Sivagiri Ashramam UK

21/08/2026

ഗുരുദേവ ദർശനത്തിന്റെ ആഗോള വേദിയായി യു.കെ യിലെ ശിവഗിരി ആശ്രമം. 172 മത് ശ്രീനാരായണ ഗുരുദേവ ജയന്തി സമ്മേളനത്തിന് ആത്മീയ പ്രഭ ചൊരിയാൻ ശ്രീമത് വീരേശ്വരാനന്ദ സ്വാമികൾ.
*********************************************
ശിവഗിരി മഠത്തിന്റെ ഇന്ത്യയ്ക്ക് പുറത്തുള്ള അഫിലിയേറ്റഡ് സെന്ററായ ശിവഗിരി ആശ്രമം യു.കെ.യിൽ വിശ്വമാനവികതയുടെ മഹാഗുരുവായ ശ്രീനാരായണ ഗുരുദേവന്റെ 172-ാമത് ജയന്തി ഓഗസ്റ്റ് 28-ന് പ്രൗഢഗംഭീരമായി ആഘോഷിക്കും. ജയന്തി ആഘോഷങ്ങളിൽ പങ്കെടുക്കുന്നതിനായി ശിവഗിരി മഠത്തിന്റെ ഔദ്യോഗിക പ്രതിനിധിയായി ശ്രീമത് വീരേശ്വരാനന്ദ സ്വാമികൾ യു.കെ.യിലെത്തും.
ജയന്തി ആഘോഷങ്ങളുടെ ഭാഗമായി നടക്കുന്ന ജയന്തി സമ്മേളനത്തിൽ ശ്രീമത് വീരേശ്വരാനന്ദ സ്വാമികൾ മുഖ്യപ്രഭാഷണം നടത്തും.
ശ്രീനാരായണ ഗുരുദേവൻ ലോകത്തിന് പകർന്നുനൽകിയ “ഒരു ജാതി, ഒരു മതം, ഒരു ദൈവം മനുഷ്യന്” എന്ന മഹത്തായ മാനവിക സന്ദേശം രാജ്യാതിർത്തികൾക്കപ്പുറം പ്രചരിപ്പിക്കപ്പെടുന്ന കാലഘട്ടത്തിൽ, ശിവഗിരി മഠത്തിന്റെ പ്രതിനിധിയായി ശ്രീമത് വീരേശ്വരാനന്ദ സ്വാമികളുടെ സാന്നിധ്യം യു.കെ.യിലെ ഗുരുഭക്തർക്ക് ഏറെ ആത്മീയ പ്രാധാന്യമുള്ളതായിരിക്കും.

