Myanmar Events in UK

11/06/2026

81 for 81 Proof of life Challenge 8.1 km walk ကို London မှာ ၁၄/၆/၂၀၂၆ တနင်္ဂနွေနေ့ မှာ ပြုလုပ်ပါမယ်။
ပါဝင်လိုသူများ မနက် ၉ နာရီ အရောက် Regent Park underground station နားမှာစုံကြပါမယ်။
ပြီးရင် Battersea Park က Peace pagoda ထိလျှောက်ပြီး ဆုတောင်းကြပါမယ်ခင်ဗျာ။
၁၃ ရက်နေ့ ည ၁၁ နာရီ ကတည်းက 81 km running challenge လုပ်သူများလည်း Battersea Park မှာ ပန်းဝင်ပါမယ်။
ပန်းဝင်လာမည့် သူများကို Kim မှ Battersea park မှနေပြီး စောင့်ကြိုနေပြီး ပါဝင်မှု မှတ်တမ်းအဖြစ် Certificate များကိုလည်း ပေးအပ်သွားမှာဖြစ်ပါတယ်။

Proof of Life - Right Now!!

08/06/2026

ကျနော်တို့ရဲ့ ကချင် တိုင်းရင်းသားမောင်နှမတွေ အတွက် ဝိုင်းဝန်းပေးကြပါဦး။

https://gofund.me/607e56d2d
https://www.facebook.com/share/v/1CWCQymmHg/

6th June 2026, we’re coming together to walk in solidarity… Hkanhpa Sadan needs your support for Walk for Kachin IDPs - Walk with us. Raise hope. Save lives!

07/06/2026

နွေဦးတော်လှန်ရေးမှာ Day 1 ကတည်းမှ ပါဝင်ခဲ့ပြီး ယူကေမှာ ကျင်းပပြုလုပ်သည့် တော်လှန်ရေး ပွဲ မှန်သမျှတွင်လည်း အင်တိုက်အားတိုက် အမြဲမပြတ် ပူးပေါင်းပါဝင်တဲ့ ကိုဥက္ကာ နဲ့ ကိုသူရ တို့ နှစ်ယောက် ရဲ့
81for81 - Proof of Life Challenge ဖြစ်ပါတယ်။
13 June ညဘက် 11:00 pm မှာ Hammersmith Bridge ကနေ စထွက်ပြီး နောက်‌တနေ့ 14 ရက်နေ့မှာ Kim ပြုလုပ်မယ့် 8.1 KM challenge နဲ့ ပူးပေါင်းပြီး Battersea Park မှာ ပန်းဝင်မှာ ဖြစ်ပါတယ်။
81 KM မှာ ပူးပေါင်းနိုင်သလို၊
14 June မှာ ပြုလုပ်မယ့် 8.1 KM challenge မှာ ပူးပေါင်းချင်သူများလည်း 14 June မနက် 9:00 AM မှာ Regent park underground station မှ စထွက်ပါမယ်။
အားလုံးပါဝင်ကြဖို့ ထပ်ဆင့်ဖိတ်ခေါ်လိုက်ပါတယ်။

02/06/2026

2026 လန်ဒန်တော်လှန်သင်္ကြန်မှ ကြည်နူးဖွယ်ရာ ပုံရိပ်များကို အမှတ်တရ မှတ်တမ်းတင်ပေးသော WH Channel ကို ကျေးဇူးအထူးတင်အပ်ပါတယ်။

20 June မှာလည်း ဒီ Feltham Hall မှာ အမေစုရဲ့ 81 နှစ်ပြည့် မွေနေ့အမှတ်တရ Fundraising ပွဲ ကျင်းပဦးမှာမို့ အနီးအဝေး တော်လှန်မိတ်ဆွေများအား ဖိတ်ကြားလိုက်ပါတယ်။
Surprise လည်း ပါမှာတဲ့နော်။ ဘာလဲတော့မသိ။

02/06/2026

Kachin Relief Fund charity walk 2026🚶‍♀️

Dear Friends,

Please join us in walking for hope, solidarity, and support for Internally Displaced Persons (IDPs) in Kachin (Burma).
Thousands of families affected by conflict continue to face challenges in accessing food, shelter, education, and healthcare. Together, we can make a
ditterence.
Date: Saturday, 6 June 2026
Time : 11AM
❤️ Walk for Hope. Walk for Humanity. Walk for Kachin ( Burma)

For more information:
📞 +44 7920 826694
📞 +44 7904 756931

6th June 2026, we’re coming together to walk in solidarity… Hkanhpa Sadan needs your support for Walk for Kachin IDPs - Walk with us. Raise hope. Save lives!

