NRNA Scotland

NRNA Scotland
# we are here for community service for politics 🙏

11/10/2026

गोरखामा आएको विनाशकारी बाढीप्रति NRNA स्कटल्याण्डको गहिरो दुःख व्यक्त

गोरखाको चुमनुव्री गाउँपालिका–६, लोक्पादेखि चुम्लिङ क्षेत्रबीच गएको पहिरोका कारण बुढीगण्डकी नदीमा आएको विनाशकारी बाढीले पुर्‍याएको ठूलो जनधनको क्षतिप्रति गैरआवासीय नेपाली संघ (NRNA) स्कटल्याण्ड परिवार गहिरो दुःख व्यक्त गर्दछ।

बाढीमा परी ५ जना बेपत्ता भएको दुःखद खबरले हामी अत्यन्त मर्माहत भएका छौँ। बेपत्ता हुनुभएका सबैको यथाशीघ्र खोजी भई सकुशल भेटिनुहोस् भन्ने हार्दिक कामना गर्दछौँ।

यस विपद्बाट प्रभावित सम्पूर्ण परिवारजनप्रति गहिरो सहानुभूति व्यक्त गर्दै बेपत्ताहरूको खोजी, उद्धार, राहत तथा क्षतिग्रस्त भौतिक संरचनाहरूको पुनर्निर्माणका कार्यलाई उच्च प्राथमिकताका साथ अघि बढाउन सम्बन्धित निकायहरूसँग हार्दिक अनुरोध गर्दछौँ।

साथै, यस कठिन परिस्थितिमा उद्धार तथा राहत कार्यमा अहोरात्र खटिनुभएका सुरक्षाकर्मी, स्वास्थ्यकर्मी, स्थानीय प्रशासन तथा सम्पूर्ण सहयोगी हातहरूप्रति हार्दिक सम्मान एवं धन्यवाद व्यक्त गर्दछौँ।

यस दुःखद घडीमा NRNA स्कटल्याण्ड परिवार सम्पूर्ण प्रभावित परिवार तथा नेपाली दाजुभाइ दिदीबहिनीहरूको साथमा रहेको छ।

गैरआवासीय नेपाली संघ (NRNA) स्कटल्याण्ड परिवार

11/10/2026

बडादशैंको पावन अवसरमा विशेष योग, ध्यान तथा साधना शिविर!

गैरआवासीय नेपाली संघ, स्कटल्याण्ड (NRNA Scotland) ले हाम्रा मौलिक चाडपर्वहरूलाई केवल उत्सव, मनोरञ्जन र भेटघाटमा मात्र सीमित नराखी स्वास्थ्य, सचेतना (Health Awareness), मानसिक शान्ति र स्वस्थ जीवनशैलीसँग जोड्ने नयाँ अभ्यास गर्दै आएको छ।

यसै अभियानअन्तर्गत गत हरितालिका तीजलाई पनि हामीले Health & Wellbeing Walk मार्फत लामो पैदल यात्रा गर्दै स्वास्थ्य, एकता र सकारात्मक सन्देशसँग जोडेर मनाएका थियौँ। हाम्रो प्रयास हरेक चाडपर्वलाई स्वास्थ्यप्रति सचेतना जगाउने अवसरका रूपमा विकास गर्नु हो।

यसै सोचलाई निरन्तरता दिँदै यस वर्षको बडादशैंको पावन अवसरमा Manokranti Team र NRNA Scotland को संयुक्त प्रस्तुतिमा विशेष योग, ध्यान तथा साधना शिविर आयोजना गर्दैछौँ।

"आफ्नो लागि साधना, अरूको लागि सेवा”
"हरेक श्वासमा स्वास्थ्य, हरेक पलमा शान्ति”

📅 मिति: सोमबार, १९ अक्टोबर २०२६
⏰ समय: बिहान ९:०० – दिउँसो १२:०० बजे
📍 स्थान: 60 New Row, Dunfermline, KY12 7EF, Scotland

हाम्रो उद्देश्य हरेक चाडपर्वसँगै शारीरिक तथा मानसिक स्वास्थ्य, सकारात्मक सोच र जनचेतनालाई प्राथमिकता दिँदै स्वस्थ, सक्रिय र सचेत नेपाली समुदाय निर्माण गर्नु हो।

यस विशेष अवसरमा स्कटल्याण्डवासी सम्पूर्ण नेपाली दाजुभाइ, दिदीबहिनी, विभिन्न संघ–संस्थाका प्रतिनिधिज्यूहरू तथा योगप्रेमी महानुभावहरूलाई सपरिवार उपस्थित भई कार्यक्रम सफल बनाउन हार्दिक निमन्त्रणा गर्दछौँ।

आउनुहोस्, चाडपर्व मनाउने संस्कारसँगै स्वस्थ जीवनशैलीको संस्कार पनि विकास गरौँ!

