19/07/2023
დარგი ხე სახლიდან გაუსვლელად, მეტი სიმწვანე და სუფთა ჰაერი ჩვენს ქალაქს
განსაკუთრებით მნიშვნელოვანია მოსწავლეებში ცნობიერების ამაღლება ადრეული ასაკიდანვე, რათა მათ გაიაზრონ გარემოზე ზრუნვის მნიშვნელობა და იგრძნონ თავიანთი წილი პასუხისმგებლობა ეკოლოგიაზე.
საქველმოქმედო ეკოლოგიური ფონდი ააიპ "ჩვენი შვილების მომავლისთვის" მოსწავლეებთან ერთად მათივე გამოთქმული სურვილით, რომ მიეღოთ მონაწილეობა ქალაქის გამწვანებაში და საკუთარი ხელით დაერგოთ ხეები თანხმობა განუცხადა.
ფონდის თანამშრომლობით მოსწავლეებს გადაეცათ იფნის ნერგები, რომლებიც თავად დარგეს უნივერსიტეტის ქუჩაზე მათთვის სპეციალურად გამოყოფილ ტერიტორიაზე .
2 მარტს გამართულ გამწვანების აქციაში 37 მოსწავლე ჩაერთო, რომელთაც მიეცათ შესაძლებლობა, წვლილი შეეტანათ გარემოს გამწვანებაში. “ჩვენთვის ძალიან მნიშვნელოვანია მსგავსი ტიპის ღონისძიებებში მონაწილეობა და გვსურს, რაც შეიძლება მეტად ვიზრუნოთ ჩვენი ქალაქის იერსახეზე. ყველამ ვიცით, რომ ჰაერის დაბინძურების საკითხი ჩვენს ქვეყანაში ძალიან სერიოზულად დგას და იმედი გვაქვს, რომ თუნდაც ერთი ხის დარგვით შევძლებთ ჩვენი მოკრძალებული წვლილი შევიტანოთ სამომავლო მდგომარეობის გაუმჯობესებაში.“- აღნიშნა საქველმოქმედო ეკოლოგიური ფონდის ააიპ ჩვენი შვილების მომავლისთვის გენერალურმა დირექტორმა ნონა ანდღულაძემ. “ვისურვებდით, რომ მსგავსი ტიპის ღონისძიებები სამომავლოდაც განმეორდეს და რაც შეიძლება, მეტ ადამიანს გაუჩნდეს გარემოზე ზრუნვის სურვილი“ – განაცხადა გამწვანების აქციის მონაწილე მოსწავლემ.
საქველმოქმედო ეკოლოგიური ფონდი ააიპ ჩვენი შვილების მომავლისთვის განაგრძობს მსგავს აქტივობებს რაც გაგრძელდება არა მხოლოდ თბილისის მასშტაბით, არამედ მის ფარგლებს გარეთაც და მოიცავს მთელ ჩვენს ლამაზ სამშობლოს, ფონდი მოუწოდებს ქართველ ახალგაზრდობას კონკრეტული ქმედებებისკენ გარემოსა და ბუნებრივი რესურსების შენარჩუნების სასარგებლოდ.
