16th Element / მე-16 ელემენტი

05/06/2026

🌱 From the Heart to the System

How can peace education contribute to social change? How do individual experiences become part of a broader culture of dialogue, empathy, and cooperation?

In this interview, Nini Kobakhidze, one of the coordinators of 16th Element and an experienced peace educator, reflects on her journey in peace education and shares insights on the transformative role education can play in building more peaceful and inclusive communities.

At a time when polarization and division continue to challenge societies worldwide, peace education remains a vital tool for fostering critical thinking, mutual understanding, and meaningful dialogue.

📖 Read the full interview:

When I started writing this blog, I kept thinking about what would actually be meaningful to share from my journey in the PeaceEdu Project. There are many ways to describe projects, activities, and outcomes, but I wanted to speak more honestly about what this work has meant to me personally — espe...

02/06/2026

"ალან გაგლოევი აფხაზეთის დელეგაციას შეხვდა"

📍„ტექსტში გამოყენებული ტერმინები და სახელწოდებები, ასევე ფაქტების კონსტატაცია ოსური საინფორმაციო წყაროდან უცვლელადაა გადმოტანილი და ის არ ასახავს სტატიის ავტორისა და მე-16 ელემენტის პოზიციას”.

📍“მე-16 ელემენტი ტერმინს „სამხრეთ ოსეთი“ იყენებს, როგორც არსებული პოლიტიკური კონტექსტის გათვალისწინებით საერთაშორისო პრაქტიკაში დამკვიდრებულ ტერმინს (დროებით სამუშაო ვარიანტს)“

სამხრეთ ოსეთის/ცხინვალის რეგიონის დე ფაქტო პრეზიდენტი ალან გაგლოევი შეხვდა აფხაზეთის დე ფაქტო სამართალდამცავი ორგანოების დელეგაციას, რომელიც ცხინვალში სამუშაო ვიზიტით ჩავიდა.

დელეგაციის შემადგენლობაში შედიოდნენ აფხაზეთის დე ფაქტო ვიცე-პრემიერი და დე ფაქტო შინაგან საქმეთა მინისტრი, პოლიციის გენერალ-მაიორი რობერტ კიუტი; რუსეთის შინაგან საქმეთა სამინისტროს დე ფაქტო წარმომადგენელი აფხაზეთში, პოლიციის პოლკოვნიკი სერგეი გოლენკოვი და აფხაზეთის დე ფაქტო შინაგან საქმეთა ორგანოების ერთობლივი საინფორმაციო და საკოორდინაციო ცენტრის დირექტორი, პოლიციის პოლკოვნიკი იური მარიშევი.

დელეგაციის ვიზიტის მიზანი იყო სამხრეთ ოსეთში/ცხინვალის რეგიონში რუსეთის ფედერაციასთან ერთობლივი საინფორმაციო და საკოორდინაციო ცენტრის გამოცდილების შესწავლა, რადგან მსგავსი ცენტრი აფხაზეთში ამჟამად შენდება.

გაგლოევი მიესალმა სტუმრებს და ხაზი გაუსვა სამხრეთ ოსეთის/ცხინვალის რეგიონისა და აფხაზეთის დე ფაქტო შინაგან საქმეთა სამინისტროებს შორის თანამშრომლობის მაღალ დონეს და აღნიშნა საინფორმაციო და საკოორდინაციო ცენტრის მუშაობის განსაკუთრებული მნიშვნელობა.

„ინფორმაციისა და კოორდინაციის ცენტრი უაღრესად მნიშვნელოვანი ელემენტია დანაშაულთან ბრძოლაში. სპეციალიზებული კრიმინალისტიკური ბაზა მნიშვნელოვანი რესურსია, რომლის გარეშეც დღეს ბევრი დანაშაულის გახსნა უაღრესად რთულია“, - აღნიშნა ალან გაგლოევმა.

