან მამდანიმ, გამოაცხადა გენერაციული ხელოვნური ინტელექტის გამოყენებაზე ერთწლიანი მორატორიუმი საბავშვო ბაღის მოსამზადებელი საფეხურიდან მე-8 კლასის ჩათვლით. გადაწყვეტილება ნიუ-იორკის საჯარო სკოლების თითქმის 600 000 მოსწავლეს შეეხება.
ამავდროულად, უფროსკლასელებისთვის დაინერგება ხელოვნური ინტელექტის წიგნიერების გაკვეთილები, რომლებიც მათ დაეხმარება გაიგონ, როგორ მუშაობს AI, კრიტიკულად გააანალიზონ მისი შესაძლებლობები და რისკები და მხოლოდ ამის შემდეგ დაიწყონ მისი აქტიურად გამოყენება.
🚨 MIT-ის ახალი კვლევა აჩვენებს, რომ ChatGPT-ის მსგავს ინსტრუმენტებზე ზედმეტი დამოკიდებულება კოგნიტური ფუნქციების უზარმაზარ დაქვეითებას იწვევს.
როდესაც ადამიანი პრობლემას მხოლოდ საკუთარი გონებით (Brain-only) ან ტრადიციული საძიებო სისტემით (Search) ჭრის, მისი ტვინის ნეირონული კავშირები და კოგნიტური აქტივობა გაცილებით მაღალია, რადგან მას თავად უწევს ინფორმაციის გადამუშავება, გაფილტვრა და სინთეზი.
როდესაც ადამიანი იყენებს ენობრივ მოდელებს (LLM) და პირდაპირ მზა პასუხებს იღებს, ტვინი ნაკლებად იტვირთება. ის იღებს უკვე “ზედმეტად დამუშავებულ” კონტენტს, რის გამოც ფიქრზე, ანალიზსა და პრობლემის გადაჭრაზე პასუხისმგებელი ნეირონული კავშირები სუსტდება.
ზოჰრან მამდანი ნიუ-იორკის მემარცხენე, პროგრესული პოლიტიკური ფრთის ერთ-ერთი ყველაზე გამორჩეული ფიგურაა. ის საკუთარ თავს დემოკრატიულ სოციალისტად განსაზღვრავს და მისი პოლიტიკური დღის წესრიგის ცენტრში საცხოვრებლის ხელმისაწვდომობა, უფასო ან იაფი საზოგადოებრივი ტრანსპორტი, ბავშვზე ზრუნვის სერვისები, მუშათა უფლებები და მაღალი შემოსავლის მქონე მოქალაქეებისთვის გადასახადების გაზრდაა. 2026 წლის იანვრიდან ის ნიუ-იორკის მერის პოსტს იკავებს.