31/05/2026

အခုလာမဲ့ ဇွန်လမှာ ကျရောက်မယ့် နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်ရဲ့
၈၁ နှစ်မြောက်မွေးနေ့ အမှတ်တရ အနေဖြင့် အမေစု ရဲ့ သားငယ် Kim မှ အမေစု သက်ရှိထင်ရှားရှိကြောင်း သက်သေပြဖို့ ကမ္ဘာလုံးဆိုင်ရာ စိန်ခေါ်တောင်းဆိုမှုတခုစတင်ပြုလုပ်ပါတော့မယ်။

ဘယ်လို Challenges တွေလဲ ဆိုရင်

ခြေလှမ်း ၈၁၀၀၀ သို့မဟုတ် ‌၈.၁ ကီလိုမီတာ နေ့စဉ်လျှောက်မလား။
ကီလိုမီတာ ၈၁ ပြေးမလား။
မိုင် ၈၁ မိုင်ခရီး စက်ဘီးစီးကြမလား။
ဘုရားစာ ၈၁ ခေါက် နေ့စဉ် ရွတ်ဆိုရင်း ဆုတောင်းဝတ်ပြုမလား .... အစရှိတဲ့
ကိုယ်ထက်သန်ရာ activity တခုမဟုတ်တခု ပြုလုပ်ရင်း ပါဝင်ကြဖို့ ဖိတ်ခေါ်လိုက်ပါတယ်။

စကစက အမေစုကို လူသားဆန်မှုကင်း မဲ့စွာဖြင့် ယခုအချိန်အထိ လျှို့ဝှက်ထားပြီး မည်သူနှင့်မျှ လွတ်လပ်စွာ တွေ့ဆုံခွင့်မပေးသေးပါ။

ငါးနှစ်ကျော်ကြာပြီးသည်အထိ အမေစု သက်ရှိထင်ရှားရှိနေ‌သေးရဲ့လား ဆိုသည့် လွတ်လပ်စွာ အတည်ပြုထားသော သက်သေကို တစ်ကမ္ဘာလုံးလည်း သိခွင့်မရသေးပါ။

သူမအတွက် လွတ်လပ်မှု၊
အားလုံးအတွက် လွတ်လပ်မှု အတွက်
UK မြန်မာ community မှ မိသားစု များအားလုံး နဲ့ အတူ တရားမျှတမှုစစ်စစ် ကိုလိုလားကြသော တကမ္ဘာလုံးမှ မိတ်ဆွေများအားလုံး 1st June မှ 19th June ထိ မိမိ ထက်သန်ရာ Challenge တခုမှာ ပါဝင်ရင်း မိမိ တို့ Social Media ပေါ်မှ အမေစုအတွက် နေ့စဉ် မှတ်တမ်းတင်တောင်းဆိုကြဖို့ ဖိတ်ခေါ်လိုက်ရပါတယ်။

21/05/2026

“To Kill a Movement” အနုပညာပြပွဲ၊ လူ့အခွင့်အရေးစကားဝိုင်းနှင့် “The River Our Ayeyarwaddy"
ရုပ်ရှင်၊ "Proof of Life” ပြဇာတ်နှင့် ရန်ပုံငွေပွဲ ဖိတ်ကြားခြင်း

