06/01/2026
०३ जनवरी २०२६
बेलायत छन्त्याल संघले नयाँ वर्ष (छार म्हेङ) २०२६ तथा म्हिलाङे सोङ्ती (माघेसंक्रान्ती) धुम्धामको साथ मनाए।
छन्त्याल समुदायको विशेष परम्परागत मौलिक पहिचानको महत्व बोकेको महान पर्व छार म्हेङ (नयाँ वर्ष) तथा म्हिलाङे सोङ्ती (माघेसंक्रान्ती) को कार्यक्रम शनिबार ०३ जनवरी २०२६ को दिन बेलायतको केन्ट, आश्फोर्द शहरमा धुमधामको साथ् मनाएको हो । सुरुवातमा आफ्नो परम्परागत लोक संस्कृति भाकालाई निरन्तरता दिने क्रममा छन्त्यालहरुको गाउँ ठाउँमा गाइने लालै गित गाउदै, बजाउदै साथै रमाउदै नयाँ साल २०२६ को छार म्हेंग कार्यक्रम संचालन भएको थियो।
संघले निर्धारण गरेका कार्यक्रम महासचिव मिम प्रसाद खड्का छन्त्यालबाट शुरक्षा,स्वास्थ्य र आकस्मिक बिधि सम्बन्धमा जानकारी दिनु भएको थियो।
क्रमस: कार्यक्रम लाई आधिकारिक उत्घाटनमा अध्यक्ष लगायत संघको बिशिष्ट ब्यत्क्तित्वहरु बाट छन्त्यालको १२ थरहरुको पुर्खाहरुको सम्झना र सम्मानमा पितृको नाममा दिप प्रज्वलन र १ मिनट मौन धारण गरि कार्यक्रमको उद्घाटन भएको थियो।
त्यसको लगतै नेपाल आदिवाशी जनजाति महासंघ बेलायतका निबर्तमान उपाध्यक्ष साथै बेलायत छन्त्याल संघको उपाध्यक्ष श्री मुकेन घरब्जा छन्त्याल ज्युद्वारा स्वागत मन्तब्य राख्नुको साथै छन्त्याल जातिले मनाइने महान पर्व छार म्हेङ (नयाँ वर्ष) तथा म्हिलाङे सोङ्ती (माघेसंक्रान्ती) किन, कहिले र कसरी मनाइन्छ भन्ने बारे प्रस्त्याउनु भएको थियो ।
शुभकामना मन्तब्य राख्ने क्रममा बेलायत छन्त्याल संघका निबर्तमान अध्यक्ष श्री हेम प्रसाद छन्त्याल, बेलायत छन्त्याल सँघका पूर्व अध्यक्ष झक छन्त्याल र अन्तमा बेलायत छन्त्याल संघका अध्यक्ष नर्सिङ घरब्जा छन्त्यालद्वारा नयाँ वर्ष (छार म्हेंग्को शुभकामना र धन्यबाद मन्तब्य राख्नु भएको थियो।
कार्यक्रमको दोस्रो चरणमा संघको महासचिवद्वारा संक्षिप्तमा संघको बार्षिक प्रतिवेदन प्रस्तुत गर्नु भएको थियो। यसै गरी सचिव अथवा कदरपत्र संयोजक जित बहादुर बुढाथोकीद्वारा गएको सालहरु देखि अहिले सम्म उच्च शिक्षा हाशिल गर्नुहुने बिध्यार्थिलाई संघद्वारा कदरपत्रले सम्मान गरिएको थियो, जसमा ब्याच्लोर डिग्री हासिल गर्नु हुने मिसान खड्का छन्त्यालले (Bussiness, Marketing administration with distinction) हाँसिल गर्नुभएको हो।
यसको लगत्तै संघको शह-व्यबस्थापन सचिव रिद्ध बुढाथोकी ज्युद्वारा नयाँ सदस्यहरुलाई स्वागत गर्ने, भर्खरै घर किन्नुहुने मेम्बरहरुलाई स्वागत, भर्खरै विवाह बन्धनमा बाँधिएका हरुलाई बधाई दिने कार्यक्रम भएको थियो। साथै ब्रिटिश सेनामा कप्तान पदमा पदोन्नति हुनुभएको मेम्बर सोम भलन्जा छन्त्याल ज्युलाई बधाई दिने कार्यक्रम समेट भएको थियो ।बधाई दिने क्रममा डा. हाँसिल गर्नुहुने डा. दिपिका झिँराजा छन्त्याल र GP डा. हाँसिल गर्नुहुने छोरी ज्वाँई GP डा. प्रशान्त मल्ल ज्युलाई समेट् संघद्वारा बधाई दिने कार्यकम भएको थियो । अस्ट्रेलिया बाट छोटो भ्रमनमा आउनुभएको मोहन भलन्जा छन्त्याल ज्यु र उहाँको परिवारलाई समेट संघद्वारा स्वागत गरेको थियो ।
अन्तमा संस्कृति सचिव भेक बहादुर घरब्जा छन्त्याल, सहसंस्कृति सचिव पन्देवि घरब्जा छन्त्याल, मेम्बर पदम भलन्जा र ओम बुढाथोकी छन्त्यालको साथमा वहाँको टिमद्वारा अत्यन्त राम्रो नृत्यहरु प्रस्तुत गर्नु भएको थियो। त्यसको साथै लोकदोहोरी गायिका आस्मा छन्त्याल ज्युले गित गाएर भरपुर मनोरंजन दिलाउनु भएको थियो।
जय बेलायत छन्त्याल संघ
