فیدراسیۆنی پەنابەران - IFIR

14/08/2026

چاوپێکەوتنی بەڕێز جەلال سەعید بەرپرسی فیدراسیۆنی پەنابەرانی عێراقی لەکەنەدا . سەبارەتی بەکەیسی تازەو چەند پرسیارێکی دیکە هەر سەبارەتی بەو کەیسانەی لای فیدراسۆنن

14/08/2026

بەرواری 12.8.2026 فیدراسیۆن پێشوازی کرد لە خێزانێک لە فڕۆکەخانەی تۆڕنتۆ/ کەنەدا

14/08/2026

هاوڕێیان و خۆشەویستان دوێنێ شەوو تیمی سەرپەرشتیاری فیدراسیۆن لە فرۆکەخانەی شاری تۆرۆنتۆ پێشوازیان کرد لە خێزانەکی پەنابەر کە بۆ ماوەی ١٠ساڵ لە ژیانی پەنابەری بوون و بە رێگای سپانسۆریەوە گەیشتن
لێرەوە هیوای ژیانێکی ئاسودە بۆ ئەو خێزانە دەخوازین و دەست خۆش لە هەموو ئەندامان و دۆستانی فیدراسیۆن دەکەین کە هەمیشە لە پەنا دەستی یەکتر داین بۆ کاری زیاتر

13/08/2026

ئەم شەو فیدراسۆن لە چاوەڕوانی خێزانیێکی دیکەدان کەمێکیتر ئەگەنە فڕۆکەخانەی تۆرۆنتۆ/کەنەدا
١٢/٠٨/٢٠٢٦

01/08/2026

گفتوگۆ لەگەل جەلال سەعید بەرپرسی فدراسیۆنی پەنابەران لەکەنەدا لەسەر کۆچی بە لێشاوی پەنابەران لە ووڵاتی مەغریبەوە بۆ ووڵاتی ئیسپانیا
بەهیوای بینەر و بیسەری بن

20/07/2026

بەهار عەلی تاوانبار نییە، تاوانبار سیستەمی دەمکوتکردنی دەنگی ژنانە!

بەهار عەلی، هەڵسوڕاوی ژنان و سەرۆکی رێکخراوی “ئێمە بۆ گەشەپێدانی مرۆیی”، دوای ئەوەی لە بەرنامەیەکی تەلەفزیۆنی بە دەنگی بەرز بەرگری لە مافەکانی ژنان کرد، بە سکاڵای چەند مەلایەك لەلایەن دادگای كەتنی هەولێر یاداشتێك ئاراستەی پۆلیس و هێزە ئەمنییەکان کرا بۆ دەستگیرکردنی. ئەم هەنگاوە هەوڵێکی ڕوونە بۆ دەمکوتکردنی دەنگی ژنان، بۆ دژ بە هەر رەخنەیەك لە فرەژنی، لە پیاوسالاری، بۆ دژ بە هەر دەنگێکی بەرگریکار لەمافەکانی ژنان.

لە رۆژی ١٥/٧/٢٠٢٦، بەهار عەلی لەبەردەم دادگا ئامادە بوو و دوای لێکۆڵینەوە بەکەفالە ئازاد کرا. ئەم بڕیارە بووە هۆی ناڕەزایەتی فراوان لە ژنان، پیاوان و رێکخراوە یەکسانیخواز و ئازادیخوازان لەسەر ئاستی جیهان، کە دەنگیان بەرز کردەوە بۆ دژایەتی ئەم دەستگیرکردنە و بە دژی هەوڵی دەمکوتکردنی دەنگی هەڵسوڕاوانی ژنان.

تاوانی بەهار عەلی ئەوەیە کە دەڵێت ژن کەرامەتی هەیە و نابێت بە کۆیلەی پیاوسالاری بکرێت، دەڵێت ژنان نابێت فرەژنی قبوڵ بکەن، دەڵێت ژنان دەبێت لە توندوتیژی، سوکایەتی، تەشهیر و دەستدرێژی پارێزراو بن. ئەو تاوانبار نییە تاوانبار ئەوانەن کە دەنگی ژنان دەمکوت دەکەن و سوکایەتی بە بنەمای کۆمەڵگا دەکەن.

بەهار عەلی یەکێکە لەو هەڵسوڕاوانەی لە کاتی هێرشەکانی داعش بەرگری لە ژنان و منداڵانی ئێزیدی کرد. داعش گرووپێکی تاوانبار و توندرەوە کە بە شێوەیەکی بێڕەحمانە دەستدرێژی، کوشتاروفرۆستن بەجەستەی کچان و بردن بۆ کۆیلەی جنسی کردووە. بەهار عەلی دەیان کەمپین و هەوڵی بێوچانی داوە بۆ پاراستن و داکۆکی لە ژنان و کچەکان. ئەم کارە تاوان نییە، ئەوە ئازایەتی خەباتی ئەوە بۆ بەرگری لە مافەکانی ژنان.