NRNA Scotland
स्वस्थ समुदाय, हाम्रो साझा जिम्मेवारी!

11/10/2026

अत्यन्त जरुरी सूचना तथा सचेतना अपिल

स्कटल्याण्डमा बसोबास गर्नुहुने सम्पूर्ण नेपाली समुदाय, विशेषगरी भर्खरै स्कटल्याण्ड आउनुभएका नयाँ विद्यार्थी भाइबहिनी तथा नवआगन्तुक नेपाली दाजुभाइ दिदीबहिनीहरूमा हार्दिक अनुरोध।

पछिल्लो समय स्कटल्याण्डमा नयाँ आउनुभएका नेपाली विद्यार्थी तथा अन्य नेपालीहरूलाई लक्षित गरी काम खोजिदिने, कोठा मिलाइदिने तथा विभिन्न सहयोग गरिदिने बहानामा अग्रिम रकम (Advance Payment) माग्ने र पैसा प्राप्त गरेपछि सम्पर्कविहीन हुने जस्ता ठगीका घटनासम्बन्धी गुनासा तथा जानकारीहरू प्राप्त भइरहेका छन्।

यस्ता घटनाप्रति NRNA Scotland को गम्भीर ध्यानाकर्षण भएको छ। विशेषगरी नयाँ ठाउँ, नयाँ वातावरण र अपरिचित परिस्थितिमा रहेका नेपाली भाइबहिनीहरूको बाध्यता, विश्वास र आवश्यकताको फाइदा उठाएर ठगी हुन सक्ने भएकाले सम्पूर्ण नेपाली समुदायलाई विशेष सतर्कता अपनाउन हार्दिक अनुरोध गर्दछौँ।

कृपया निम्न कुराहरूमा विशेष ध्यान दिनुहोला :

-काम खोजिदिने बहानामा ठगी : कसैले जागिर लगाइदिन्छु, काम पक्का गरिदिन्छु वा छिटो काम मिलाइदिन्छु भन्दै Registration Fee, Security Deposit वा अन्य कुनै बहानामा पैसा मागेमा तुरुन्त विश्वास नगर्नुहोस्। सम्बन्धित कम्पनी वा रोजगारदाताको आधिकारिक विवरण जाँच गर्नुहोस्।

-कोठा तथा आवासको नाममा ठगी : कोठा नहेरी, घरधनी वा एजेन्टको वास्तविकता पुष्टि नगरी Advance Rent, Deposit वा Booking Fee नपठाउनुहोस्। सम्भव भएसम्म कोठा आफैँ हेर्नुहोस् वा विश्वासिलो व्यक्तिमार्फत जाँच गराउनुहोस्।

-सामाजिक सञ्जालमार्फत ठगी : Facebook, WhatsApp, Messenger तथा अन्य सामाजिक सञ्जालमा आएका आकर्षक काम, सस्तो कोठा वा अन्य अफरहरूमा हतारिएर विश्वास नगर्नुहोस्। नक्कली प्रोफाइल तथा झुटा विवरण प्रयोग गरेर पनि ठगी हुन सक्छ।

-व्यक्तिगत कागजात तथा बैंक विवरणको सुरक्षा : आफ्नो Passport, eVisa सम्बन्धी विवरण, Bank Details, Password, OTP वा अन्य संवेदनशील जानकारी अपरिचित व्यक्तिलाई नदिनुहोस्।

-तत्काल पैसा पठाउन दबाब दिएमा सावधान : “अहिल्यै पैसा पठाउनुपर्छ”, “यो अन्तिम मौका हो”, “अरूलाई कोठा दिइहाल्छु” जस्ता कुरा गरेर हतारमा निर्णय गराउन खोजेमा थप सतर्क हुनुहोस्।