“To Kill a Movement” သည် ၂၀၂၁ ခုနှစ် စစ်အာဏာသိမ်းမှုကို ဆန့်ကျင်ခဲ့သည့် ပြည်သူလူထု၏ ခုခံတွန်းလှန်မှုများကို စစ်ကောင်စီက ကျည်ဆန်များ၊ မတရားဖမ်းဆီးထောင်သွင်းအကျဉ်းချမှုများ၊ ဝါဒဖြန့်ချိမှုများနှင့် ကြောက်ရွံ့မှုများအသုံးချကာ မည်သို့ရက်စက်စွာ နှိမ်နင်းခဲ့သည်ကို ဓာတ်ပုံများ၊ Installations အနုပညာ နှင့် ဂီတတို့ဖြင့် မှတ်တမ်းတင်ပုံဖော်ထားသည့် Myanmar Peace Museum ၏ ပြပွဲတစ်ခု ဖြစ်ပါသည်။

ပြပွဲကျင်းပမည့်ရက်စွဲနှင့် အချိန်များ
မေလ ၂၃ ရက် — ညနေ ၅:၀၀ နာရီ မှ ည ၈:၀၀ နာရီအထိ

မေလ ၂၄ ရက် မှ ၃၀ ရက်အထိ — နံနက် ၁၁:၀၀ နာရီ မှ ညနေ ၆:၃၀ နာရီအထိ

မေလ ၃၁ ရက် — နံနက် ၁၁:၀၀ နာရီ မှ ညနေ ၃:၀၀ နာရီအထိ

အထူးစကားဝိုင်းဆွေးနွေးပွဲ အစီအစဉ်
ပွဲတွင်းအစီအစဉ်တစ်ခုအနေဖြင့် ဆွေးနွေးပွဲကိုလည်း ကျင်းပသွားမည်ဖြစ်ပါသည်။

ပါဝင်ဆွေးနွေးမည့်သူများ -

စိုင်း (Myanmar Peace Museum ၏ တွဲဖက်ပြပွဲစီစဉ်သူ / Co-curator)

Agnes Callamard (Amnesty International ၏ အထွေထွေအတွင်းရေးမှူးချုပ်)

Kerry Moscogiuri (Amnesty International UK ၏ အမှုဆောင်ဒါရိုက်တာ)

ကျင်းပမည့်ရက်နှင့် အချိန် -
၂၀၂၆ ခုနှစ်၊ မေလ ၂၈ ရက် (ကြာသပတေးနေ့)
ညနေ ၆:၀၀ နာရီ မှ ည ၇:၃၀ နာရီအထိ (တက်ရောက်လာကြသူများအတွက် အအေးနှင့် မုန့်ပွဲများဖြင့် တည်ခင်းဧည့်ခံပါမည်။)

ဆွေးနွေးပွဲသို့ တက်ရောက်ရန်အတွက် ပူးတွဲပါ QR Code ကို Scan ဖတ်၍ ကြိုတင်စာရင်းပေးသွင်းနိုင်ပါသည်။

__________________________________________________

“The River Our Ayeyarwaddy" ရုပ်ရှင်၊ "Proof of Life” ပြဇာတ်နှင့် ရန်ပုံငွေပွဲ

ဒါရိုက်တာ ဖေမောင်စိမ်း ရိုက်ကူးတင်ဆက်သည့် "The River Our Ayeyarwaddy" ရုပ်ရှင်ပြသမှု နှင့်အတူ Stars of Myanmar Friendship မှ တင်ဆက်မည့် "Proof of Life" ပြဇာတ်နှင့် တော်လှန်ရေးရန်ပုံငွေ ဈေးရောင်းပွဲတော်ကိုလည်း ပူးတွဲကျင်းပသွားမည် ဖြစ်ပါသည်။

ကျင်းပမည့်ရက်နှင့် အချိန် -
၂၀၂၆ ခုနှစ်၊ မေလ ၂၅ ရက် (မွန်းတည့် ၁၂:၀၀ နာရီ မှ ညနေ ၆:၀၀ နာရီအထိ)

ကျင်းပမည့်နေရာ
Hoxton Arches Arch 402 Cremer Street, London E2 8HD

မြန်မာ့အရေးကို စာနာဝန်းရံကြသူများ၊ စိတ်ဝင်စားကြသူများ အားလုံး အတူတကွ တက်ရောက်အားပေးဆင်နွှဲပြီး ကူညီပံ့ပိုးပေးကြပါရန် လေးစားစွာဖြင့် ဖိတ်ခေါ်အပ်ပါသည်။