14/02/2026
🔹ძვირფასო თანამემამულენო,
მე, „მრგვალი მაგიდა – თავისუფალი კავკასიის“ საბჭოს თავმჯდომარის მოადგილე, საბჭოს წევრებთან ერთად ვაცხადებთ შემდეგს:
🔹მოგეხსენებათ, ჩვენი ორგანიზაციის დამფუძნებელი და თავმჯდომარე ომის დაწყების დღიდან იმყოფება უკრაინაში და იბრძვის იმ ძალის წინააღმდეგ, რომელიც თავისუფლებისა და რეგიონის უსაფრთხოების მთავარ საფრთხედ მიიჩნევა. ეს არის ბრძოლა ტირანიისა და იმპერიალისტური პოლიტიკის წინააღმდეგ.
🔹ბოლო პერიოდში მიზანმიმართულად ვრცელდება განცხადებები და პოსტები, თითქოს ჩვენი ორგანიზაცია დაკავშირებულია „ნაციონალურ მოძრაობასთან“ ან რომელიმე სხვა პარტიასთან. მკაფიოდ ვაცხადებთ — ჩვენ არ ვართ არც ერთი პარტიის პროექტი და არც რომელიმე პოლიტიკური ძალის დანამატი. ჩვენ ვართ დამოუკიდებელი, ეროვნული პოზიციის მქონე ორგანიზაცია.
🔹ამასთანავე, ობიექტურობისთვის ვაცხადებთ: ჩვენ არ ვუკარგავთ არც ერთ ხელისუფლებას იმას, რაც გაკეთდა საქართველოს წინსვლისა და საერთაშორისო იმიჯის გაძლიერებისთვის. თუმცა ეს არ ნიშნავს, რომ არ ვისაუბრებთ პრობლემებზე, უსამართლობაზე და პოლიტიკურ რეალობაზე.
ჩვენი შეფასებით, ქვეყანაში პოლიტიკური დევნის ნიშნები აშკარაა.
მიგვაჩნია, რომ მიხეილ სააკაშვილი დღეს მოქმედი ხელისუფლების — „ქართული ოცნების“ — პოლიტიკური პატიმარია, ხოლო ამ პროცესებზე სერიოზული პოლიტიკური გავლენა აქვს როგორც შიდა ძალთა ინტერესებს, ისე იმ გეოპოლიტიკურ ხაზს, რომელიც დაკავშირებულია რუსეთის გავლენასთან.
🔹ასევე ვხედავთ ქვეყანაში გაძლიერებულ პოლარიზაციას, პრემიერ-მინისტრების ხშირ ცვლილებებს და მძიმე კითხვებს სახელმწიფო მართვასთან, კორუფციასა და ქვეყნის სტრატეგიულ კურსთან დაკავშირებით, რაზეც საზოგადოებას აქვს სრული უფლება, დასვას შეკითხვები.
განსაკუთრებით გვინდა აღვნიშნოთ — ჩვენი ორგანიზაციის ნაცისტებად ან რადიკალურ ძალად მოხსენიება არის დეზინფორმაცია და საზოგადოების შეცდომაში შეყვანის მცდელობა.
ჩვენ არ ვართ ნაცისტები.
ჩვენ ვსაუბრობთ სიმართლეზე და ვმოქმედებთ საქართველოს ეროვნული ინტერესებიდან გამომდინარე.
🔹საბჭოს სახელით მივმართავთ სრულიად საქართველოს მოსახლეობას:
მოეგეთ გონს და ნუ შეუწყობთ ხელს იმ პროცესებს, რომლებიც აზიანებს საქართველოს სახელმწიფოებრივ მომავალს. არც ერთი სამსახური, თანამდებობა თუ პოლიტიკური კონიუნქტურა არ ღირს იმ ფასად, რაც ქვეყნის სუვერენიტეტსა და დამოუკიდებლობას შეიძლება დაუჯდეს.
ჩვენი პოზიცია მკაფიოა —
ჩვენ ვიბრძვით საქართველოს გადარჩენის, დამოუკიდებლობის, ღირსებისა და ეროვნული მომავლისთვის.
პატივისცემით,
გრიგოლ გუბელი
„მრგვალი მაგიდა – თავისუფალი კავკასიის“ საბჭოს სახელით
