30/08/2026
هێشتا بەبەریەوەماوە نەچووە و تکایە با لەدەستمان دەرنەچێ!!
کوردی / ئینگلیزی
بۆ تاک بەتاکی کۆمەڵگای کوردستانی بەڕێز
بەتایبەت بڕیار بەدەستانی (پارتی و یەکیەتی)
تکایە وەکو خۆمان یەکتر قبووڵ بکەین و ڕێککەوین لەسەر شێوازی خۆبەڕێوەبردن، کۆمەڵگا بەجیاوازیەکانیەوە و ووڵات بەدادوەری.
با کات بەفیڕۆنەدەین بە هەوڵی یەکگرتن بەمەبەستی وەکو (خۆلێکردن لە بیرکردنەوەدا) ئەوجا قبووڵی بکەی بەواتایەکی تر (لەناوخۆدا یەک ئەوەی تر بیتوێنتەوە) ئەوجا ماف پێ ڕەوا ببینین!!! ئەوە ئەزموونێکی سواوی یەکتر بەکۆیلە کردنە کە پێچەوانەی فەرمانی خوا و هەموو بنەماکانی پێکەوەژیانە بەئاشتی.
هەروەکو خوا (جل جلالە) لەم سورەتانەی قورئانی پیرۆزدا ئاماژەی پێکردووە (ئەگەر ویستی لەسەربا هەمووتانی دەکرد بەیەک…):
* (المائدة - ٤٨)
ئێمه قورئانمان هاوڕێ له‌گه‌ڵ هه‌موو حه‌قیقه‌ت و ڕاستیه‌کدا بۆ تۆ دابه‌زاندووه، ڕاستی و دروستی کتێبه‌کانی پێش خۆیشی دیاری ده‌کات و چاودێره به‌سه‌ر هه‌موویاندا (کاتێک خاوه‌نانی کتێب له گاورو جوو گیروگرفتیان ده‌هێنن بۆ لای تۆ) به‌و به‌رنامه‌یه‌ی خوا ناردوویه‌تی داوه‌ریی بکه له نێوانیانداو شوێن ئاره‌زووه‌کانی ئه‌وان مه‌که‌وه‌و له‌و حه‌قه لامه‌ده که بۆت ڕه‌وانه کراوه، بۆ هه‌رلایه‌کتان (موسڵمانان و خاوه‌نانی کتێب) به‌رنامه و پڕۆگرامی تایبه‌تمان بڕیارداوه خۆ (ئه‌گه‌ر خوا بیویستایه هه‌ر هه‌مووتانی ده‌کرده یه‌ک ئوممه‌ت و گه‌لێکی یه‌ک پارچه)، به‌ڵام (ویستی وایه به‌و جیاوازیه) تاقیتان بکاته‌وه له‌وه‌ی پێی به‌خشیوون (تا به‌هۆی عه‌قڵ و ژیریتانه‌وه شوێنی پێغه‌مبه‌ری ئیسلام بکه‌ون)، ده‌ی که‌واته زۆر به‌په‌له‌بن و پێشبڕکێ بکه‌ن بۆ هه‌موو خێرو چاکه‌یه‌ک، دڵنیاش بن که هه‌مووتان ده‌گه‌ڕێنه‌وه بۆ لای خوا، ئه‌و کاته هه‌واڵی ته‌واوتان ده‌داتێ ده‌رباره‌ی ئه‌و شتانه‌ی که کێشه‌تان له‌سه‌ری هه‌بوو.
* (النحل - ٩٣ ):
خۆ ئه‌گه‌ر خوا بیویستایه ده‌یکردن به‌یه‌ك ئوممه‌ت )(به‌ڵکو ڕێزی بۆ داناون و مۆڵه‌تی داون و سه‌ربه‌ستی کردوون)، به‌ڵام ئه‌وه‌ی خوا بیه‌وێت گومڕای ده‌کات و ئه‌وه‌ی بیه‌وێت ڕێنموویی ده‌کات (ئه‌ڵبه‌ته ویستی خوا دژایه‌تی ویستی ئاده‌میزاد ناکات، ئه‌وه‌ی بیه‌وێت ڕێبازی هیدایه‌ت بگرێت ڕێنموویی ده‌کات، ئه‌وه‌ش ڕێبازی گومڕایی بگرێته به‌ر مۆڵه‌تی ده‌دات و زۆری لێ ناکات)، بێگومان پرسیارتان لێ ده‌کرێت ده‌رباره‌ی ئه‌و کارو کرده‌وانه‌ی که ئه‌نجامتان ده‌دا.