დე ფაქტო პრეზიდენტი ასევე შეეხო სპეციალური სამხედრო ოპერაციის თემას და ხაზი გაუსვა იმ ფაქტს, რომ სამხრეთ ოსეთს/ცხინვალის რეგიონსა და აფხაზეთს აერთიანებს ძმური ურთიერთობები, საერთო ისტორია და „დიდი სამშობლო - რუსეთის ფედერაცია“.

„დღევანდელი სპეციალური სამხედრო ოპერაციის დროს, აფხაზი და ოსი ჯარისკაცები, თავიანთ რუს თანამებრძოლებთან ერთად, იცავენ ჩვენს საერთო ისტორიას. დარწმუნებულები ვართ, რომ გამარჯვება ჩვენი იქნება“, - განაცხადა ალან გაგლოევმა.
თავის მხრივ, რობერტ კიუტმა მადლობა გადაუხადა დე ფაქტო პრეზიდენტს თბილი დახვედრისთვის და აღნიშნა ორი დე ფაქტო რესპუბლიკის უწყებებს შორის დიდი ხნის მეგობრული და პროფესიული კავშირები.

„ჩვენთვის უმნიშვნელოვანესია ამ გამოცდილების გამოყენება, რათა უზრუნველვყოთ აფხაზეთის სისხლის სამართლის საერთაშორისო სასამართლოს მაქსიმალური ეფექტურობა, განსაკუთრებით ექსპერტული ინსტიტუტების თვალსაზრისით, რაც რესპუბლიკისთვის უმნიშვნელოვანესია.
ჩვენს მოძმე ხალხებს საერთო ისტორია აქვთ და ჩვენ ყოველთვის ვუჭერდით მხარს ერთმანეთს. ასე გაგრძელდება“, - ხაზგასმით აღნიშნა მან.

📎წყარო: cominf.org . 18 მაისი

30/05/2026

"სამხრეთ ოსეთის/ცხინვალის რეგიონის დე ფაქტო პარლამენტის კომიტეტმა ერთხმად დაუჭირა მხარი რუსეთთან დადებული ხელშეკრულების რატიფიცირებას”

📌„ტექსტში გამოყენებული ტერმინები და სახელწოდებები, ასევე ფაქტების კონსტატაცია ოსური საინფორმაციო წყაროდან უცვლელადაა გადმოტანილი და ის არ ასახავს სტატიის ავტორისა და მე-16 ელემენტის პოზიციას”.

📌“მე-16 ელემენტი ტერმინს „სამხრეთ ოსეთი“ იყენებს, როგორც არსებული პოლიტიკური კონტექსტის გათვალისწინებით საერთაშორისო პრაქტიკაში დამკვიდრებულ ტერმინს (დროებით სამუშაო ვარიანტს)“

ზაზა დრიაევის თავმჯდომარეობით სამხრეთ ოსეთის/ცხინვალის რეგიონის დე ფაქტო საგარეო პოლიტიკისა და პარლამენტთაშორისი ურთიერთობების პარლამენტის კომიტეტმა ერთხმად დაუჭირა მხარი კონსტიტუციური კანონის პროექტს „სამხრეთ ოსეთის რესპუბლიკასა და რუსეთის ფედერაციას შორის მოკავშირეთა თანამშრომლობის გაღრმავების შესახებ ხელშეკრულების რატიფიცირების შესახებ“.

დე ფაქტო პრეზიდენტმა ალან გაგლოევმა დე ფაქტო პარლამენტში წარადგინა კანონპროექტი „სამხრეთ ოსეთის რესპუბლიკასა და რუსეთის ფედერაციას შორის მოკავშირეთა თანამშრომლობის გაღრმავების შესახებ ხელშეკრულების“ რატიფიცირების შესახებ. დოკუმენტს ხელი რუსეთის ფედერაციისა პრეზიდეტნა, ვლადიმერ პუტინმა და სამხრეთ ოსეთის/ცხინვალის რეგიონის დე ფაქტო პრეზიდენტმა, ალან გაგლოევმა, 2026 წლის 9 მაისს, მოსკოვში მოაწერეს და შემდგომში ერთხმად რატიფიცირებული იქნა რუსეთის ფედერაციის სახელმწიფო სათათბიროში.

