30/03/2026
ზოგი დღე უბრალოდ დღეა…
ზოგი კი — ემოცია, რომელიც დიდხანს გრჩება გულში...
გზა, რომელიც კომპანია ,,ბაუსეიფტთან” ერთად გავიარე, არ იყო უბრალოდ დრო და მანძილი, ამ კომპანიის შემოქმედ ადამიანებთან ერთად განხორციელებული პროექტები სიამაყით მავსებს. თამამად შემიძლია ვთქვა, დღეს, ის პოზიციონირებს როგორც პროფესიონალთა გუნდი. როცა პატივს სცემ მომხმარებლის ინტერესებს და რეალურად ცდილობ დაიცვა ადამიანების სიცოცხლე და ჯანმრთელობა - შენ უბრალოდ კომპანია აღარ ხარ, შენ პროფესიონალი ხარ! რის გამოც, უფრო საპატიო ადგილი გიჭირავს შრომის ბაზარზე.
განვლილი ცხოვრების მანძილზე რამდენი დიპლომი და სერტფიკატიც მაქვს, ჩემთვის ყველაზე ღირებული სწორედ ეს არის, ,, მხარდაჭერის, თანადგომისა და მეგობრობისთვის”. ასეთი მომენტები გახსენებს, რომ ყველაზე დიდი მიღწევა ადამიანებთან კავშირია.
მთელი გულით მინდა გადავუხადო მადლობა კომპანია ,,ბაუსეიფტის” გუნდს, განსაკუთრებით მის დირექტორს ზურაბ გელაშვილს.
მინდა ვუსურვო წარმატებები და წარმატებები, პროფესიულ საქმიანობაში და პირად ცხოვრებაში.
უდიდესი მადლობა ტრენინგის ,,კორპორატიული იმიჯის შექმნის ხელოვნება”, ავტორს ქალბატონ მარიამ კვიციანს და თითოეულ მონაწილეს. ეს იყო შთამბეჭდავი და ძალიან საინტერესო 5 საათი. თავმოყრა ყველა იმ უნარის, რომელსაც ერთდროულად ასე იშვიათად ვიყენებთ ადამიანები.
მადლობა თქვენ მეგობრობისთვის!
28 მარტი