بەهار عەلی بەردەوام کار دەکات بۆ دۆسیەکانی ژنان، بۆ دۆزینەوەی کچە بێخێزانەکان. تاوانی بەهار عەلی ئەوەیە کە دروشمی “ژن، ژیان، ئازادی” بەرز کردەوە لە اتی بزوتنەوەی ژینا ئەمینی بۆ ئازادی ژنان لە کوردستان و ئێران.

دۆخی ژنان لە کوردستان لە ماوەیەکی درێژدا لەژێر سیستەمی سیاسی و کۆمەڵایەتییەکی پیاوسالار، سوکایەتی، توندوتیژی خێزانی، کوشتنی ژنان ، دەسدرێژی سێکسی، تەشهیر و دەمکوتکردنی دەنگی سیاسی بووە. دەسەڵات لە کوردستان بە شێوەیەکی سیستەماتیك دەنگی ژنان سەرکوتدەکەن، هڵسوڕاوان دەستگیردەکەن، دۆسیەکانی توندوتیژی خیزانی دەمکوت دەکەن، بکوژانی ژنان بە سزای گونجاو ناگیرێت و پاساوی بۆ دەهێننەوە، بەڵام هڵسوڕاوانی ژنان راپێچی دادگا و دەستگیر دەکەن. ئەمە سیستەمێکی دژ بە ژنانە، نەک یاسایەکی دادپەروەرانە.

لە ڕووانگەی بەرگری لە مافەکانی ژنان و ئازادی بیرۆڕاو رەخنە دەربڕینەوە، ئێمە دەڵێین: هیچ شتێك موقەدەس نییە، مرۆڤ نەبێت. مافەکانی مرۆڤ، مافەکانی ژنان، مافەکانی ئازادی، ئەوانەن کە دەبێت پارێزراو بن، نە دەمکوتکردن. هەر سیستەم و دەسەڵاتێك کە خۆی بە موقەدەس دەزانێت و مرۆڤ دەمکوت دەکات، سیستەمێکی دژایەتییە.

بەرگری لە مافەکانی ژنان تاوان نییە، بەرگری لە مافەکانی ژنان بنەمای ئازادی، بنەمای کۆمەڵایەتی دادپەروەرانەیە. ئازادی ژنان پێوەری ئازادی کۆمەڵگایە. ئەو کەسە تاوانبارە کە دەنگی ژنان دەمکوتدەکات، نە ئەوانەی بەدەنگی بەرز داکۆکی لەمافەکانی ژنان دەکەن.

شەرم بۆ دەسەڵاتی سیاسی هەرێم کە لەبری دەستگیرکردنی مەلاو بەکرێگیراوەکان، دەست درێژ دەکاتە سەر ژنان و هەڵسوڕاوانی ئازادیخواز. ئەم هەنگاوە هەوڵێکی ڕوونە بۆ دەمکوتکردنی دەنگی ژنان، بۆ دژ بە هەر رەخنەیەک، بۆ دژ بە هەر خەباتێک بۆ یەکسانی و ئازادی. دەسەڵات دەبێت بزانێت دەمکوتکردنی دەنگی ژنان دەمکوتکردنی کۆمەڵگایە، و هیچ دەسەڵاتێك ناتوانێت دژ بە خەباتی ژنان بۆ مافەکانیان بۆ ئازادی تاسەر بڕوات.

ئێمە لە رێکخراوی ژنانی کوردو خۆرهەڵاتی ناوەڕاست و فیدراسیۆنی سەراسەری پەنابەرانی عێراقی بەتەواوی توانا و بەڕوونی لەپال بەهار عەلی راوەستاوین. هەر هەوڵێك بۆ داسەپاندنی زۆرەملێی یاسا بەدژی دەنگی ژنان و دژ بە ئازادی بیرۆڕا، بەدژی مافەکانی ژنان دەزانین. هەر هەوڵێك بەئاراستەی دژایەتی مافەکانی ژنان لەگەڵ ناڕەزایەتی و رقی توندی ئێمە ئازادێخوازان رووبەڕوو دەبێتەوەو ئامادەشین وەك هەمیشە بۆ راکێشانی پشتیوانی رێکخراوەکانی ژنان و هەڵسوڕاوانی داکۆکیکار لەمافەکانی ژنان و ئازادیخوازان لەسەراسەری جیهان دژ بەهەر هەنگاوێك ببینەوە کە بەرامبەر بە هەڵسوڕاوانی ژنان لە کوردستان دەکرێت.

