14/03/2026
(اپیل) جو کہ صدر آئی ڈبلیو ایس (IWS) یوکے، چوہدری واجد حسین اور اس کی پوری ٹیم کی جانب سے ہے۔
بسم اللہ الرحمن الرحیم
اسلام علیکم ورحمۃ اللہ وبرکاتہ!
موضوع: رمضان المبارک کی آمد اور کارِ خیر میں شرکت کی خصوصی اپیل
محترم بھائیو اور بہنو!
اللہ تعالیٰ کا لاکھ لاکھ شکر ہے جس نے ہمیں ایک بار پھر رمضان المبارک جیسا بابرکت مہینہ نصیب فرمایا۔ یہ وہ مہینہ ہے جس میں نیکیوں کا اجر کئی گنا بڑھا دیا جاتا ہے اور اللہ کی رحمتیں موسلا دھار بارش کی طرح برستی ہیں۔
قرآن و سنت کی روشنی میں رشتہ داروں کے بعد آپ کے صدقات، عطیات اور زکوٰۃ کا سب سے زیادہ حق دار آپ کا اپنا علاقہ اور وہاں کے رہنے والے مستحق لوگ ہیں۔ اسی جذبے کے تحت اقرا ویلفیئر سوسائٹی (IWS) مواہ رڑاہ پورا سال اپنے گاؤں اور گردونواح کے غریب، نادار اور مستحق افراد کی خدمت میں ہمہ وقت مصروفِ عمل رہتی ہے۔
ہماری خدمات کے چند اہم پہلو:
• علاج معالجہ: جو مریض وسائل نہ ہونے کی وجہ سے علاج نہیں کروا سکتے، سوسائٹی ان کی مکمل مدد کرتی ہے۔
• بچیوں کی شادی: مستحق گھرانوں کی بچیوں کی شادی کے اخراجات میں تعاون کرنا تاکہ وہ عزت کے ساتھ اپنے گھروں کو رخصت ہو سکیں۔
• تعلیم: غریب بچوں کی اسکول فیس اور کتابوں کے اخراجات اٹھانا تاکہ کوئی بچہ علم سے محروم نہ رہے۔
• راشن کی فراہمی: ضرورت مند گھرانوں کے لیے ماہانہ راشن کا انتظام کرنا۔
• ہسپتال کی تعمیر: مقامی سطح پر بہتر طبی سہولیات کے لیے تعمیراتی اور خدماتی سفر جاری ہے تاکہ ہمارے لوگوں کو دور نہ جانا پڑے۔
آپ کی امانت، ہمارا اعتماد
آپ کا دیا ہوا ایک ایک روپیہ امانت سمجھ کر صرف اور صرف شرعی طور پر مستحقین تک پہنچایا جاتا ہے۔ آپ کے یہ عطیات نہ صرف دنیا میں لوگوں کے کام آئیں گے بلکہ آپ کے لیے صدقۂ جاریہ اور آخرت میں کامیابی کا ذریعہ بنیں گے۔
عطیات جمع کروانے کی تفصیلات:
برطانیہ (UK) کے لیے:
• اکاؤنٹ ٹائٹل: IWS CHARITY
• سورٹ کوڈ (Sort Code): 83-91-46
• اکاؤنٹ نمبر: 10401717
پاکستان کے لیے (الائیڈ بینک):
• ٹائٹل: IQRA WELFARE SOCIETY MAWA RARAH
• اکاؤنٹ نمبر: 0841-0010115764050010
• IBAN: PK40ABPA0010115764050010
آئیں! اس مقدس مہینے میں اپنی ہی سوسائٹی کا ساتھ دیں تاکہ انسانیت کی خدمت کا یہ سفر یونہی جاری رہے۔ اللہ تعالیٰ آپ کے مال و جان میں برکت عطا فرمائے اور آپ کی تمام عبادات و صدقات کو قبول فرمائے۔ آمین۔
جزاک اللہ خیر۔
مخلص،
چوہدری واجد حسین
صدر، آئی ڈبلیو ایس (IWS) یوکے
اقرا ویلفیئر سوسائٹی