🙏 हाम्रो विशेष अनुरोध

यदि कसैले तपाईंलाई काम लगाइदिने, कोठा मिलाइदिने वा अन्य कुनै सहयोग गर्ने बहानामा पैसा मागिरहेको छ भने कुनै पनि रकम पठाउनुअघि अनिवार्य रूपमा Cross-Verify गर्नुहोस्।

कुनै कुरा शंकास्पद लागेमा आफूले चिनेका साथीभाइ, अग्रज वा विश्वासिला व्यक्तिहरूसँग सल्लाह लिनुहोस्। साथै NRNA Scotland का कुनै पनि सदस्यसँग सम्पर्क गर्न वा NRNA Scotland को आधिकारिक page मा सिधै Message गर्न सक्नुहुन्छ।

NRNA SCOTLAND HELP DESK — समस्या पर्दा मात्र होइन, एकअर्काको साथ र अपनत्वका लागि पनि।

स्कटल्याण्डमा नयाँ आउनुभएका सम्पूर्ण नेपाली दाजुभाइ, दिदीबहिनी तथा विद्यार्थी भाइबहिनीहरूलाई NRNA Scotland ले सञ्चालनमा ल्याइरहेको NRNA Scotland Help Desk मा जोडिनुहुन हार्दिक अनुरोध गर्दछौँ।

तपाईंलाई अहिले कुनै समस्या परेको होस् वा नहोस्, कुनै सहयोग आवश्यक होस् वा नहोस्, कृपया Help Desk मा जोडिनुहोस्।

किनकि हाम्रो उद्देश्य समस्या पर्दा मात्र सहयोग गर्ने होइन, स्कटल्याण्डमा रहेका नेपालीहरूबीच एउटा आत्मीय सम्बन्ध, आपसी विश्वास र पारिवारिक वातावरण निर्माण गर्नु पनि हो।

नयाँ देशमा आउँदा सबै कुरा थाहा नहुन सक्छ। कहिलेकाहीँ सानो जानकारीको अभावले पनि ठूलो समस्या निम्त्याउन सक्छ। यस्तो अवस्थामा एकअर्कासँग जोडिएर बस्नु, अनुभव साटासाट गर्नु र आवश्यक पर्दा सल्लाह लिन सक्नु आफैँमा ठूलो सहयोग हो।

हामी चाहन्छौँ, NRNA Scotland Help Desk एउटा सामान्य सहायता समूह मात्र नभई सबै नेपालीले आफ्नोपन महसुस गर्ने, दुःखसुख बाँड्न सक्ने र आवश्यक पर्दा साथ पाउने एउटा पारिवारिक घरजस्तै बनोस्।

हामी यो पनि स्पष्ट पार्न चाहन्छौँ कि Help Desk मार्फत आउने हरेक समस्याको पूर्ण समाधान गर्न सधैँ सम्भव नहुन सक्छ। तर हालसम्म प्राप्त विभिन्न समस्या र गुनासाहरूमा हामीले आफ्नो क्षमता, समय र उपलब्ध स्रोतसाधनअनुसार सक्दो सहयोग तथा समाधानको प्रयास गर्दै आएका छौँ। कतिपय अवस्थामा पूर्ण समाधान सम्भव नभए पनि आंशिक समाधान, सही जानकारी र उचित मार्गदर्शनमार्फत धेरैलाई सहयोग पुर्‍याउन सकेका छौँ।

हाम्रो अनुभवमा कतिपय समस्यामा करिब ५० प्रतिशतसम्म भए पनि समाधानको बाटो निकाल्न सकिएको छ। हामी सबै समस्या समाधान गरिदिन्छौँ भन्ने वाचा गर्दैनौँ, तर सकेसम्म सहयोग गर्ने प्रयासमा कुनै कमी हुन नदिने प्रतिबद्धता व्यक्त गर्दछौँ।

