03/08/2026
🔸 საქართველოს ეროვნული ფონდი განაგრძობს ახალგაზრდა სპეციალისტებისა და მოხალისეების ხელშეწყობას, ეზიარონ საერთაშორისო გამოცდილებას კულტურულ მემკვიდრეობაზე ზრუნვის და მისი მართვის კუთხით.
ფონდის მოხალისე, ცისკარაულების კოშკის რეაბილიტაციის პროექტის მონაწილე, არქიტექტორი მიშო ჭინჭარაული, ევროპის სხვადასხვა ქვეყნიდან კულტურული მემკვიდრეობის დაცვის ორგანიზაციების წარმომადგენლებს საფრანგეთში შეუერთდა.
🔸 ერაზმუს + (Erasmus +) და რამპარის (REMPART) თანამშრომლობის ფარგლებში, საფრანგეთში, სოფელ ვილანდროში, ადიშატის ორგანიზაციამ უმასპინძლა კულტურული მემკვიდრეობის საკითხებზე მომუშავე სპეციალისტებს საფრანგეთიდან, რუმინეთიდან, პოლონეთიდან, ხორვატიიდან, მალტადან, პორტუგალიიდან, სომხეთიდან, ირლანდიიდან და საქართველოდან.
თეორიული და პრაქტიკული სამუშაო შეხვედრები კულტურული მემკვიდრეობის ძეგლთა რეაბილიტაციაში ჩართული ლიდერებისთვის ვილანდროს ციხესიმაგრის ტერიტორიაზე ერთი კვირის განმავლობაში მიმდინარეობდა. მონაწილეებმა გაიარეს ხუთდღიანი თეორიული და პრაქტიკული კურსი თემაზე: „რესტავრაციის ველზე ჯგუფის ლიდერის პოზიცია“.
#მემკვიდრეობა #კულტურულიმემკვიდრეობა #მემკვიდრეობისდაცვა