(تەفسیری ئاسان)
* (الشورى - ٨ ):
ئه‌گه‌ر خوا ویستی ببوایه هه‌موویانی ده‌کرده میلله‌تێکی یه‌ك پارچه (هه‌مووان به‌ناچاریی ئیمه‌ندارو چاك ده‌بوون) به‌ڵام ویستی وایه هه‌ر که‌س بیه‌وێت و شایسته بێت، ده‌یخاته سایه‌ی ڕه‌حمه‌ت و میهره‌بانی و به‌هه‌شتی خۆیه‌وه، سته‌مکارانیش هیچ پشتیوان و یاریده‌ده‌رێکیان نابێت.
* (هود - ١١٨ ):
خۆ ئه‌گه‌ر په‌روه‌ردگارت بیویستایه ئه‌وه هه‌موو خه‌ڵکی ده‌کرد به‌یه‌ك تاقم و کۆمه‌ڵ، (به‌ڵام) به‌رده‌وامیش ئه‌و خه‌ڵکه جیاوازن له‌نێوانی یه‌کتردا له ئایین و به‌رنامه و بۆچووندا...
(تەفسیری ئاسان)
تکایە هێشتا بەبەریەوەماوە (نەچووە و با لەدەستمان دەرنەچێ) با بیر لە داڕشتنی دەستورێک بکەینەوە کە هەموولایەکمان خۆبەبراوە بزانین(براوە - براوە) گومانی تێدانیە هەتا دادوەربین لەگەڵ یەکتردا متمانە و خۆشەویستی لەنێوماندا زیاد دەکات و خواش بەرەکەتی زیاتری تێدەخات …. بەپێچەوانەوەش ئەگەر بەردەوام بن لەسەر ستەم لەیەکتر کردن، دەبنە هۆکاری زیاتر سەرگەردان بوون میللەتەکەمان. بەدڵنیایی خوا چیترتان لێ قبووڵ ناکات چونکا تا ئێستا ستەم لە هیچ کەس قبووڵ نەکردووە.
#خالیدئاسنگه‌ر
لەندەن ، ١شەممە ، ٣٠ - ٨ - ٢٠٢٦
——————————————————————
“We still have a chance, so please, let us not lose it!!"
To every single member of our respected Kurdistan community,
and especially to the decision-makers of the KDP and PUK:
Please, let us accept one another as we are and agree on a framework for self-governance—a society built on accepting diversity, and a nation governed by justice.
Let us not waste time trying to unite by forcing everyone to think alike, only to accept each other after erasing our differences—in other words, dissolving one side into the other before recognizing their rights. That is an outdated pattern of subjugation, which goes against God's command and all principles of peaceful coexistence.
As Almighty God states in the Holy Quran, if it had been His will, He would have made you all one single nation…
* (Al-Ma'ida - 48):
We have revealed to you ˹O Prophet˺ this Book with the truth, as a confirmation of previous Scriptures and a supreme authority on them. So judge between them by what Allah has revealed, and do not follow their desires over the truth that has come to you. To each of you We have ordained a code of law and a way of life. If Allah had willed, He would have made you one community, but His Will is to test you with what He has given ˹each of˺ you. So compete with one another in doing good. To Allah you will all return, then He will inform you ˹of the truth˺ regarding your differences.
* (Al-Nahl - 93):
Had Allah willed, He could have easily made you one community ˹of believers˺, but He leaves to stray whoever He wills and guides whoever He wills.[1] And you will certainly be questioned about what you used to do.
* (Al-Shu'ari - 8):
Had Allah willed, He could have easily made all ˹humanity˺ into a single community ˹of believers˺. But He admits into His mercy whoever He wills. And the wrongdoers will have no protector or helper.
* (Hud - 118):
Had your Lord so willed, He would have certainly made humanity one single community ˹of believers˺, but they will always ˹choose to˺ differ—
(Translation Dr. Mustafa Khattab)
Please, there is still time—it is not too late, so let us not lose this chance. Let us focus on drafting a constitution where every side feels like a winner (a win-win for all). Without a doubt, as long as we act with justice toward one another, trust and love will grow among us, and God will grant us greater blessings.
Conversely, if you continue to oppress one another, you will cause our nation to fall deeper into confusion and ruin. Rest assured, God will no longer accept this from you, for He has never tolerated injustice toward anyone.
London, Sunday, 30 - 08 - 2026