დე ფაქტო კომიტეტის მუშაობაში მონაწილე სამხრეთ ოსეთის/ცხინვალის რეგიონის დე ფაქტო საგარეო საქმეთა მინისტრმა ახსარ ჯიოევმა ხაზი გაუსვა ამ დოკუმენტის მნიშვნელობას. მან განმარტა, რომ შეთანხმება გამომდინარეობს ორი ადრე ხელმოწერილი ფუნდამენტური დოკუმენტიდან: „სამხრეთ ოსეთის რესპუბლიკასა და რუსეთის ფედერაციას შორის მეგობრობის, თანამშრომლობისა და ურთიერთდახმარების შესახებ ხელშეკრულებიდან“, რომელიც 2008 წელს იქნა ხელმოწერილი, და „სამხრეთ ოსეთის რესპუბლიკასა და რუსეთის ფედერაციას შორის ალიანსისა და ინტეგრაციის ხელშეკრულებიდან“, რომელიც 2015 წელს იქნა ხელმოწერილი.
„გლობალური სიტუაცია ხასიათდება ძალიან მაღალი არასტაბილურობით. რუსეთის ფედერაციისთვის უმნიშვნელოვანესია შეინარჩუნოს სიმშვიდე და პროგნოზირებადობა საზღვრების გასწვრივ. ის უზარმაზარ ძალისხმევას დებს სტაბილურობისა და სიმშვიდის შესანარჩუნებლად. სამხრეთ ოსეთთან დაკავშირებით, ჩვენ ტრადიციულად თბილი და მეგობრული ურთიერთობები გვაქვს რუსეთთან, რაც ჩვენი ისტორიული კავშირის დამსახურებაა“, - თქვა მან.

დე ფაქტო იუსტიციის მინისტრმა ალან ჯიოევმაც გამოთქვა თავისი აზრი დოკუმენტთან დაკავშირებით და აღნიშნა, რომ ორმხრივი ურთიერთობები ეტაპობრივად ვითარდება. მან აღნიშნა, რომ ადრე ხელმოწერილი შეთანხმებების გათვალისწინებით, არსებობს ტენდენცია მრავალი პროცესის ინტეგრაციისკენ. „თუ ვსაუბრობთ იმაზე, რომ ჩვენი სტრატეგიული მიზანია რუსეთის ფედერაციასთან გაერთიანება, მაშინ ეს ხელშეკრულება კიდევ ერთი ნაბიჯია ამ მიმართულებით“, - ხაზგასმით აღნიშნა ალან ჯიოევმა.

📎წყარო: cominf.org

29/05/2026

🔵ყოველწლიურად, 29 მაისს, საერთაშორისო თანამეგობრობა გაერთიანებული ერების ორგანიზაციის მშვიდობისმყოფელთა საერთაშორისო დღეს აღნიშნავს. ეს დღე ეძღვნება იმ ადამიანების თავდადებას, ღვაწლსა და სიმამაცეს, რომლებიც გაეროს დროშის ქვეშ მსოფლიოში მშვიდობისა და უსაფრთხოების დასაცავად მსახურობდნენ ან დღესაც მსახურობენ.

29 მაისი სიმბოლურად შეირჩა: 1948 წლის ამ დღეს დაარსდა გაეროს პირველი სამშვიდობო მისია , სამეთვალყურეო ორგანიზაცია (UNTSO), რომელიც არაბეთ-ისრაელის ომის შემდეგ ცეცხლის შეწყვეტის რეჟიმს აკონტროლებდა. თავად თარიღი ოფიციალურად დაწესდა გაეროს გენერალური ასამბლეის 2002 წლის 11 დეკემბრის №57/129 რეზოლუციით, უკრაინის მთავრობისა და უკრაინის მშვიდობისმყოფელთა ასოციაციის ინიციატივით, და პირველად 2003 წელს აღინიშნა.

