International Scout Centre Rustavi

18/08/2026

🫙 მოხალისეობის ბოლო თვეში ჩვენი საერთაშორისო მოხალისეებისთვის, მათ სამუშაო სივრცეში, ოფისში დავდგით „რას წავიღებ თან“ ქილა.

💭 იდეა მარტივი იყო — გვინდოდა გაგვეგო, რა შესძინა მათ ჩვენს ცენტრში მოხალისეობამ.

ახლახანს გავხსენით ქილა და ძალიან გაგვიხარდა იმ პასუხების ნახვა, რაც დაგვხვდა — ახალი უნარები, მოგონებები, მეგობრობა, თავდაჯერებულობა, ახალი პერსპექტივები… და, როგორც ჩანს, ძაღლების სიყვარული. 🐕

ერთ-ერთმა მოხალისემ დაწერა, რომ თან მიაქვს ის, რომ ახლა ძაღლები უყვარს. საქართველოში მიუსაფარი ძაღლები ყოველდღიური ცხოვრების განუყოფელი და საყვარელი ნაწილია, ამიტომ განსაკუთრებით გვიხარია, რომ ისინი ჩვენი მოხალისის გამოცდილების ნაწილიც გახდნენ.

🥄 და შემდეგ იყო უბრალოდ: „კოვზი.“

ზუსტად არ ვიცით, ეს იმას ნიშნავს, რომ ვიღაცამ ოფისიდან კოვზი ნამდვილად წაიღო თუ არა, მაგრამ არჩევანს პატივს ვცემთ.

✨ ეს პატარა ჩანაწერები გვახსენებს, რომ ყოველი მოხალისეობის გამოცდილება ტოვებს კვალს, როგორც ორგანიზაციაზე, ასევე თავად მოხალისეზე.

🌍 თუ გინდა მიიღო მსგავსი გამოცდილება, ისწავლო, განვითარდე, შექმნა დაუვიწყარი მოგონებები ჩაერთე ვეროპის სოლიდარობის კორპუსის მოხალისეობრივ პროგრამაში!

#მოხალისეობა

12/08/2026

🌍 International Volunteers Wanted — Join Us in Georgia! 🇬🇪

International Scout Center Rustavi is looking for motivated international volunteers to join our team through the European Solidarity Corps (ESC) for a long-term volunteering experience starting in the first half of October 2026.

📍 Location: Rustavi, Georgia
🚀 Start: First half of October 2026
👥 Main role: Working with children and young people
⏳ Duration: Long-term volunteering, 6–12 months

We are currently accepting applications ONLY from:
🇵🇱 Poland — availability for at least 6 months
🇩🇪 Germany — availability for 12 months
🇮🇹 Italy — availability for 10 months

As a volunteer, you will become part of the International Scout Center Rustavi team, support activities for children and young people, contribute your own ideas, gain international experience, and discover life in Georgia while being part of a multicultural environment.

The European Solidarity Corps program covers:
✈️ Travel costs
🏠 Accommodation
🍽️ Food allowance
💶 Pocket money
🏥 Health insurance
📚 Trainings during the project

Want to know more about the activities, responsibilities, and volunteering experience? Read our Info Pack: https://drive.google.com/file/d/18T7MA5XBsTYdr8Ji3RyHmuL3P1omgowu/view?usp=drive_link

If you are ready for a long-term volunteering experience in Georgia and would like to join our team:

📝 Apply here: https://forms.cloud.microsoft/r/8aHSwqd8gg
📩 Questions? Contact us: [email protected]

Come to Georgia, become part of our Scout Center community, work with young people, develop new skills, and make your ESC experience count. 🇬🇪🌍

❗Please note: At the moment, this call is open only to participants from Poland, Germany, and Italy.

08/08/2026

🧰 ვაგრძელებთ ჩვენი საერთაშორისო მოხალისეების ინდივიდუალური პროექტების გაცნობას!

🇩🇪 ამჯერად კვლავ ანიკას ვუბრუნდებით და მის მეორე ინდივიდუალურ პროექტს — „თვითდახმარების ყუთს“ წარმოგიდგენთ.

