01/11/2025
✨ასე ისხდნენ, იმ 2000-იან წლებში, ქალები სამოქალაქო ორგანიზაციებიდან და ეცნობოდნენ გაეროს უშიშროების საბჭოს რეზოლუცია 1325ს.
რეზოლუცია „ქალებზე, მშვიდობასა და უსაფრთხოებაზე“ 25 წლისაა.📚
როგორც ხშირად ამბობენ, ეს ისტორიული გარდატეხა იყო, რადგან ერთ დოკუმენტში პირველად ერთიანდებოდა ქალთა უფლებები და მშვიდობის, უსაფრთხოების პოლიტიკა.💛
დოკუმენტი ადასტურებს და აძლიერებს ხმას, რომ
სამშვიდობო მოლაპარაკებებში, ოპერაციებში, კონფლიქტის შემდგომ საქმიანობასა და მმართველობაში ქალების მონაწილეობა და გენდერული საკითხების ინტეგრირება სასიცოცხლოდ მნიშვნელოვანია. ასე იყო მაშინაც და სულისკვეთება უცვლელია ახლაც.✨
💬„რეზოლუცია 1325-ის მიღება საქართველოში დაემთხვა ქალთა საკითხებზე მომუშავე არასამთავრობო ორგანიზაციების კოალიციის შექმნას. კოალიციის საქმიანობის ხუთი მიმართულება მოიცავდა ყველა ძირითად სფეროს, ხოლო მეხუთე იყო ქალები და მშვიდობის მშენებლობა.
1325-ის განხორციელებაში სამოქალაქო სექტორის წვლილი უდიდესია. ქალთა უფლებების დამცველი ორგანიზაციები დოკუმენტის მიღებისთანავე აქტიურდებიან.ორგანიზაციები, რომლებიც, მაშინ და ახლაც, უშუალოდ მუშაობდნენ დევნილ და კონფლიქტით დაზარალებულ ქალებთან,“ – იხსენებს როზა კუხალაშვილი, რომელმაც ერთი მიზნის გარშემო შეკრებილო ორგანიზაციების ლიდერებს, იმ დღეს, რეზოლუცია გააცნო.🌠
და დიახ, დღე, რომელიც ილუსტრაციაზე ავსახეთ, დასაწყისია იმ შეუფასებელი შრომის, რომელიც სამოქალაქო ორგანიზაციებმა გაწიეს ქალებისა და მშვიდობის მშენებლობის მიმართულებით და ამ დრომდე, ძალისხმევას არ იშურებენ.
პირველი სატრენინგო მოდული, მრგვალი მაგიდები სხვადასხვა მიზნობრივი ჯგუფებისთვის, სახალხო დიპლომატია და სხვა მრავალი, - ყველაფერი ეს 1325-ის პოპულარიზაციას და განხორციელებას ემსახურებოდა.
„ქალთა სამშვიდობო საბჭოს შემადგენლობაში 9 არასამთავრობო ორგანიზაცია შევიდა.ეს იყო, მართლაც, მრავალრიცხოვანი კოალიციის ფარგლებში შექმნილი სამუშაო ჯგუფებიდან ერთ-ერთი. დღემდე, კონფლიქტის მოგვარება რჩება აქტუალურ მიმართულებად.
როცა ქალთა სამშვიდობო საბჭოზე ვსაუბრობთ და ისტორიულ მეხსიერებას გადავხედავთ, არ შეიძლება არ გავიხსენოთ მანანა მებუკე და მისი როლი ამ საქმიანობაში. დასანანია, რომ ის დღეს ჩვენთან აღარ არის.“ – ამბობს როზა კუხალაშვილი, აფხაზეთის ავტონომიური რესპუბლიკის ქალთა საბჭოს თავჯდომარე. 🫂
მოგიყვეთ მეტი ადამიანებზე, რომლებიც იბრძოდნენ და დღემდე იბრძვიან ქალებისთვის? იმათზე, ვინც არ ნებდება დევნილი და კონფლიქტით დაზარალებული ქალების გაძლიერების გზაზე, მათი კეთილდღეობისთვის, გააქტიურებისთვის და ჩართულობის ხელშეწყობისთვის?
ილუსტრაცია: ნინუცა ნარმანია.
UN Women Georgia
#გაეროსუშიშროებისსაბჭოსრეზოლუცია1325
#25წლისაა
#რეზოლუციისმიღებისდღე
@გამომწერები
#რეზოლუცია1325
#ქალებსშეუძლიათქალებიმოქმედებენქალებიცვლიან