यस अभियानमा NRNA Scotland का सदस्यहरू मात्र नभई Help Desk Group मा जोडिनुभएका धेरै नेपाली दाजुभाइ तथा दिदीबहिनीहरूले पनि आफ्नो अमूल्य समय निकालेर, कुनै व्यक्तिगत स्वार्थ नराखी, मनैदेखि नयाँ साथीहरूलाई जानकारी, सल्लाह र सहयोग प्रदान गरिरहनुभएको छ। उहाँहरू सबैप्रति हामी हार्दिक आभार तथा सम्मान व्यक्त गर्दछौँ।

यही निःस्वार्थ सहयोग, सद्भाव र एकताको भावनाले हाम्रो नेपाली समुदायलाई अझ बलियो बनाउँदै लैजाने विश्वास लिएका छौँ।

आज तपाईंलाई सहयोग आवश्यक नपर्ला, तर भोलि तपाईंको एउटा सानो सल्लाहले अर्को नयाँ आउने भाइबहिनीलाई ठूलो समस्याबाट जोगाउन सक्छ।

त्यसैले Help Desk लाई समस्या सुनाउने ठाउँ मात्र नभई एकअर्कालाई चिन्ने, सिक्ने, सिकाउने, सही जानकारी बाँड्ने र आत्मीय सम्बन्ध निर्माण गर्ने साझा थलो बनाऔँ।

-नयाँ आउने भाइबहिनीहरूलाई एक्लो महसुस हुन नदिऔँ।

हामी स्कटल्याण्डमा बसोबास गर्ने नेपालीहरू एकअर्काका लागि परिवारजस्तै हौँ। नयाँ आउनुभएका भाइबहिनीहरूलाई काम, कोठा, बसोबास तथा अन्य आवश्यक जानकारीका लागि सकेसम्म सही सल्लाह र सहयोग गरौँ।

हाम्रो सानो सहयोग, सही सल्लाह र समयमै दिइएको एउटा चेतावनीले कसैको मेहनतको कमाइ जोगाउन सक्छ, कसैलाई ठूलो समस्यामा पर्नबाट बचाउन सक्छ।

यदि तपाईं ठगीमा परिसक्नुभएको छ भने थप पैसा नपठाउनुहोस्, सम्बन्धित व्यक्तिसँग भएका कुराकानी तथा भुक्तानीका प्रमाणहरू सुरक्षित राख्नुहोस् र आफ्नो बैंक तथा Police Scotland वा सम्बन्धित निकायमा जानकारी गराउनुहोस्।

अन्त्यमा सम्पूर्ण नेपाली समुदायमा अनुरोध :

यो सूचनालाई आफ्नो Facebook, Messenger, WhatsApp Group, विद्यार्थी समूह तथा अन्य नेपाली समुदायमा सक्दो Share गरिदिनुहोला। विशेषगरी भर्खरै स्कटल्याण्ड आउनुभएका वा आउने तयारीमा रहनुभएका साथीभाइ तथा भाइबहिनीहरूसम्म यो सन्देश पुर्‍याइदिनुहोला।

साथै, नयाँ आउनुभएका साथीहरूलाई NRNA Scotland Help Desk मा जोडिन प्रोत्साहित गरिदिनुहोला।

हामी सबै कुरा गर्न नसकौँला, तर एकअर्काका लागि केही न केही अवश्य गर्न सक्छौँ।

एकअर्काको समस्या बुझौँ, साथ दिऔँ, माया बाँडौँ र स्कटल्याण्डमा एउटा सुरक्षित, सहयोगी र एकताबद्ध नेपाली परिवार निर्माण गरौँ।

सचेत बनौँ, सुरक्षित रहौँ, एकअर्काको सहारा बनौँ।

धन्यवाद।

NRNA Scotland
नेपाली समुदायको साथ, सहयोग र एकताका लागि।

05/10/2026

🩸❤️ रक्तदानमा जोडिएका हातहरू — मानवताका लागि उठेका हातहरू ❤️🩸

एक थोपा रगत, एउटा आशा।
एउटा रक्तदान, कसैका लागि नयाँ जीवन।

NRNA Scotland को आयोजनामा आज, सोमबार ५ अक्टोबर २०२६, Glasgow मा आयोजित सामूहिक रक्तदान कार्यक्रम सफलतापूर्वक सम्पन्न भएको छ।

आजको कार्यक्रममा उत्साहका साथ सहभागी भई रक्तदान जस्तो महान् मानवीय कार्यमा योगदान पुर्‍याउनुहुने १८ जना रक्तदाताहरूप्रति NRNA Scotland परिवार हार्दिक सम्मान, आभार तथा धन्यवाद व्यक्त गर्दछ।