💚 "თვითდახმარების ყუთი" ერთი შეხედვით პირველადი დახმარების ყუთს ჰგავს, თუმცა მისი მთავარი მიზანი ემოციურად რთულ მომენტებში მხარდაჭერაა. სტრესი, შფოთვა, გადატვირთულობა თუ პანიკის მომენტი — ზოგჯერ ძალიან მარტივ ნივთებსაც კი შეუძლია დაგვეხმაროს, თავი უფრო მშვიდად და უსაფრთხოდ ვიგრძნოთ.

🧸 სწორედ ამიტომ ანიკამ ყუთში გააერთიანა სხვადასხვა საჭიროების ნივთები: დამამშვიდებელი და ყურადღების გადასატანი ნივთები — რბილი პინგვინი, სათამაშო და სასიამოვნო სურნელოვანი საპონი; შაქარი, საწუწნი კანფეტები, პიტნის საღეჭი რეზინი და ელექტროლიტი; ასევე ყოველდღიური ჰიგიენისა და პირველადი დახმარების ნივთები — საფენები და ტამპონები, ანტიბაქტერიული ხელსახოცები, ქაღალდის ხელსახოცები და პლასტერები.

📍 ყუთს ჩვენს ცენტრში თავისი მუდმივი ადგილი აქვს და ხელმისაწვდომია ყველასთვის — ჩვენი გუნდის წევრებისთვის, მოხალისეებისთვის და აქტივობების მონაწილეებისთვის, რათა საჭიროების შემთხვევაში მისი გამოყენება მარტივად და ნებისმიერ დროს იყოს შესაძლებელი.

🫶 ჩვენთვის განსაკუთრებით მნიშვნელოვანია ისეთი გარემოს შექმნა, სადაც ფიზიკურ კეთილდღეობასთან ერთად ემოციურ კეთილდღეობაზეც ვზრუნავთ. ეს კიდევ უფრო მნიშვნელოვანია ბავშვებთან და ახალგაზრდებთან მუშაობისას. "თვითდახმარების ყუთი" პატარა, მაგრამ პრაქტიკული ნაბიჯია იმისთვის, რომ მხარდაჭერა საჭირო მომენტში ხელმისაწვდომი იყოს.

✨ ანიკას მოხალისეობა დასრულდა, მაგრამ მის მიერ შექმნილი ეს ყუთი ჩვენს ცენტრში რჩება და მომავალშიც ბევრ ადამიანს დაეხმარება. სწორედ ასეთმა პატარა იდეებმა შეიძლება დატოვოს მოხალისეობის გამოცდილების გრძელვადიანი კვალი.

📢 ჩვენი მოხალისეების ინდივიდუალური პროექტების სერია გრძელდება — შემდეგ პროექტს მალე გაგაცნობთ!

05/08/2026

📚 ვაგრძელებთ ჩვენი საერთაშორისო გრძელვადიანი მოხალისეების ინდივიდუალური პროექტების გაცნობას!

🇩🇪 დღეს წარმოგიდგენთ გერმანელი მოხალისის ანიკას პირველ ინდივიდუალურ პროექტს. ანიკამ მოხალისეობის განმავლობაში ორი ინდივიდუალური პროექტი შექმნა და დღეს გიზიარებთ პირველს.

🥗 „Vegan Georgian Recipes“ არის პატარა რეცეპტების წიგნი, რომელიც ქართულ ტრადიციულ სამზარეულოს ვეგანური კუთხით გვაცნობს.

🌱 ანიკა თავად ვეგანია და საქართველოში ჩამოსვლის შემდეგ აღმოაჩინა, რომ ქართულ სამზარეულოში უამრავი ბუნებრივად ვეგანური კერძი არსებობს. ამავე დროს, მას სურდა მეტი ადამიანისთვის გაეზიარებინა ინფორმაცია ვეგანური ცხოვრების წესისა და მისი მნიშვნელობის შესახებ.

