05/01/2026
नेपालीहरूको आफ्नै संस्था यति नेपाली एसोसिएसन, युके को ३१औँ कार्यसमितिका महासचिव आशीष पन्तज्यूकी पूजनीय माताजी, गोरखा नगरपालिका–१०, छेबेटार स्थायी घर भई हाल काठमाडौँ महानगरपालिका–३१, ओमकारेश्वरमा बसोबास गर्दै आउनु भएकी स्वर्गीय किरण पन्तज्यूको निधनको दुःखद समाचारले यति नेपाली एसोसिएसन, युके परिवारलाई अत्यन्त मर्माहत बनाएको छ। यस अपूरणीय क्षतिमा संस्थाको सम्पूर्ण कार्यसमिति तथा सदस्यहरू, साथै सम्पूर्ण यति परिवारको तर्फबाट गहिरो दुःख र हार्दिक समवेदना व्यक्त गर्दछौँ।
माताजी स्नेह, ममता र त्यागको प्रतीक हुनुहुन्थ्यो। उहाँको देहावसानले सम्पूर्ण परिवारजनले भोग्नुपरेको पीडामा हामी सबैको भावना र साथ सधैँ रहनेछ। उहाँले दिनुभएको जीवनमूल्य, संस्कार र प्रेरणा सदा स्मरणीय रहनेछन्।
यस शोकको घडीमा दिवंगत आत्माको चिरशान्तिको कामना गर्दै, शोकसन्तप्त परिवारलाई यो अपार दुःख सहन सक्ने शक्ति, धैर्य र आत्मबल प्राप्त होस् भनी ईश्वरसँग प्रार्थना गर्दछौँ।
यस कठिन समयमा हाम्रो हार्दिक समवेदना स्वीकार गरिदिनुहुन अनुरोध गर्दै, यति नेपाली एसोसिएसन, युके परिवार तपाईंहरूका साथ ऐक्यबद्ध रहेको विनम्रतापूर्वक व्यक्त गर्दछौँ।
ॐ शान्ति।
अध्यक्ष टंक भट्टराई
तथा
यति नेपाली एसोसिएसन, युके परिवार