കേരളത്തിന്റെ സാമൂഹിക നവോത്ഥാനത്തിന് പുതിയ ദിശാബോധം നൽകിയ ഗുരുദേവ ദർശനം ഇന്നത്തെ ലോകസാഹചര്യത്തിൽ കൂടുതൽ പ്രസക്തമാണെന്നും ജാതി, മത, വർഗ വ്യത്യാസങ്ങൾക്കതീതമായി മനുഷ്യനെ മനുഷ്യനായി കാണുന്ന ഗുരുദേവ സന്ദേശം ലോകസമൂഹത്തിലേക്ക് എത്തിക്കുകയെന്നത് യു കെ യിലെ ശിവഗിരി ആശ്രമത്തിന്റെ മഹത്തായ ദൗത്യമാണെന്നും സംഘാടകർ അറിയിച്ചു.
യു.കെ.യിലെ വൂൽവർഹാംപ്ടണിൽ പ്രവർത്തിക്കുന്ന ശിവഗിരി ആശ്രമം, ഗുരുദേവ ദർശനവും ശിവഗിരി മഠത്തിന്റെ സന്ദേശവും ബ്രിട്ടനിലും യൂറോപ്പിലുമായി കൂടുതൽ ജനങ്ങളിലേക്ക് എത്തിക്കുന്നതിനുള്ള പ്രവർത്തനങ്ങൾ തുടർന്നുവരികയാണ്. വിവിധ കുടുംബ യൂണിറ്റുകളെയും ഗുരുഭക്തരെയും ഒരുമിപ്പിച്ചുകൊണ്ട് ആത്മീയ, സാംസ്കാരിക, സാമൂഹിക മേഖലകളിൽ ആശ്രമം നടത്തുന്ന പ്രവർത്തനങ്ങളുടെ ഏറ്റവും വലിയ വാർഷിക സംഗമങ്ങളിലൊന്നായാണ് ഗുരുദേവ ജയന്തി ആഘോഷം സംഘടിപ്പിക്കുന്നത്.
ഓഗസ്റ്റ് 28 വെള്ളിയാഴ്ച രാവിലെ 9 മണി മുതൽ രാത്രി 8 മണി വരെ നീണ്ടുനിൽക്കുന്ന ആഘോഷപരിപാടികളിൽ മഹാഗുരുപൂജ, ഗുരുദേവ കൃതികൾ കോർത്തിണക്കിയ ഗുരുഭജൻസ്, വർണശബളമായ ജയന്തി ഘോഷയാത്ര, ജയന്തി സമ്മേളനം, മെഗാ തിരുവാതിര, വിവിധ കലാപരിപാടികൾ എന്നിവ അരങ്ങേറും. യു.കെ.യുടെ വിവിധ ഭാഗങ്ങളിൽ നിന്നുള്ള ഗുരുഭക്തരും കുടുംബങ്ങളും സാമൂഹിക-സാംസ്കാരിക രംഗത്തെ പ്രമുഖരും ചടങ്ങുകളിൽ പങ്കെടുക്കും.
ഗുരുദേവന്റെ വിശ്വമാനവിക ദർശനത്തെ യു.കെ.യുടെ മണ്ണിൽ കൂടുതൽ ശക്തമായി ഉയർത്തിപ്പിടിക്കുന്ന ചരിത്രപ്രാധാന്യമുള്ള ആഘോഷമായി 172-ാമത് ഗുരുദേവ ജയന്തിയെ മാറ്റുന്നതിനുള്ള വിപുലമായ ഒരുക്കങ്ങളാണ് ശിവഗിരി ആശ്രമം യു.കെ.യിൽ പുരോഗമിക്കുന്നത്.
ജാതി-മത ഭേദമന്യേ എല്ലാവരെയും ജയന്തി ആഘോഷങ്ങളിലേക്ക് ഹൃദയപൂർവ്വം സ്വാഗതം ചെയ്യുന്നതായി ശിവഗിരി ആശ്രമം യു.കെ. ഭാരവാഹികൾ അറിയിച്ചു.

20/08/2026

V. P. Nandakumar to Inaugurate 172nd Sree Narayana Gurudeva Jayanthi Conference at Sivagiri Ashramam UK
*******************************************
Sivagiri Ashramam UK, the affiliated centre of Sivagiri Mutt outside India, will celebrate the 172nd Jayanthi of Sree Narayana Gurudevan, the great spiritual visionary of universal humanity, with grandeur and devotion on Friday 28th August.

The Jayanthi Celebration will be inaugurated by prominent industrialist Shri V. P. Nandakumar, MD & CEO of Manappuram Finance.
At a time when Gurudeva’s universal vision, teachings of equality, and message of social harmony are gaining ever greater relevance across the world, this celebration on UK soil will mark another proud chapter in the global propagation of Sree Narayana Gurudeva’s philosophy and ideals.

The celebration aims to spread the light of love, equality, unity, and brotherhood, upholding Gurudeva’s timeless message:

“One Caste, One Religion, One God for Humanity.”
On this sacred and memorable occasion, all devotees of Gurudeva from across the United Kingdom, along with their families, are warmly and wholeheartedly invited to Sivagiri Ashramam UK to come together in the light of Gurudeva’s teachings and be part of this historic celebration.

19/08/2026

ഗുരുദേവ ദർശനത്തിന്റെ ലോകവേദിയായി ശിവഗിരി ആശ്രമം യു.കെ.; ജയന്തി സമ്മേളനം വി. പി. നന്ദകുമാർ ഉദ്ഘാടനം ചെയ്യും
*********************************************
ശിവഗിരി മഠത്തിന്റെ ഇന്ത്യയ്ക്ക് പുറത്തുള്ള അഫിലിയേറ്റഡ് സെന്ററായ ശിവഗിരി ആശ്രമം യു.കെ.യിൽ, വിശ്വമാനവികതയുടെ മഹാഗുരുവായ ശ്രീനാരായണ ഗുരുദേവന്റെ 172-മത് ജയന്തി ഓഗസ്റ്റ് 28-ന് പ്രൗഢഗംഭീരമായി ആഘോഷിക്കും.

