თავისუფალ ჟურნალისტთა სახლი • Independent Journalists' House

05/05/2026

24/02/2026

ოთხშაბათს და ხუთშაბათს, 16:00 საათზე ყველას გეპატიჟებით „კავეა გრანდ მოლში". ოთხშაბათს, 25 თებერვალს, ნაჩვენები იქნება ქეთევან ვაშაგაშვილი დოკუმენტური ფილმი "ცხრათვიანი კონტრაქტი", ხუთშაბათს, 26 თებერვალს, ასევე, 16:00 საათზე ვაჩვენებთ ელენე მიქაბერიძის "ლურჯ მოცვს". ორივე ფილმი არის რამდენიმე საერთაშორისო კინოკონკურსის გამარჯვებული, ჩვენებაზე იქნებიან თავად რეჟისორებიც. ჩვენებებზე დასწრება თავისუფალია, იქნება პოპკორნი და გამაგრილებელი სასმელიც

ბათუმში 25-26 თებერვალს დოკუმენტური ფილმების უფასო ჩვენება და შეხვედრა გაიმართება „კავეა გრანდ მოლში“, ხიმშიაშვი.....

17/01/2026

დემოკრატიის სასწავლო კურსი
საინიციატივო ჯგუფი, რომლის შემადგენლობაში შედიან: ასლან ჭანიძე („თავისუფალ ჟურნალისტთა სახლის“ თავმჯდომარე), ციალა ქათამიძე („მხარდაჭერის და შესაძლებლობის განვითარების ცენტრის“ თავმჯდომარე), ილია გუჩმანიძე („მწვანე სექტორის“ თავმჯდომარე), დეა ერემაშვილი („შშმ ქალთა ალიანსის“ აღმასრულებელი დირექტორი), მალხაზ ჭკადუა („საერთაშორისო გამჭვირვალობა - საქართველოს“ ბათუმის ოფისისა და სამოქალაქო საბჭოების კოორდინატორი) საკუთარი რესურსით და მოხალისეობრივ საფუძველზე, ბათუმის, ქობულეთის და ხელვაჩურის მუნიციპალიტეტში მცხოვრები ახალგაზრდებისთვის (14-29 წლის ახალგაზრდები) იწყებს სასწავლო ციკლს, რომლის მიზანია დემოკრატიული ღირებულებების პოპულარიზაცია და კრიტიკული აზროვნების და ანალიზის უნარების განვითარება.
საინიციატივო ჯგუფის წევრები, რომელთაც არასამთავრობო სექტორში მუშაობით დაგროვილი აქვთ გამოცდილება და ცოდნა სხვადასხვა მიმართულებით, „ქართული ოცნების“ მიერ „რუსული კანონის“ და სხვა შემზღუდავი ნორმების მიღების შემდეგ მოკლებულნი არიან შესაძლებლობას, განახორციელონ ალტერნატიული საგანმანათლებლო საქმიანობა ან განახორციელონ პროექტები, რომლებიც ხელს შეუწყობდა ახალგაზრდების არაფორმალურ განათლებას.
მიუხედავად იმისა, რომ რესურსები ძალიან შეზღუდულია, საინიციატივო ჯგუფის წევრები და მოწვეული ექსპერტები შესთავაზებენ ახალგაზრდებს სასწავლო კურსებს შემდეგ საკითხებზე:
 დემოკრატია და საქართველო
 ადამიანის უფლებები და მისი პრაქტიკული რეალიზაცია საქართველოში
 მედიის ბრძოლა არსებობისთვის
 საქართველო და საერთშორისო თანამეგობრობა
სასწავლო კურსის პარალელურად, მონაწილეებისთვის გაიმართება თემატური კინოჩვენებები, დისკუსიები და დებატები ბრიტანული მოდელით; მოეწყობა მხატვრული და დოკუმენტური ლიტერატურის განხილვა. საჩუქრად გადაეცემათ წიგნები.
თითოეულ სასწავლო ჯგუფთან სასწავლო კურსები, გაიმართება სამი თვის განმავლობაში, კვირაში ორჯერ (ერთი შეხვედრა 1,5 -2 საათი).
სასწავლო კურსები ჩატარდება, როგორც საოფისე სივრცეში „შშმ ქალთა ალიანსის“ ოფისი ( ქ.ბათუმი, გიორგი ბრწყინვალის 49) ასევე ონლაინ რეჟიმში პლატფორმა SIGNAL.
დაინტერესებულ პირებს, გთხოვთ, შეავსოთ განაცხადის ფორმა 25 იანვრის ჩათვლით ჩათვლით.
დამატებითი ინფორმაციისთვის დაგვიკავშირდით:
ციალა ქათამიძე,
ტელეფონი: 595 807 843
ელ ფოსტა: [email protected]

08/01/2026

ერთი წიგნი: ოთარაანთ ქვრივი. სტუმარი მაია ახალაია, პედაგოგი

Enjoy the videos and music you love, upload original content, and share it all with friends, family, and the world on YouTube.

