02/05/2026
نووچەی_بەریتانیا - ئەینی 1/5/2026
وەرگێڕان: کێوان عومەر
ل پەرلەمانێ بەریتانیا رووبەرووبوونەوەیەکا گەرم د ناڤبەرا دوو پەرلەمانتارێن ڕاستڕەوێن توند و وەزیرا پەروەردێ دا روویدا. وەزیرا پەروەردێ "بریدجێت فلیپسۆن" بەرسڤا ئیدیعایێن پەرلەمانتارێ پارتییا (Restore Britain) "ڕۆبەرت لۆوی" و پەرلەمانتارا پارتییا پارێزگاران "کلێر کۆتینۆ" دا، و ئاخفتنێن کۆتینۆ ب وێ چەندێ وەسف کرن کو دبیتە ئەگەرێ "دابەشکاریێ" د ناڤ جڤاکێ بەریتانی دا.
بڕیارە ل 11ی 6ی 2024 فڕۆکەخانەیا کۆڤەنتری ب ئێکجاری ب ڕوویێ گەشتیاران دا بهێتە گرتن و ل دەستپێکا ڤی مەهی دوماهیک گەشتێن وێ دێ هێنە ئەنجامدان، دێ ل جهێ وێ ژی کارگەهەکا پاتریێن ترومبێلان هێتە ئاڤاکرن.
ڕێبەرێ پارتییا کەسک داخوازا لێبۆرینێ کر ژبەر بەلاڤکرنا پۆستەکێ بلەز ل سۆشیال میدیایێ کو تێدا ڕەخنە ل سەرەدەرییا پۆلیسان گرتبوو ل دەمێ هێرشا "گۆڵدەرز گرین". پێشتر "کیر ستارمەر" سەرۆک وەزیران، ئەو پۆستە ب "شەرمەزاری" وەسف کربوو.
یاسایا نوو یا کرێنشینی و خانی و بەران ژ ئەڤڕۆ و پێ دە ل هەمی ئینگلتەرا چووە د بوارێ جێبەجێکرنێ دا و سێ گوهۆڕینێن یاسایی هاتینە کرن:
1. قەدەغەکرنا دەرکرنا بێ ئەگەر: ئێدی خودانێ خانی نەشێت بێ ئەگەرەکێ یاسایی کرێنشینی دەربێخیت.
2. دوماهیک ئینان ب زێدەکرنا نرخێ کرێی: نوکە یا نەیاساییە خودان خانى یان نڤیسینگەهـ داخوازا نرخەکێ پتر ل وی نرخێ هاتیە ڕاگەهاندن بکەن.
3. مافێ ڕاگرتنا ئاژەلێن مالى: خودانێن خانییان دێ نەچار بن داخوازیا ڕاگرتنا ئاژەلان ل بەر چاڤ بگرن و نەشێن بێ ئەگەرەکێ بێهێز ڕەت بکەن.
کۆمپانیا Whitbread کو خودانا زنجیرە ئۆتێلێن "پریمێر ئین"ە، 3,800 دەرفەتێن کاری خستینە د مەترسیێ دا ژبەر گرتنا پشکەکا چێشتخانەیێن خۆ (وەک Beefeater) ژ پێخەمەت گرنگیدانەکا پتر ب ئۆتێلان.
سەرەڕای ئالۆزیێن ڕۆژهەلاتا ناڤەڕاست، کۆمپانیا ڕۆڵز-ڕۆیس کو بنگەهێ وێ ل باژێرێ چێچستەرە، پێشبینیێن قازانجێ خۆ ب 4 ملیار پاوەنان پاراستینە.
ل باکورێ ئیرلەندا پیاوەک هاتە تۆهمەتبارکرن ب تەقاندنا ترومبێلەکا بۆمبڕێژکری ل نێزیک بنگەهەکێ پۆلیسان ل "بێلفاست".
ژبەر کارکرن و نۆژەنکرنێ د ڕۆژێن پشوا فەرمی یا مەها پێنجێ دا (bank holiday)، پشکەکا زۆر یا وێستگەهێن شەمەندەفرێ و میترۆیێ ل باژێرێ لەندەن دێ هێنە گرتن.
💰 نرخێ پاوەنی ئەڤڕۆ ئەینی:
• نرخێ 100 دۆلاران ل بازاڕێن ئۆنلاینێن بەریتانیا: 73 پاوەن و 50 پێنس.
• بەرمانبەر 100 پاوەن: 136 دۆلار و 04 سەنت.
• حەوالەیا 100 دۆلاران ژ بەریتانیا بۆ کوردستانێ: د ناڤبەرا 79 بۆ 81 پاوەنان دا بوو.