پێویستە حوکمی دادگای کەتنی هەولێر لەڕای گشتی کوردستان و جیهاندا لەقاو بدرێ و ڕێگا نەدرێت دەستی کۆنەپەرستان و دەسەڵاتداران بۆ سەر ماف و ئازادیەکانی ژنان و هەڵسوڕاوانی بزوتنەوەی ژنان درێژ بێت

ڕێکخراوی ژنانی کوردو خۆرهەڵاتی ناوەڕاست

فیدراسیۆنی سەراسەری پەنابەرانی عێراقی

٢٠/٧/٢٠٢٦

18/07/2026

نا بۆ گەندەڵی و تاڵانکاری لە عێراق!

بە خۆپیشاندانی ناڕەزایەتی دژی گەندەڵی و تاڵانکاریەوە پەیوەست بن

سەروەت و سامانی خەڵکی عێراق و کوردستان، لەلایەن چەند بنەماڵەی دەسەڵاتدار و حزبی میلیشیاییەوە بەتاڵان دەبرێت و چەندین ملیۆن خەڵکیش لە برسێتی و بێکاری و ترس و ئاوارەییدا ژیان بەسەر دەبەن. ئێستا حکومەتی عێراق حەملەیەکی دەستپێکردوە بۆ ئاشکراکردن و دەستگیرکردنی بەرپرسان و ئەندام پەرلەمانی گەندەڵ و تاڵانچی، کاتیەتی کە داوا بکەین کە ئەم حەملەیە سەرجەم سەرانی گەندەڵ و تاڵانکار بگرێتەوە لە عێراق و کوردستان، ئاشکرا بکرێن و دەست بەسەر موڵک سامانە دزراوەکاندا بگیرێت و رووبەڕووی سزای یاسایی بکرێنەوە. هاوکات ئەو داهاتەی کۆدەکرێتەوە بۆ خزمەتگوزاری گشتی و مووچەی کارمەندان و پەرەدان بە ژێرخانی ئابوری و دابینکردنی فرسەتی کار، تەرخان بکرێت.

بۆ ئەو مەبەستە ئێمە پشتگیری لە بانگەوازی رێکخراوی داکۆک دەکەین لە لەندەن

کە بەدژی گەندەڵی و تاڵانکاری لە عێراق ناڕەزایەتی دەردەبڕن

داواکارین لە ئازادیخوازان و مرۆڤدۆستان لەگەڵمان بن و بەشداری بکەن.

رۆژی سێشەممە ٢١/٧/٢٠٢٦ کاتژمێر ١ی پاش نیوەڕۆ

بەردەم سەفارەی عێراقی لەلەندەن

21 Queens Gate, South Kensington, London. SW7 5JE

فیدراسیۆنی سەراسەری پەنابەرانی عێراقی

18/07/2026

06/07/2026

بانگەوازی نێودەوڵەتی بەپەلە:

ژیان ڕزگار بکە پێش ئەوەی زۆر درەنگ بێت

پاراستنی پەنابەرە سیاسییەکانی ئێران لە هەرێمی کوردستان

هەموو پەنابەرێکی سیاسی مافی ئەوەی هەیە بە سەلامەتی بژی

کەمپەینی دادپەروەری بۆ غەزاڵ ئەم بانگەوازە بەپەلەیە ئاراستەی ڕێکخراوی نەتەوە یەکگرتووەکان بۆکاروباری پەنابەران (UNHCR، OHCHR، ئەنجومەنی مافی مرۆڤ)، یەکێتی ئەوروپا، حکومەتی عێراق، حکومەتی هەرێمی کوردستان، یەکیتی کرێکاریەکان و ڕێکخراوەکانی مافی مرۆڤ لە سەرانسەری جیهاندا بڵاودەکاتەوە.

قەیرانەکە

سەدان پەنابەری سیاسی ئێرانی لە هەرێمی کوردستاندا لە گەڵ مەترسیەکی نزیك وراستەخۆدا بەرەو روون. ئەوان لە ئەنجامی چەوساندنەوەی سیستەماتیک، ئەشکەنجە و هەڕەشەی سێدارەدان لە ئێران هەڵهاتوونم بەلام ئێستا ڕووبەڕووی ژینگەیەکی پەرەسەندنی نائەمنی دەبنەوە. کۆماری ئیسلامی ئێران گوشارەکانی بۆ سەر حکومەتی هەرێم چڕکردۆتەوە بۆ دوورخستنەوە یان ڕادەستکردنی ئەو کەسانە. هەر گەڕانەوەیەکی زۆرەملێ (refoulement) دەیانخاتە بەردەم گرتن و دەستبەسەرکردن و بێسەروشوێنکردن و لەسێدارەدان.