02/12/2025

💫 5 დეკემბერს, 14:00 -დან სასტუმრო “რუმსში”, ბათუმში ( გოგებაშვილის ქ. 10) სამეწარმეო გამოფენა-გაყიდვა გაიმართება. ღონისძიება ხორციელდება ეკონომიკური პოლიტიკის კვლევის ცენტრის (EPRC) მიერ ევროკავშირის და კონრად ადენაუერის ფონდის მხარდაჭერილი პროექტის „ერთიანი საქართველო ევროპისთვის” ფარგლებში.

✅ პროექტის მიზანია მცირე და საშუალო ბიზნესის მხარდაჭერა, მათი ცნობადობის გაზრდა და მათთვის ახალი შესაძლებლობების შექმნა.
სამეწარმეო გამოფენა-გაყიდვაში მონაწილეობას მიიღებს 30 მდე მეწარმე აჭარის რეგიონიდან, რომლებიც დამთვალიერებლებს სხვადასხვა ტიპის პროდუქციას შესთავაზებენ. გამოფენა-გაყიდვაში წარმოდეგნილი იქნება მეწარმეების მიერ დამზადებული ხელნაკეთი პროდუქცია - თოჯინები, საახალწლო სათამაშოები, სუვენირები, ნახატები, ნაჭრის სათამაშოები, მძივები, ნაქარგები, დეკორატიული ნივთები, სანთლები, აქსესუარები, მოქსოვილი ჩანთები, ბლოკნოტები.
გამოფენილი იქნება ასევე მრავალფეროვანი გასტრონომიული პროდუქცია.

👉 ღონისძიების ბმული: https://www.facebook.com/events/1896057531341920/?acontext=%7B%22event_action_history%22%3A[%7B%22mechanism%22%3A%22attachment%22%2C%22surface%22%3A%22newsfeed%22%7D]%2C%22ref_notif_type%22%3Anull%7D

31/10/2025

🛑ისწავლიან ამბის ვიზუალურ თხრობას
🛑დრონთან მუშაობას
🛑საჯარო გამოსვლისა და აუდიტორიასთან კომუნიკაციის ხერხებს
🛑მონაწილეობას მიიღებენ ბრიტანული მოდელით ორგანიზებულ დებატებში

27/10/2025

📣 სტრასბურგის სასამართლოში რუსული კანონის საქმეში მესამე მხარედ ჩართვა ასევე Media Defence-მა მოითხოვა და წერილობითი პოზიცია წარადგინა.

🔸 Media Defence-ის პოზიციის მიხედვით, „რუსული კანონით“ გათვალისწინებული შეზღუდვები ხელს უშლის მედია საშუალებებისა და ჟურნალისტების საჯარო დებატებში ჩართვას, სამოქალაქო საზოგადოების საქმიანობის გაგრძელებას, იწვევს მათ სტიგმატიზებას და აქვს მსუსხავი ეფექტი.

🔸 მათი შეფასებით, საქართველოში მოქმედ „რუსულ კანონსა“ და რუსეთში მიღებული „უცხოეთის აგენტების“ შესახებ კანონებს ერთი, საერთო ფოკუსი აერთიანებს, ადამიანის უფლებათა დამცველი სამოქალაქო საზოგადოების ორგანიზაციებისა და მთავრობის მიმართ კრიტიკულად მომუშავე დამოუკიდებელი მედიის სტიგმატიზაციისა და დისკრედიტაციისკენ არის მიმართული.

ვრცლად ⬇

https://gyla.ge/post/Media-defence-rusulikanonistrasburgshi

22/10/2025

🟥 დღეს, 22 ოქტომბერს, მზია ამაღლობელმა მიიღო სახაროვის პრემია, ევროკავშირის ადამიანის უფლებათა უმაღლესი ჯილდო.
🟥 სახაროვის პრემიის გამარჯვებული დღეს ევროპარლამენტში დაასახელეს. სახაროვის პრემია 2025 წელს მიიღეს მზია ამაღლობელმა საქართველოდან და პატიმრობაში მყოფმა ბელარუსმა ჟურნალისტმა ანდჟეი პოჩობუტმა.
🟥 მზია ამაღლობელი არის პირველი ქართველი, რომელმაც აღნიშნული ჯილდო მიიღო.

