04/05/2026
ჩოხატაურის ადგილობრივი სამოქმედო ჯგუფი (LAG), ევროკავშირის მიერ დაფინანსებული პროექტის „მწვანე გურია“ ფარგლებში, ახორციელებს ინიციატივას - „ცოდნის ბილიკი“.
პროექტის მიზანია ჩოხატაურის ტურისტული პოტენციალის გაძლიერება, ადგილობრივი მეწარმეების მხარდაჭერა და მუნიციპალიტეტის ცნობადობის გაზრდა. ამისთვის შეიქმნება:
• ეკო-საგანმანათლებლო ბილიკი 10 საინფორმაციო სტენდით რომელიც განთავსდება ფიზიკურ სივრცეები, ჩოხატაურში.
• ინტერაქტიული ციფრული პლატფორმა, რომელიც QR კოდების საშუალებით დააკავშირებს ტურისტებს ადგილობრივ სერვისებთან, პროდუქტებთან და გამოცდილებებთან
პლატფორმაზე განთავსდება ინფორმაცია:
განთავსების ობიექტებზე, მარნებზე, მეფუტკრეებზე, ჩაისა და სხვა ადგილობრივ წარმოებაზე, ტურისტულ სერვისებსა და აქტივობებზე, ბიომრავალფეროვნებაზე და ადგილობრივ რესურსებზე.
🔹 თუ გაქვთ ბიზნესი ან სერვისი ჩოხატაურში და გსურთ:
• გახდეთ უფრო ხილვადი ტურისტებისთვის
• მოხვდეთ ერთიან ტურისტულ პლატფორმაზე
• დაუკავშირდეთ ვიზიტორებს პირდაპირ (QR კოდების საშუალებით)
• გაიზარდოს თქვენი ცნობადობა და მომხმარებელთა რაოდენობა
👉 გთხოვთ, შეავსოთ რეგისტრაციის ფორმა: https://forms.gle/2HV8SqvF85GGDZt4A
ფორმის შევსებით თქვენ გახდებით „ცოდნის ბილიკის“ ნაწილი და თქვენი ბიზნესის/სერვისის/წარმოების შესახებ ინფორმაცია ხელმისაწვდომი იქნება როგორც ქართულ, ისე ინგლისურ ენაზე, ფართო აუდიტორიისთვის.
ასევე, გთხოვთ, გააზიაროთ ეს ინფორმაცია თქვენს ქსელში, რათა მაქსიმალურად ბევრი ადგილობრივი მეწარმე, საოჯახო ბიზნესი თუ სერვისის მიმწოდებელი ჩაერთოს პროექტში.
📞 დამატებითი ინფორმაციისთვის დაგვიკავშირდით: [email protected] ; 577959020
ერთად შევქმნათ ჩოხატაურის ძლიერი, თანამედროვე და მდგრადი ტურისტული სივრცე.