👩‍🍳 კულინარიის სიყვარულმა ეს იდეა რეალობად აქცია. ანიკა თავად ამზადებდა თითოეულ კერძს, ცდიდა რეცეპტებს, იღებდა ფოტოებს და საბოლოოდ ყველაფერი ერთ წიგნად გააერთიანა. წიგნში შეხვდებით როგორც ტრადიციული ქართული კერძების ვეგანურ ვერსიებს, ისე რამდენიმე სხვა საყვარელ ვეგანურ რეცეპტსაც.

📖 ეს პროექტი მხოლოდ რეცეპტების კრებული არ არის — ის გვიჩვენებს, როგორ შეიძლება სხვადასხვა კულტურის, ღირებულებებისა და ინტერესების გაერთიანება ერთ შემოქმედებით ნამუშევარში.

🔗 https://drive.google.com/file/d/1PB4JO_jCslb2TTvegm_2gt--NcghYT2F/view?usp=sharing

💚 ვიმედოვნებთ, რომ ეს წიგნი შთააგონებს როგორც მათ, ვინც უკვე ვეგანურ კვებას მისდევს, ასევე მათ, ვისაც უბრალოდ სურს ქართული სამზარეულო ახალი კუთხით აღმოაჩინოს.

✨ წინ კიდევ არაერთი საინტერესო ინდივიდუალური პროექტი გელოდებათ. თვალი ადევნეთ ჩვენს გვერდს!

28/07/2026

🎨 ვაგრძელებთ ჩვენი გრძელვადიანი საერთაშორისო მოხალისეების ინდივიდუალური პროექტების გაცნობას!

🇫🇷 დღეს წარმოგიდგენთ ფრანგი მოხალისის - მაოს პროექტს.

✏️ მაოს განსაკუთრებული ნიჭი აქვს — შეუძლია უბრალო ფანქრით თუ ციფრული ილუსტრაციებით ყოველდღიური მომენტები ნამდვილ ხელოვნებად აქციოს. მისი ნახატები გვაჩვენებს იმას, რასაც ზოგჯერ სიტყვებით ვერ გადმოსცემ.

📖 სწორედ ამ უნარით არის შთააგონებული მისი საბოლოო ინდივიდუალური პროექტიც — "Fragments of Volunteering". ეს არის ილუსტრირებული წიგნი, რომელშიც მაომ შეკრიბა თავისი მოხალისეობის პერიოდის ყველაზე დასამახსოვრებელი მომენტები: ყოველდღიური ცხოვრება, აქტივობები, მოგზაურობები, ადამიანებთან შეხვედრები და ემოციები, რომლებიც საქართველოში ყოფნისას დააგროვა.

🖌️ წიგნის თითოეული გვერდი და თითოეული ილუსტრაცია მთლიანად მაოს მიერაა შექმნილი. ეს მხოლოდ მოგონებების კრებული კი არა, მისი თვალით დანახული მოხალისეობის ისტორიაა — ისტორია, რომელიც მან რუსთავის სკაუტურ ცენტრს დაუტოვა.

📚 თუ გაინტერესებთ, როგორ შეიძლება მოხალისეობის გამოცდილება ხელოვნებად გადაიქცეს, აუცილებლად გადახედეთ მაოს წიგნს.

🔗 https://shorturl.at/BCXPB

✨ ეს მხოლოდ მეორე პროექტია ჩვენი სერიის ფარგლებში. წინ კიდევ ბევრი საინტერესო ისტორია და შთამაგონებელი პროექტი გელოდებათ, ასე რომ, თვალი ადევნეთ ჩვენს გვერდს!

28/07/2026

22/07/2026

🌍 26 ივნისიდან 12 ივლისამდე, რუსთავის საერთაშორისო სკაუტურ ცენტრში განხორციელდა მოკლევადიანი გუნდური მოხალისეობრივი პროექტი: „ხილი და კოცონი — ზაფხული 2026“.