🔵სამშვიდობო ოპერაციების მასშტაბები

გაეროს სამშვიდობო საქმიანობა გლობალური მასშტაბისაა. 1948 წლიდან დღემდე, მსოფლიოს 70-ზე მეტ სამშვიდობო ოპერაციაში გაეროს დროშის ქვეშ ორ მილიონზე მეტმა ადამიანმა იმსახურა. ამჟამად მიმდინარე 11 აქტიურ მისიაში 51 000-ზე მეტი სამხედრო, პოლიციელი და სამოქალაქო პირია ჩართული, რომლებიც მშვიდობიანი მოსახლეობის უსაფრთხოებასა და სტაბილურობას უზრუნველყოფენ.

⚫️მისიის ფასი: ადამიანური მსხვერპლი

სამშვიდობო ოპერაციებში მონაწილეობა უდიდეს რისკებთან არის დაკავშირებული. პირველი მისიის დაარსებიდან დღემდე, სამსახურებრივი მოვალეობის შესრულებისას ძალადობრივი თავდასხმების, უბედური შემთხვევებისა თუ დაავადებების შედეგად 4 000-ზე მეტი მშვიდობისმყოფელი დაიღუპა. მათ ხსოვნას პატივს მიაგებენ გაეროს შტაბ-ბინაში, სადაც გენერალური მდივანი ყოველწლიურად ხელმძღვანელობს გვირგვინის შემკობის საზეიმო ცერემონიალს. წელს ორგანიზაცია განსაკუთრებულ პატივს მიაგებს წინა წელს დაღუპულ 57 მშვიდობისმყოფელს.

🔵2026 წლის თემა: „ინვესტიცია მშვიდობაში"

ეს გზავნილი განსაკუთრებით აქტუალურია დღეს, როდესაც სამშვიდობო მისიებს შეზღუდული რესურსების პირობებში უწევთ მუშაობა. ეს თემა ხაზს უსვამს, რომ სამშვიდობო საქმიანობა საერთაშორისო თანამეგობრობის ხელთ არსებული ერთ-ერთი ყველაზე ეფექტური ინსტრუმენტია კონფლიქტების პრევენციის, პოლიტიკური გადაწყვეტილებების მხარდაჭერის, ესკალაციის თავიდან აცილებისა და მოსახლეობის დაცვისთვის.

🔵საზოგადოებრივი ჩართულობა

ამ დღის აღნიშვნა მხოლოდ ოფიციალური ცერემონიებით არ შემოიფარგლება. გაეროს ოფისები, წევრი სახელმწიფოები და არასამთავრობო ორგანიზაციები მთელ მსოფლიოში მართავენ სხვადასხვა ღონისძიებას. სამშვიდობო მისიები ამ დღეს ადგილობრივ მოსახლეობასთან კავშირების გასამყარებლადაც იყენებენ , კულტურული, საგანმანათლებლო და საზოგადოებრივი აქტივობების მეშვეობით ისინი ხელს უწყობენ დიალოგს მშვიდობის მნიშვნელობაზე.

🔵საერთო მიზანი
გაეროს მშვიდობისმყოფელები სხვადასხვა ქვეყნის, კულტურისა და პროფესიის ადამიანები არიან, თუმცა გაეროს დროშის ქვეშ მათ ერთი საერთო მიზანი აერთიანებთ: საერთაშორისო მშვიდობისა და უსაფრთხოების დაცვა ან აღდგენა;
ყველაზე დაუცველი ჯგუფების დახმარება;
ომგამოვლილი საზოგადოებების მხარდაჭერა სტაბილურ განვითარებაზე გადასვლის პროცესში.

🔵მშვიდობა არ არის მოცემულობა, რომელიც თავისით ნარჩუნდება. ის მიზანმიმართული, გაბედული და ხშირად უდიდესი ადამიანური მსხვერპლის ფასად მიღწეული შრომის შედეგია. გაეროს სამშვიდობო ოპერაციების მონაწილეები სწორედ ამ თავდადებას განასახიერებენ და სავსებით კანონზომიერია, რომ წელიწადში ერთი დღე მათ დამსახურებულ აღიარებას ეთმობა.