لاوازی و میراتی غەزاڵ

ئێمە ڕەتیدەکەینەوە جارێکی دیکە شایەتحاڵی کارەساتێکی دیکەی وەك کارەساتەکەی غەزاڵ بین. غەزاڵ، ئەندامی پارتێکی ئۆپۆزسیۆنی کوردی ئێرانی تەمەن ١٦ ساڵ، دوای ئەوەی لە کەشێکی ترسی سیاسیدا لە کاتی خۆیدا لەچاودێری پزیشکی بێبەشکرا، گیانی لەدەستدا. ئەمڕۆ ژنان و گەنجان و خێزانەکان ڕووبەڕووی گەورەترین مەترسی دەبنەوە، بەرگەی هەژاری و جیاکاری و دوژمنایەتی کۆمەڵایەتی دەگرن.

داواکارییە بەپەلەکانمان:

1. ڕاگرتنی دیپۆرتکردنەوە: ڕێگری لە هەر جۆرە ڕادەستکردنەوەیەك یان گەڕانەوەی زۆرەملێ پەنابەران بۆ ئێران.

2. گەرەنتی سەلامەتی: دڵنیابوون لە پاراستنی دەستبەجێی هەموو پەنابەران لە هەرێمی کوردستان.

3. نیشتەجێکردنی بەپەلە: داوای لەرێکخراوی نەتەوەیەکگرتوەکان بۆ کاروباری پەنابەران UNHCR بکەن کە ڕێڕەوێکی فریاگوزاری بۆ ئەو کەسانە دابنێت کە مەترسی دەستبەجێیان لەسەرە.

4. پاراستنی و دابینکردنی پاڵپشتی دەستبەجێ بۆ ژنان و منداڵان.

5. چاودێری نێودەوڵەتی: جێگیرکردنی میکانیزمی سەربەخۆی چاودێریکردنی مافەکانی مرۆڤ.

6. گەرەنتی گشتی: داوا لە حکومەتی هەرێمی کوردستان بکەن بە ئاشکرا پابەند بێت بە پرەنسیپی نەگەڕانەوە.



بەشداری کەمپینەکە بکە:

بانگهێشتی یەکیتی کریکاریەکان و لایەنە سیاسییەکان و مرۆڤدۆستان دەکەین کە پشتگیری لەم بانگەوازە بکەن. پشتگیریمان بکەن بە واژۆکردن و هاوبەشکردن و پەیوەندیکردن بە حکومەتەکانتانەوە.



ئەمڕۆ لەگەڵمان بن. ڕەنگە سبەی زۆر درەنگ بێت.

کەمپەینی داد بۆ غەزاڵ

٥ی تەموزی ٢٠٢٦

05/07/2026

Save Iranian Refugees Campaign

URGENT INTERNATIONAL APPEAL: SAVE LIVES BEFORE IT IS TOO LATE
Protecting Iranian Political Refugees in the Kurdistan Region of Iraq**
Every Political Refugee Has the Right to Live in Safety
The Save Iranian Refugees Campaign issues this urgent appeal to the United Nations (UNHCR, OHCHR, Human Rights Council), the European Union, the Government of Iraq, the Kurdistan Regional Government (KRG), international trade unions, and human rights organisations worldwide.
THE CRISIS
Hundreds of Iranian political refugees in the Kurdistan Region of Iraq are in imminent danger. Fleeing systematic persecution, torture, and the threat of ex*****on in Iran, they now face an environment of growing insecurity. The Islamic Republic of Iran has intensified pressure on the KRG to remove or hand over these individuals. Any forced return (refoulement) would expose them to arbitrary detention, enforced disappearance, and ex*****on.
VULNERABILITY
Today, women, young people, and families face the greatest risks, enduring poverty, discrimination, and social hostility.
We refuse to witness another tragedy like Ghazal’s. A 16-year-old member of an Iranian Kurdish opposition movement, Ghazal died after being denied timely medical care in an atmosphere shaped by political fear.
OUR URGENT DEMANDS:
1. Stop Deportations: Prevent any extradition or forced return to Iran.
2. Guarantee Safety: Ensure the immediate protection of all refugees in the KRI.
3. Emergency Resettlement: Call on UNHCR to establish an emergency pathway for those at immediate risk.
4. Protect the Vulnerable: Provide immediate support for women and children.
5. International Monitoring: Deploy independent human rights monitoring mechanisms.
6. Public Guarantee: Demand the KRG publicly commit to the principle of non-refoulement.
JOIN THE CAMPAIGN
We invite trade unions, political parties, and people of conscience to endorse this appeal. Support us by signing this statement, and sharing and contacting your governments.
Join us today. Tomorrow may be too late.
Save Iranian Refugees Campaign
July 2026
[email protected]