01/06/2026
ი ნ ფ ო რ მ ა ც ი ი ს ა თ ვ ი ს:
მ/წლის 12 ივნისს, სსიპ.ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის ინიციატივით , ა(ა)იპ „ქ.ქუთაისის საზოგადოებრივი ჯანმრთელობის დაცვის ცენტრის“ და დ კ ე ც ი ს იმერეთის ზონალური სამსახურის ორგანიზებით დაავადებათა ადრეულ სტადიაზე გამოვლენის მიზნით , ტარდება სკრინინგის უფასო აქცია, ქ.ქუთაისის N4 შერეული პოლიკლინიკის (ნიკეას ქ.N46ბ) მიმდებარე ტერიტორიაზე.
მოქალაქეებს უფასოდ შეეძლებათ ჩაიტარონ:
1.ძუძუს კიბოს სკრინინგი (40-დან 70-მდე წლის ასაკის ქალბატონები).
2.საშვილოსნოს ყელის კიბოს სკრინინგი (25-დან 60-მდე წლის ასაკის ქალბატონები).
3.პროსტატის კიბოს სკრინინგი (50-70 წლის მამაკაცები)
4.არტერიული ჰიპერტენზიის სკრინინგი.
5.სისხლში გლუკოზის დონის განსაზღვრა.
6.ინფექციური დაავადებების (ბ, ც ჰეპატიტების და აივ ინფექციის) სკრინინგი.
გამოკვლევებს ჩაატარებს სამედიცინო დაწესებულება „ჰერა“-ს კვალიფიციური პერსონალი.
გთხოვთ, თქვენივე ჯანმრთელობისათვის მიიღოთ აქტიური მონაწილეობა აქციაში შესაბამისი ასაკობრივი ჯგუფების ბენეფიციარებმა.
