Glo Man

05/06/2026

Mae rhifyn mis Mehefin ar gael - llun hyfryd o ddisgyblion Adran Cennen, Ysgol Gymraeg Rhydaman yn dathlu pen-blwydd Syr David Attenborough yn 100 oed ar y clawr.
Ewch i nôl eich copi

26/05/2026

05/05/2026

Cofiwch gefnogi’r achlusur arbennig yma. Ysbyty Dyffryn Aman yn dathlu 90 mlynedd.

01/05/2026

Mae rhifyn Mis Mai ar gael - Hanes Taith Dawnswyr Penrhyd i Batagonia ar y dudalen flaen a thu fewn y cloriau.
Ewch i brynu eich copi o Siop Cyfoes, Canolfan Y Mynydd Du neu Swyddfa Bost Capel Hendre.

08/03/2026

Dyma fwy o hanes yr ymgyrch, sydd ar dudalen flaen Glo Mân y mis yma, gan drigolion Cwmaman i gadw Eglwys Garnant ar agor.

Cynhaliwyd cyngerdd llwyddiannus iawn yn Eglwys Crist, Garnant, nos Wener, 20 Chwefror. Cafodd cynulleidfa fawr ei diddanu gan Gôr Ysgol y Bedol, Lleisiau’r Cwm o dan arweiniad Catrin Hughes, a pherfformwraig ifanc leol, Megan Davies.
Trefnwyd y cyngerdd gan grŵp o drigolion Cwmaman sy’n benderfynol o gadw’r eglwys ar agor.
Yn ôl ym mis Medi 2025 cynhaliwyd cyfarfod cyhoeddus yn Garnant ynghylch dyfodol yr eglwys. Mae hyn yn dilyn adolygiad o’i holl eglwysi a gynhaliwyd gan Gyngor Esgobaethol Tyddewi.
Tyfodd poblogaeth Cwmaman yn gyflym yn ystod rhan gyntaf y 18fed ganrif a sylweddolodd Ficer Llandeilo yr angen am eglwys yn yr ardal. Fe wnaeth ef a Wardeniaid Eglwys Llandeilo, ar ran pobl Garnant, gaffael tir ar gyfer adeiladu Eglwys Crist gan yr Arglwydd Dinefwr. Roedd y tir ar un adeg yn rhan o fferm Cae Aberpedol.
Adeiladwyd yr eglwys a'r ficerdy gan y saer maen enwog, Morgan Morgan, o Dŷ Llwyd, Glanaman. Roedd yn fab i Dafydd Morgan o Fferm Brynlloi. Amcangyfrifwyd bod cost adeiladu'r eglwys a'r ficerdy yn £527 12s 6d.
Ond gyda chynulleidfaoedd yn lleihau, mae ofnau y gallai’r eglwys sy’n 182 mlwydd oed, gau’n fuan. Fodd bynnag, mae pobl leol yn benderfynol o gadw'r eglwys ar agor ac os yw'r nifer a fynychodd gyngerdd dydd Gwener yn unrhyw beth i'w ddisgwyl mae'r dyfodol yn edrych yn ddisglair.

06/03/2026

Ymddiheuriadau enfawr am beidio a chynnwys newyddion Pentref Garnswllt yn rhifyn Mawrth Glo Mân.
Dyma beth sydd yn mynd ymlaen yn Noddfa -
8fed Mawrth Oedfa Gymun o dan ofal Y Parch John Talfryn Jones. Cynhelir yr oedfa am 3 00 Y. P.
Yna, ar y 29ain ( Sul y Blodau ) byddwn yn ymuno â chapeli eraill yr ardal yng Ngellimanwydd am 4.00 Y. P. mewn Oedfa o Fawl o dan arweiniad Ms Catrin Hughes ( Lleisiau'r Cwm ) .
Croeso i bawb ymuno gyda ni yn yr oedfaon.

05/03/2026

Ydych chi wedi cael eich copi o rhifyn Mis Mawrth eto. Hanes ymgyrch trigolion Garnant i gadw Eglwys Crist y pentref ar agor ar y dudalen flaen.

27/02/2026

Wrthi'n argraffu Glo Mân, rhifyn 470, Mawrth 2026. Papur Bro Rhydaman a'r Cylch. Draw a nhw i'r gilotîn nesaf!
Busy printing Glo Mân, issue 470, March 2026. The Papur Bro for Ammanford and the surrounding area. They are off to the guillotine next!
Mynwch gopi, ar werth whap - Make sure to grab yours, available soon. Glo Man a Papurau Bro

05/02/2026

WAW! WAW! WAW! - Dyna oedd pennawd Glo Mân ar gyfer Cyngerdd Dathlu Adran Penrhyd yn 50 oed. Am noson wirioneddol wych – cyfle i ddathlu 50 mlynedd o fodolaeth a llwyddiannau’r Adran o dan arweiniad Jennifer Maloney.
Mae'r adroddiad llawn a Lluniau ar dudalennau 2 a 3 rhifyn Chwefror Glo Mân. Penrhyd-Cyhoeddus/Public