17/10/2026
हिजो वेलाएतको संसदमा प्रबेस गर्ने अबसर मिल्यो ।
रेडिङका सांसद म्याट रोड्डा (MP Matt Rodda) ले नेपालको भोटेकोशी बाढीपछिको अवस्था र यसको दीर्घकालीन समाधानका सम्भावनाहरूबारे छलफल गर्न वेस्टमिन्स्टर हलमा एक महत्त्वपूर्ण कार्यक्रम आयोजना गर्नुभएको थियो।
करिब दुई घण्टासम्म चलेको उक्त छलफलमा बेलायतका लगभग सबै राजनीतिक दलका सांसदहरूले समस्याको गम्भीरतालाई आत्मसात् गर्दै महत्त्वपूर्ण विषयहरू उठाउनुभयो। जलवायु परिवर्तनले हिमालय क्षेत्रमा पारेको प्रभावका कारण क्षणभरमै मानवीय बस्तीहरू ध्वस्त हुन सक्ने विनाशकारी घटनाहरूप्रति उहाँहरूले गहिरो दुःख र चिन्ता व्यक्त गर्नुभयो। साथै, यस विषयमा गहन अनुसन्धान गर्नुपर्ने आवश्यकता औँल्याउँदै व्यावहारिक तथा दिगो दीर्घकालीन समाधानका लागि पहल गर्ने प्रतिबद्धता पनि व्यक्त गर्नुभयो।
यस महत्त्वपूर्ण छलफलमा ग्रेटर रेडिङ नेपाली समुदायलाई सहभागी गराउन पहल गर्नुभएकोमा सांसद म्याट रोड्डा (MP Matt Rodda) प्रति हार्दिक आभार व्यक्त गर्दछु। साथै, हाम्रो सहभागिताको समन्वय तथा व्यवस्थापनमा महत्त्वपूर्ण भूमिका निर्वाह गर्नुहुने नवजित कौर जिल (Navjit Kaur Jill) र काउन्सिलर प्रतीक्षा गुरुङ (Councillor Praktikshya Gurung) प्रति पनि हार्दिक धन्यवाद व्यक्त गर्दछु। 🙏
पूर्व अध्यक्षहरू: महेश गुरुङ, कृष्ण न्यौपाने र मान गुरुङ
सल्लाहकारहरू: देव गुरुङ र चन्द्र बुढाथोकी
उपाध्यक्ष: प्रेम गुरुङ
कार्यसमिति सदस्यहरू: हिममत सितौला र उमेश निरौला
आजीवन सदस्यहरू: इन्द्र क्षेत्री, रीता क्षेत्री, दीपेन्द्र सेढाईं, अरुणा गुरुङ, श्वेता सिवाकोटी र खेम गुरुङ
यस महत्त्वपूर्ण कार्यक्रममा यहाँहरूको अमूल्य समय, उपस्थिति र हाम्रो समुदायप्रतिको निरन्तर समर्पणका लागि म प्रत्येक व्यक्तिप्रति हृदयदेखि नै आभारी छु।
भीमसेन खड्का
अध्यक्ष
ग्रेटर रेडिङ नेपाली कम्युनिटी एसोसिएसन (GRNCA)
रे
