03/10/2021
კათოლიკეებისთვის ერთ-ერთ მთავარ დღესასწაულს შობა წარმოადგენს. საინტერესოა რატომ აღინიშნება მოცემული დღესასწაული 25 დეკემბერს. მაცხოვრის დაბადების დღედ პირველად ეს თარიღი მეოთხე საუკუნეში 354 წელს არის მოხსენიებული. ზუსტი ცნობები იმის შესახებ თუ რატომ შეირჩა შობის აღსანიშნავად კონკრეტულად ეს დღე არ არსებობს, თუმცა სავარაუდოდ ამაში გარკვეული როლი შეასრულა იულიუსის კალენდარმა. ძველი რომის ერთ-ერთმა უდიდესმა პოლიტიკურმა და სახელმწიფო მოღვაწემ იულიუს კეისარმა ძველი წელთაღრიცხვით პირველ საუკუნეში ალექსანდრიელი ასტრონომის სოზიგენეს მიერ შექმნილი წელთაღრიცხვის სისტემა შემოიღო. მოცემული კალედნრის მიხედვით სწორედ 25 დეკემბერია წელიწადის ის დრო როდესაც დღე ხანგრძლივობით ჯობნის ღამეს, რაც სიმბოლურად იესო ქრისტეს შობით გამოწვეულ სინათლესთან არის დაკავშირებული.
იულიუსის კალენდრის მიხედვით გადაწყდა რომ ყოველ სამ მომდევნო წელიწადში 365 დღე ეანგარიშათ, ხოლო მეოთხეში, იმ წელიწადში, რომლის გამომხატველი ნომერი უნაშთოდ გაიყოფოდა 4-ზე (4, 20, 100, 1968, 1980 და სხვ.) — 366 დღე, მას ნაკიანი წელიწადი ეწოდება. ნაკიან წელიწადში თებერვლის თვეს, რომელიც, რომელიც ჩვეულებრივ 28 დღეღამისაგან შედგება, დაემატებოდა ერთი დღე (29 თებერვალი). ასეთ პირობებში სამოქალაქო წელიწადის საშუალო ხანგრძლივობა 365¼ დღეღამისაგან შედგებოდა, რაც ძალიან ახლოა ტროპიკული წელიწადის ხანგრძლივობასთან, განსხვავება მხოლოდ 11 წუთსა და 13,9 წამშია. მაგრამ 4 ან თუნდაც რამდენიმე ათეული წელიწადის მანძილზე ასეთი ყოველწლიური განსხვავება თუ უმნიშვნელო სიდიდეს შეადგენს, საუკუნეების მანძილზე იმდენად შესამჩნევი ხდება, რომ მისი უგულვებელსყოფა შეუძლებელია. ეს კი პერიოდულად ერთგვარი ხელოვნური კორექტივების შეტანას მოითხოვდა სამოქალაქო წელთაღრიცხვაში. ასე მოხდა, მაგალითად ევროპაში 1582 წელს, როცა რეფორმირებული კალენდარი, ე. ი. ახალი სტილი შემოიღეს.
1582 წლის 24 თებერვალს, გრიგორიანული კალენდარის (ახალი სტილის) საფუძველზე შეიცვალა ნაკიანი წლის განსაზღვრის სისტემა, კერძოდ: 1582 წლის 5 ოქტომბერს რომის პაპ გრიგორის დროს იულიუსის კალენდარს მიამატა 10 დღე და გამოცხადდა 15 ოქტომბრად. თუ XVI საუკუნის გასულს განსხვავება იულიუსისა და გრიგოროლის კალენდრებს შორის იყო 10 დღე, 1900 წლიდან განსხვავება გმოიხატება 13 დღით
ევროპის ქვეყნების უმრავლესობა მოცემულ კალენდარზე გადავიდა. მართლმადიდებელი ეკლესია კი კვლავ ძველ სტილზე (იულიურის კალენდარი) დარჩა. სწორედ ეს არის მიზეზი იმისა, რომ კათოლიკეები შობას 25 დეკემბერს აღნიშნავენ, მართლმადიდებლები კი 7 იანვარს.