ജയന്തി സമ്മേളനം പ്രമുഖ വ്യവസായിയും മണപ്പുറം ഫിനാൻസ് എം.ഡി & സി.ഇ.ഒയുമായ ശ്രീ. വി. പി. നന്ദകുമാർ ഉദ്ഘാടനം ചെയ്യും.

ഗുരുദേവന്റെ വിശ്വമാനവിക ദർശനവും സമത്വസന്ദേശവും ലോകമെമ്പാടും കൂടുതൽ പ്രസക്തമാകുന്ന ഈ കാലഘട്ടത്തിൽ, യു.കെ.യുടെ മണ്ണിൽ നടക്കുന്ന ഈ ജയന്തി ആഘോഷം ഗുരുദേവ ദർശനത്തിന്റെ ആഗോള പ്രചാരണത്തിലെ മറ്റൊരു അഭിമാനകരമായ അധ്യായമായി മാറും.

“ഒരു ജാതി, ഒരു മതം, ഒരു ദൈവം മനുഷ്യന്” എന്ന മഹത്തായ ഗുരുദേവ സന്ദേശം ഉയർത്തിപ്പിടിച്ച് സ്നേഹത്തിന്റെയും സമത്വത്തിന്റെയും സാഹോദര്യത്തിന്റെയും വെളിച്ചം സമൂഹത്തിലേക്ക് കൂടുതൽ വ്യാപിപ്പിക്കുകയാണ് ആഘോഷത്തിന്റെ ലക്ഷ്യം.

ഗുരുദേവന്റെ പുണ്യസ്മരണ നിറയുന്ന ഈ മഹനീയ ദിനത്തിൽ, ഗുരുദേവ ദർശനത്തിന്റെ പ്രകാശത്തിൽ ഒരുമിക്കുവാനും ഈ ചരിത്രമുഹൂർത്തത്തിന് സാക്ഷികളാകുവാനും യു.കെ.യുടെ വിവിധ ഭാഗങ്ങളിലുള്ള എല്ലാ ഗുരുഭക്തരെയും കുടുംബസമേതം ശിവഗിരി ആശ്രമം യു.കെ.യിലേക്ക് ഹൃദയപൂർവ്വം സ്വാഗതം ചെയ്യുന്നു.

18/08/2026

18/08/2026

🌼 ഗുരുദേവ ജയന്തിയുടെ പുണ്യനിറവിൽ ശിവഗിരി ആശ്രമം യു.കെ. 🌼

ശിവഗിരി മഠത്തിന്റെ ഇന്ത്യയ്ക്ക് പുറത്തുള്ള അഫിലിയേറ്റഡ് സെന്ററായ ശിവഗിരി ആശ്രമം യു.കെ.യിൽ 172-മത് ശ്രീനാരായണ ഗുരുദേവ ജയന്തി പ്രൗഢഗംഭീരമായി ആഘോഷിക്കുന്നു. 🙏✨

📅 28 ഓഗസ്റ്റ്, വെള്ളിയാഴ്ച
🕘 രാവിലെ 9 മുതൽ വൈകിട്ട് 8 വരെ

🙏 മഹാഗുരുപൂജ
🎶 ഗുരു ഭജൻസ്
🚩 വർണ്ണശബളമായ ഘോഷയാത്ര
🪔 ജയന്തി സമ്മേളനം
💃 മെഗാ തിരുവാതിര
🎭 കലാപരിപാടികൾ

എല്ലാ ഗുരുഭക്തരെയും കുടുംബസമേതം ഹൃദയപൂർവ്വം സ്വാഗതം ചെയ്യുന്നു.

ഓം ശ്രീനാരായണ പരമഗുരവേ നമഃ

18/08/2026

യു.കെ.യിലെ ശിവഗിരി ആശ്രമത്തിൽ 172-മത് ശ്രീനാരായണ ഗുരുദേവ ജയന്തി ഓഗസ്റ്റ് 28ന് പ്രൗഢഗംഭീരമായി ആഘോഷിക്കുന്നു.
****************************************

ശിവഗിരി മഠത്തിന്റെ ഇന്ത്യയ്ക്ക് പുറത്തുള്ള അഫിലിയേറ്റഡ് സെന്ററായ യു.കെ.യിലെ ശിവഗിരി ആശ്രമത്തിൽ 172-മത് ശ്രീനാരായണ ഗുരുദേവ ജയന്തി ഓഗസ്റ്റ് 28 വെള്ളിയാഴ്ച പ്രൗഢഗംഭീരമായി ആഘോഷിക്കും. രാവിലെ 9 മണി മുതൽ വൈകിട്ട് 8 മണി വരെ നീണ്ടുനിൽക്കുന്ന ആഘോഷപരിപാടികളിൽ യു.കെ.യുടെ വിവിധ ഭാഗങ്ങളിൽ നിന്നുള്ള ഗുരുഭക്തർ പങ്കെടുക്കും.