09/05/2026

9 მაისი ევროპის დღეა. 🇪🇺

დღე, რომელიც ევროპული ერთიანობის, მშვიდობისა და თანამშრომლობის სიმბოლოდ იქცა.

1950 წლის 9 მაისს ფრანგმა საგარეო საქმეთა მინისტრმა რობერ შუმანმა წარადგინა დეკლარაცია, რომელმაც საფუძველი ჩაუყარა ევროპული ინტეგრაციის პროცესს. მეორე მსოფლიო ომის დამანგრეველი შედეგების შემდეგ, ევროპელმა ლიდერებმა აირჩიეს თანამშრომლობა და საერთო პასუხისმგებლობა, რათა ევროპაში ახალი კონფლიქტები აღარ განმეორებულიყო.

სწორედ ამ იდეიდან დაიწყო ევროპის ქვანახშირისა და ფოლადის გაერთიანების შექმნა, რომელიც მოგვიანებით გადაიქცა ევროპის კავშირად : მსოფლიოში ერთ-ერთ ყველაზე დიდ და წარმატებულ სამშვიდობო პროექტად.

ევროკავშირმა ათწლეულების განმავლობაში მნიშვნელოვანი როლი ითამაშა მშვიდობის, სტაბილურობის, დემოკრატიისა და ადამიანის უფლებების განმტკიცებაში, ასევე ხალხებს შორის თანამშრომლობისა და ნდობის გაღრმავებაში. საერთო ბაზარი, Erasmus-ის პროგრამა, შენგენის სივრცე და თავისუფალი გადაადგილების შესაძლებლობები სწორედ ამ თანამშრომლობის შედეგია.

ევროპის დღე გვახსენებს, რომ მშვიდობა მუდმივ ძალისხმევას, დიალოგსა და სოლიდარობას საჭიროებს. განსაკუთრებით დღეს, როდესაც მსოფლიო კვლავ მრავალი გამოწვევის წინაშე დგას, ევროპული ერთიანობის იდეა კიდევ უფრო დიდ მნიშვნელობას იძენს.

გილოცავთ ევროპის დღეს! 🇪🇺

07/05/2026

📘 „ახალგაზრდების ხედვა გაერო-ს რეზოლუცია „ახალგაზრდების, მშვიდობისა და უსაფრთხოების (YPS)“ დღის წესრიგის შესახებ საქართველოში“ — კვლევის ანგარიში (2024)

რა არის მშვიდობა ახალგაზრდებისთვის?
როგორ აღიქვამენ ისინი უსაფრთხოებას, კონფლიქტს, სამართლიანობასა და საკუთარ როლს სამშვიდობო პროცესებში?

კვლევა აერთიანებს ქართველი ახალგაზრდების პერსპექტივებს მშვიდობისა და უსაფრთხოების საკითხებზე და აჩვენებს, რომ მიუხედავად მაღალი ინტერესისა, ახალგაზრდები კვლავ მრავალი ბარიერის წინაშე დგანან: შეზღუდული ჩართულობა, რესურსების ნაკლებობა, ფორმალური მონაწილეობის სიმცირე და არასაკმარისი საგანმანათლებლო სივრცეები.