🤝 პროექტში მონაწილეობდა 12 მოხალისე ლატვიიდან, პოლონეთიდან, უკრაინიდან, საქართველოდან და შვედეთიდან. საქართველოში ჩამოსვლის შემდეგ პირველი ორი დღე მათ გაცნობით და საორიენტაციო ტრენინგს დაუთმეს, რათა უკეთ გასცნობოდნენ პროექტს, გუნდს და მომავალ საქმიანობას.

🌱 პროექტის ძირითადი ნაწილი ბიოლოგიურ მეურნეობა „ქვედა ფონაში“ ჩატარდა. მოხალისეები აქტიურად ერთვებოდნენ ფერმის ყოველდღიურ საქმიანობაში — კრეფდნენ ხილსა და ბოსტნეულს, თესავდნენ და რგავდნენ მცენარეებს, უვლიდნენ მინდვრებსა და სათბურებს, ასევე მონაწილეობდნენ პურისა და სერტიფიცირებული ორგანული ჩირის მომზადებაში.

🏕️ გუნდური ცხოვრება მხოლოდ სამუშაოს არ მოიცავდა. მოხალისეები ერთად ამზადებდნენ საჭმელს, ალაგებდნენ საერთო სივრცეებს, აგროვებდნენ შეშას, მართავდნენ კომპოსტს, იღებდნენ ფოტოებსა და ვიდეოებს და გეგმავდნენ საღამოს აქტივობებს.

🎶 პროექტის მნიშვნელოვანი ნაწილი იყო კულტურათა გაცვლაც. მონაწილეებმა ერთმანეთს საკუთარი ქვეყნები, ტრადიციები და ყოველდღიური ცხოვრების წესი გააცნეს და მონაწილეობა მიიღეს კულტურათაშორის საღამოებში.
____________________________
🇪🇺 პროექტი განხორციელდა ევროკავშირის მიერ დაფინანსებული ევროპის სოლიდარობის კორპუსის პროგრამის ფარგლებში, ლატვიურ პარტნიორ ორგანიზაციასთან — Radi Vidi Pats-თან თანამშრომლობით.

21/07/2026

📢 როგორც დაგპირდით, ვიწყებთ ჩვენი საერთაშორისო გრძელვადიანი მოხალისეების ინდივიდუალური პროექტების გაცნობას!

ბოლო თვეების განმავლობაში თითოეულმა მათგანმა შექმნა პროექტი, რომელიც მათ გამოცდილებას, ინტერესებსა და საქართველოსთან კავშირს ასახავს.

🎧 პირველი პროექტის ავტორია ქეთლინი, მოხალისე გერმანიიდან 🇩🇪, რომელმაც შექმნა Rustavi City Walk — ძველი რუსთავის აუდიოგზამკვლევი.

🚶‍♀️ რუსთავში პირველად ჩამოსვლისას ქეთლინიც ამ ქალაქის ახალი სტუმარი იყო. დროთა განმავლობაში მან აღმოაჩინა ადგილები, რომლებიც მისთვის განსაკუთრებული გახდა, ცენტრალური პარკი, ქალაქის ქუჩები და სხვა მნიშვნელოვანი სივრცეები. სწორედ ამ გამოცდილებაზე დაყრდნობით შექმნა აუდიოგზამკვლევი, რომელიც ქალაქს მისი თვალით გაჩვენებთ.

🎙️ თითოეულ გაჩერებაზე მოისმენთ მოკლე ისტორიებსა და შთაბეჭდილებებს, რომლებიც ქალაქის უკეთ გაცნობაში დაგეხმარებათ — განსაკუთრებით თუ რუსთავს პირველად სტუმრობთ ან გსურთ, ნაცნობი ადგილები სრულიად ახალი პერსპექტივიდან დაინახოთ.

🎧 მოუსმინეთ Rustavi City Walk-ს Spotify-ზე:
🔗 https://open.spotify.com/show/1deWAgMplh3KcC1Xn1MytP?si=b59f93c1b558458a

❗პირველი ეპიზოდი - Rustavi City Walk: about the project

✨ თვალი ადევნეთ ჩვენს გვერდს! წინ კიდევ ბევრი საინტერესო ინდივიდუალური პროექტი გელოდებათ ჩვენი მოხალისეებისგან.