16/10/2025

🟥მზია ამაღლობელი სახაროვის პრემიის მოკლე სიაშია.

🟥 მზია და ბელარუსი პატიმარი ჟურნალისტი ანდჟეი პოჩობუტი ასევე აქტივისტები, ჟურნალისტები და პოლიტიკური პატიმრები საქართველოდან და ბელარუსიდან - ერთ ნომინაციაში წარადგინა ევროპარლამენტის ყველაზე დიდმა პოლიტიკურმა ჯგუფმა: EPP.

🟥 მათ გარდა სახაროვის პრემიისთვის იბრძოლებენ:

🟥 სერბი სტუდენტები (ნომინაცია წარადგინა Renew Europe-მა )

🟥ჟურნალისტები და ჰუმანიტარული დახმარებაში ჩართული მუშაკები პალესტინასა და ყველა კონფლიქტურ ზონაში (წარადგინეს მემარცხენეებმა).

09/10/2025

მზია ამაღლობელს მსოფლიო პრესის თავისუფლების გმირის ჯილდოს გადასცემენ

27/09/2025

⭕️ მზია ამაღლობელი The Guardian-ზე წერილში:

"ჩემს საკანს ერთადერთი ფანჯარა აქვს ჭერთან ახლოს, ძალიან მაღლა. როდესაც 50 წლის გავხდი, ჩემს დაბადების დღეზე, ჩემი მეგობრები და კოლეგები ციხის მოპირდაპირე ბორცვზე შეიკრიბნენ, პლაკატებითა და ბუშტებით ხელში. სკამზე ავედი, მაგრამ კარგად ვერ დავინახე. მათ მოსალმებას მოგვიანებით, ახალ ამბებში ვუყურე.

ეს იყო ჩემი ცხოვრება ბოლო რვა თვის განმავლობაში, საქართველოს რეპრესიული რეჟიმის ქვეშ: რეჟიმის, რომელიც ცდილობს ჟურნალისტების გაჩუმებას, განსხვავებული აზრის წაშლას და ჩვენი სულისკვეთების გატეხას.

2025 წლის 12 იანვარს დემონსტრაციის დროს „პოლიციელზე თავდასხმის“ ბრალდებით დამაკავეს. საქმის განხილვისას თითქმის შვიდი თვე გავატარე წინასწარ პატიმრობაში. 6 აგვისტოს მოსამართლემ ბრალდება გადააკვალიფიცირა და საბოლოოდ, ოფიცრისთვის წინააღმდეგობის გაწევის უფრო მსუბუქი მუხლით მცნეს დამნაშავედ და ორწლიანი პატიმრობა მომისაჯეს. ეს მაძლევს საეჭვო პატივს, რომ ვიყო პირველი ქალი ჟურნალისტი, რომელიც საქართველოში პოლიტიკურად მოტივირებული მიზეზების გამო დააპატიმრეს ქვეყნის დამოუკიდებლობის მოპოვების შემდეგ. შემომთავაზეს საპროცესო შეთანხმება – დანაშაულის აღიარება უფრო მსუბუქი სასჯელის სანაცვლოდ – მაგრამ უარი ვთქვი. უსამართლობასთან შერიგება ცოცხლად დამარხვას ნიშნავს.

ახალი გზები უნდა მეპოვა იმისათვის, რომ ამ რეჟიმის მიერ განხორციელებული უსამართლობა გამეპროტესტებინა. მახსოვს, დაპატიმრებიდან მალევე შევიჭერი ნაწნავი. მაკრატელი ორი წუთით მათხოვეს. საკნის კართან იდგნენ და მიყურებდნენ, როგორ ვიყენებდი მას. მაშინ ბევრი რამ შემომთავაზეს, მაგრამ მხოლოდ 10 ლიტრი წყალი ავიღე. პირველი 38 დღე ვშიმშილობდი. ახლა ამ წერილს ვწერ, რომ გავაგზავნო გაზეთი ბათუმელების ოფისში, რომლის თანადამფუძნებელიც ვარ და სადაც ჩემი მეგობრები და კოლეგები აგრძელებენ ბრძოლას ჩემი არყოფნის დროს".