ჩვენი ორგანიზაციის მიზანია ვეტერინარიისა და ვეტერინარული მეცნიერებების პოპულარიზაციისა და განვითარების ხელშეწყობა; დარგობრივი სპეციალისტების ცნობიერების ამაღლებისა და მათი კომპეტენციის გაუმჯობესების გზით.
ორგანიზაციის ძირითად საქმიანობას წარმოადგენს:
• დარგობრივი სასწავლო-საგანმანათლებლო პროგრამების განხორციელება
• სასწავლო - საგანმანათლებლო სახელმძღვანელოების/მასალების შექმნა / გავრცელება
• გ
ანვითარებაზე ორიენტირებული პროექტების განხორციელება
• გამოფენების, კონფერენციებისა და ფორუმების ორგანიზება
• სამეცნიერო-კვლევითი სამუშაოების განხორციელება
• ცხოველთა უფლებების კეთილდღეობასა და ჯანმრთელობაზე ორიენტირებული ღონისძიებების გატარება.
ჩვენი პირველი სამეცნიერო პროექტი გახლავთ ოსტეოლოგიის მუზეუმის შექმნა, რომელიც ხელს უწყობს რეგიონალურ განვითარებას, როგორც ტურისტული, ისე საგანმანათლებლო თვალსაზრისით. აღნიშნულ მუზეუმში შესაძლებელი იქნება სასკოლო თუ საუნივერსიტეტო ინტეგრირებული გაკვეთილებისა და ლექციების ჩატარებაც, რომლის მიზანია პროფესიული ცოდნის გაღრმავება და ვეტერინარიის პოპულარიზაცია.
ასევე, ჩვენი გუნდის ერთ-ერთ მიზანს წარმოადგენს ფერმერებთან მოკლევადიანი საგანმანათლებლო ტრენინგების ჩატარება _ ცხოველთა კეთილდღეობაზე, დაავადებებსა და პრევენციულ ღონისძიებებზე, რაც მეტად გაზრდის სურსათის უვნებლობას და სასიკეთოდ აისახება ცხოველისა და ადამიანის ჯანმრთელობაზე.