ფოკუს-ჯგუფების ანალიზმა გამოავლინა, რომ:
🔹 ახალგაზრდები კონფლიქტს მხოლოდ ღია ძალადობად არ აღიქვამენ , მათთვის იგი დაკავშირებულია იდენტობასთან, ისტორიულ ტრავმებთან და სოციალურ უსამართლობასთან;
🔹 ახალგაზრდების გამოცდილებები განსხვავდება სქესის, რეგიონისა და საცხოვრებელი გარემოს მიხედვით;
🔹 რეგიონებსა და სოფლებში მცხოვრები ახალგაზრდები ხშირად თავს გარიყულად გრძნობენ მიმდინარე პროცესებისგან;
🔹 ოკუპირებულ ტერიტორიებთან მცხოვრები ახალგაზრდებისთვის მშვიდობა პირველ რიგში ფიზიკურ უსაფრთხოებას უკავშირდება;
🔹 ახალგაზრდა ქალები განსაკუთრებით უსვამენ ხაზს პირად უსაფრთხოებასა და საზოგადოებრივ სტერეოტიპებს.

კვლევა ასევე ხაზს უსვამს, რომ გაეროს უშიშროების საბჭოს 2250-ე რეზოლუციის „ახალგაზრდები, მშვიდობა და უსაფრთხოების“ დღის წესრიგის ეფექტიანი განხორციელება საქართველოში მოითხოვს:
✔️ ახალგაზრდების რეალურ ჩართულობას გადაწყვეტილების მიღების პროცესებში;
✔️ მშვიდობის განათლების გაძლიერებას;
✔️ გრძელვადიანი და მდგრადი ინიციატივების მხარდაჭერას;
✔️ ინოვაციური და ციფრული მიდგომების გამოყენებას.

📎 https://regional-dialogue.com/yps-2024-ge/

06/05/2026

2008 წლიდან 2025 წლის ჩათვლით რუსეთის საოკუპაციო ძალებმა უკანონოდ დააკავეს სულ 3,626 ადამიანი.

სახელმწიფო უსაფრთხოების სამსახურის ანგარიშის მიხედვით, 2025 წლის დასასრულისათვის უკანონო პატიმრობაში საქართველოს 15 მოქალაქე იმყოფებოდა.

გასულ წელს ევროკავშირის სადამკვირვებლო მისიის (EUMM) „ცხელი ხაზის“ მექანიზმი გამოყენებული იყო, როგორც საოკუპაციო ხაზზე, ისე მის მიმდებარე ტერიტორიებზე დაფიქსირებულ ინციდენტებზე რეაგირებისას. საანგარიშო პერიოდში „ცხელი ხაზი“ სულ 1 960-ჯერ გააქტიურდა, მათ შორის ცხინვალის რეგიონის 1 657 შემთხვევაში , ხოლო 303-ჯერ აფხაზეთის მიმართულებით.

2025 წლის სანგარიშო პერიოდში ოკუპირებული აფხაზეთის მიმართულებით უკანონო ე.წ. ბორდერიზაციის 3 შემთხვევა დაფიქსირდა, ხოლო ოკუპირებული ცხინვალის რეგიონის მიმართულებით 55. აღირიცხა სხვადასხვა ხელოვნური ბარიერების, ღობეების, მავთულხლართების, ე.წ. საზღვრის აღმნიშვნელი ბანერების ინსტალაცია, ასევე, მიწათხრილების, ტრანშეების და ე.წ. ხანმარსაწინააღმდეგო ხნულების მოწყობის შემთხვევები. გასული წლების მსგავსად, გამოვლინდა საოკუპაციო ხაზზე საყოფაცხოვრებო კამერების და გადამზიდავი დეტექტორების დაყენების ფაქტებიც.

📎წყარო: საქართველოს სახელმწიფო უსაფრთხოების სამსახური

05/05/2026

"საცხენოსნო ტურნირის გამარჯვებულები გამოვლინდნენ"

📌“ტექსტში გამოყენებული ტერმინები და სახელწოდებები, ასევე ფაქტების კონსტატაცია აფხაზური საინფორმაციო წყაროდან უცვლელადაა გადმოტანილი და ის არ ასახავს სტატიის ავტორისა და მე-16 ელემენტის პოზიციას.”

