ჯანმრთელობის დაცვისა და განათლების ასოციაციის დამფუძნებელი და დირექტორია ქალბატონი ანა სხვიტარიძე, MD PHD-მედიცინის დოქტორი, პროფესორი, საერთაშორისო კლინიკა ,,სილკ მედიკალის" მთავარი ექიმი. ჯანდაცვის და ხარისხის კონტროლის მენეჯერი, ექსპერტი.
ასოციაციის საქმიანობის ძირითადი მიზანია ხელი შეუწყოს ქვეყანაში განათლებისა და ჯანდაცვის განვითარებას, საერთაშორისო სტანდარტების დანერგვას.
დასახული მიზნი
ს განსახორციელებლად ასოციაცია:
- ქმნის საქართველოს რეგიონებში წარმომადგენლობებს, მათთან ერთად ატარებს ღონისძიებებს, როგორც თბილისში, ისე რეგიონებში;
- რეგულარულად ატარებს სამეცნიერო-პრაქტიკულ სხდომებს, ტრენინგებს და სემინარებს განათლებისა და ჯანდაცვის აქტუალურ საკითხებზე, პრაქტიკიდან საინტერესო და იშვიათი შემთხვევების დემონსტრირებით;
- მჭიდროდ თანამშრომლობს საქართველოს ჯანდაცვისა და განათლების სამინისტროებთან და საქართველოში არსებულ ყველა პროფილის ასოციაციასთან;
- ამყარებს მჭიდრო სამეცნიერო კონტაქტებს საქართველოს ეროვნულ მეცნიერებათა, განათლებისა და მედიცინის აკადემიებთან, საერთაშორისო საზოგადოებებთან, წამყვან სამედიცინო და საგანმანათლებლო დაწესებულებებთან, ასევე ტრენინგ ცენტრებთან.
- ჯანმრთელობის დაცვისა და განათლების ასოციაცია ხელს უწყობს ჯანდაცვასა და განათლებას შორის ტრადიციული კავშირის აღდგენას.