മഹാഗുരുപൂജയോടെയാണ് ജയന്തി ആഘോഷങ്ങൾക്ക് ഭക്തിനിർഭരമായ തുടക്കം കുറിക്കുക. തുടർന്ന് ഗുരുദേവന്റെ സന്ദേശങ്ങളും ദർശനത്തിന്റെ മഹത്വവും വിളിച്ചോതുന്ന വർണ്ണശബളമായ ജയന്തി ഘോഷയാത്ര നടക്കും.
ശ്രീനാരായണ ഗുരുദേവന്റെ കൃതികൾ കോർത്തിണക്കിക്കൊണ്ടുള്ള ‘ഗുരു ഭജൻസ്’ ആഘോഷപരിപാടികളുടെ ആത്മീയ സവിശേഷതകളിലൊന്നായിരിക്കും. ഗുരുദേവ കൃതികളുടെ അർത്ഥവും ആത്മീയ സൗന്ദര്യവും സംഗീതത്തിലൂടെ ഭക്തഹൃദയങ്ങളിലേക്ക് എത്തിക്കുന്ന ഭജനാവതരണം ജയന്തി ആഘോഷത്തിന് ഭക്തിസാന്ദ്രമായ അന്തരീക്ഷം പകരും.
ജയന്തി ആഘോഷങ്ങളുടെ ഭാഗമായി നടക്കുന്ന ജയന്തി സമ്മേളനത്തിൽ ഗുരുദേവ ദർശനത്തിന്റെയും മാനവിക സന്ദേശങ്ങളുടെയും സമകാലിക പ്രസക്തി ഉയർത്തിക്കാട്ടും.

ഗുരുമിത്ര ടീമിന്റെ മെഗാ തിരുവാതിരയും ആഘോഷത്തിലെ പ്രധാന ആകർഷണമായിരിക്കും. തുടർന്ന് സേവനം യു.കെ.യുടെ വിവിധ കുടുംബ യൂണിറ്റുകളിലെ അംഗങ്ങൾ അവതരിപ്പിക്കുന്ന വൈവിധ്യമാർന്ന കലാപരിപാടികൾ അരങ്ങേറും. കുട്ടികളും മുതിർന്നവരും ഉൾപ്പെടെയുള്ള കലാകാരന്മാർ വിവിധ പരിപാടികളുമായി വേദിയിലെത്തും.

ഗുരുദേവന്റെ സ്നേഹം, സമത്വം, സാഹോദര്യം, മാനവികത എന്നിവയിൽ അധിഷ്ഠിതമായ മഹത്തായ ദർശനം പുതുതലമുറയിലേക്കും വിശാലമായ സമൂഹത്തിലേക്കും കൂടുതൽ ശക്തമായി എത്തിക്കുക എന്ന ലക്ഷ്യത്തോടെയാണ് വിപുലമായ പരിപാടികളോടെ ജയന്തി ആഘോഷം സംഘടിപ്പിക്കുന്നത്.

ഈ പുണ്യദിനത്തിൽ നടക്കുന്ന ആഘോഷങ്ങളിൽ കുടുംബസമേതം പങ്കുചേർന്ന് ഗുരുദേവന്റെ അനുഗ്രഹം നേടുവാൻ യു.കെ.യിലെ എല്ലാ ഗുരുഭക്തരെയും ശിവഗിരി ആശ്രമം യു.കെ. ഹൃദയപൂർവ്വം ക്ഷണിച്ചു കൊള്ളുന്നു.

13/08/2026

പിതൃസ്മരണകളിൽ പ്രാർത്ഥനയുടെ പുണ്യം… 🙏🪔
ആത്മശാന്തിക്കായി ഭക്തിനിർഭരമായ ബലിതർപ്പണം — യു.കെ.യിലെ ശിവഗിരി ആശ്രമത്തിൽ.

ഓർമ്മകൾക്ക് മരണമില്ല… പിതൃക്കളുടെ അനുഗ്രഹം തലമുറകൾക്ക് കരുത്താകട്ടെ. 🙏

#പിതൃതർപ്പണം