ოჩამჩირის რაიონის სოფელ კუტოლში დასრულდა საცხენოსნო შეჯიბრებები. როგორც სახელმწიფო სპორტის კომიტეტი იუწყება, ტურნირის ტრიუმფატორები მასპინძლები , სოფელ კუტოლის გუნდი გახდა. ადგილობრივმა გუნდმა ლიდერობა ეროვნულ დისციპლინებში გამოავლინა და ოქროს მედლები მოიპოვა როგორც ცხენბურთში, ასევე შუბის ტყორცნაში.

საპრიზო ადგილები შემდეგნაირად განაწილდა:
ცხენბურთში პირველი ადგილი დაიკავა სოფელ კუტოლის გუნდმა, მეორე ბასლახუმ, მესამე არასაძიხმა.
შუბის ტყორცნაშიც გამარჯვება კუტოლის წარმომადგენლებმა იზეიმეს, მეორე ადგილზე გავიდა ტამიში, მესამე გულრიფშის „კოდორი“.

შეჯიბრების პროგრამა ასევე მოიცავდა სამ დოღს სხვადასხვა დისტანციაზე, რომლებიც გმირების ხსოვნას მიეძღვნა:
• 1200 მეტრზე გამარჯვებული გახდა ცხენი „აფსნი-გლამური“ (მფლობელი: თემურ ჩხაპელია).
• 1800 მეტრზე პირველი ფინიშზე მივიდა ულაყი „შურეცი“ (მფლობელი: ჯონი ტაბაღუა).
• 2000 მეტრზე ოქროს მედალი მოიპოვა „ადელ-ფოქსმა“ (მფლობელი: ჯონი ჩხაპელია).

კუტოლში გამართული ტურნირი ტრადიციულად დიდ რაოდენობას ცხენოსნობის მოყვარულებს იზიდავს და რესპუბლიკის სპორტულ ცხოვრებაში მნიშვნელოვან მოვლენას წარმოადგენს.

📎წყარო:apsnypress. 02.05.2026

30/04/2026

"სამხრეთ ოსეთში/ცხინვალის რეგიონში 1991 წლის მიწისძვრის მსხვერპლთა ხსოვნას პატივი მიაგეს"

📌„ტექსტში გამოყენებული ტერმინები და სახელწოდებები, ასევე ფაქტების კონსტატაცია ოსური საინფორმაციო წყაროდან უცვლელადაა გადმოტანილი და ის არ ასახავს სტატიის ავტორისა და მე-16 ელემენტის პოზიციას”.

📌“მე-16 ელემენტი ტერმინს „სამხრეთ ოსეთი“ იყენებს, როგორც არსებული პოლიტიკური კონტექსტის გათვალისწინებით საერთაშორისო პრაქტიკაში დამკვიდრებულ ტერმინს (დროებით სამუშაო ვარიანტს)“

სამხრეთ ოსეთის/ცხინვალის რეგიონის ჯავის (ძაუს) რაიონში 1991 წლის დამანგრეველი მიწისძვრის 35-ე წლისთავის ხსოვნისადმი მიძღვნილი პანაშვიდი გაიმართა.
ტრაგედიის მსხვერპლთა ხსოვნას პატივი მიაგეს რესპუბლიკის დე ფაქტო ხელმძღვანელობამ, დე ფაქტო პრეზიდენტის, ალან გაგლოევის ხელმძღვანელობით, დე ფაქტო პრეზიდენტის ადმინისტრაციის წევრებმა, სამხრეთ ოსეთში/ცხინვალის რეგიონში რუსეთის დე ფაქტო საელჩოს წარმომადგენლებმა, დე ფაქტო სამინისტროებისა, სააგენტოების წარმომადგენლებმა და პარლამენტის წევრებმა, ასევე დაღუპულთა ნათესავებმა და რაიონის მაცხოვრებლებმა.

1991 წლის 29 აპრილს მომხდარი მიწისძვრის სიმძლავრე 9.0 ბალს შეადგენდა. კატასტროფას 59 ადამიანის სიცოცხლე შეეწირა, სოფელი ხახეთი კი მთლიანად მიწის ქვეშ მოაქცა.

📎წყარო: 29.04.2026