आज रक्तदान गर्नुहुने महानुभावहरू:

🩸 Yadhav Parajuli
🩸 Padam Lal Kharel
🩸 Dev Raj Adhikari
🩸 Davendra Gaire
🩸 Parshuram Sapkota
🩸 Madhav Bhandari
🩸 Jaganath Gokarna Bhusal
🩸 Pawan K Khadka
🩸 Lila Neupane (Laxmi)
🩸 Binod Bhandari
🩸 Sarita P Bhandari
🩸 Harka Karki
🩸 Yubraj Tiwari
🩸 Hem Sherasta
🩸 Narayan Neupane
🩸 Bishnu Prasad Ghimire
🩸 Yuvraj Sapkota
🩸 Shiba Kharal

आज तपाईंहरूले दिएको रगत केवल रगतको एक पोका मात्र होइन—कसैका लागि आशा हो, कसैको उपचारको आधार हो र सम्भवतः कसैका लागि जीवनको अर्को अवसर हो।

हामीलाई हाम्रो रगत कसको शरीरमा पुग्छ, कसको जीवनमा आशा थप्छ वा कुन परिवारको प्रिय सदस्यलाई बचाउन सहयोग गर्छ भन्ने थाहा नहुन सक्छ। तर यही निःस्वार्थ भावना नै रक्तदानको सबैभन्दा सुन्दर पक्ष हो।

आजका रक्तदाताहरूका यी तस्बिरहरू कार्यक्रमका सम्झना मात्र होइनन्; यी तस्बिरहरूले हाम्रो समुदायमा “म पनि रक्तदान गर्न सक्छु, म पनि कसैको जीवन बचाउने अभियानको हिस्सा बन्न सक्छु” भन्ने प्रेरणा फैलाऊन् भन्ने हाम्रो विश्वास छ।

रक्तदान जहाँ गरे पनि महान्, सँगै गर्दा प्रेरणा अझ ठूलो

रक्तदान व्यक्तिगत रूपमा आफूलाई अनुकूल हुने समयमा गर्न सकिने महान् मानवीय कार्य हो। जहाँ, जुन दिन र जुन समयमा रक्तदान गरे पनि प्रत्येक रक्तदाताको योगदान उत्तिकै अमूल्य र सम्मानयोग्य हुन्छ।

तर समुदायका सदस्यहरू एकसाथ सामूहिक रूपमा रक्तदानमा सहभागी हुँदा त्यसको सन्देश अझ फराकिलो बन्न सक्छ।

यसले जीवन बचाउने कार्यमा योगदान पुर्‍याउनुका साथै हाम्रो नेपाली समुदायको एकता, सामाजिक उत्तरदायित्व, सहयोगी भावना र मानवीय सेवाप्रतिको प्रतिबद्धता हामी बसेको समाजमा देखाउने अवसर पनि दिन्छ।

हामीलाई देखेर अर्को व्यक्तिले पहिलोपटक रक्तदान गर्ने साहस पाउन सक्छ। कसैको रक्तदानप्रतिको डर हट्न सक्छ। कसैले आफ्नो साथी वा परिवारलाई प्रेरित गर्न सक्छ। अनि त्यही प्रेरणाको सानो श्रृङ्खलाले भविष्यमा अझ धेरै जीवन बचाउन सक्छ।

त्यसैले व्यक्तिगत रूपमा रक्तदान गर्ने क्रमलाई निरन्तरता दिँदै, सम्भव भएसम्म यस्ता सामूहिक रक्तदान अभियानमा पनि हातेमालो गरौँ।

रक्तदान जहाँ र जहिले गरे पनि जीवनका लागि हो;
सँगै गर्दा जीवन बचाउनुका साथै समुदायलाई पनि प्रेरित गर्छ।

रक्तदान किन महत्वपूर्ण छ?

दुर्घटना, आकस्मिक उपचार, शल्यक्रिया, क्यान्सरको उपचार, प्रसूतिका क्रममा हुने अत्यधिक रक्तस्रावलगायत विभिन्न स्वास्थ्य अवस्थाका कारण हरेक दिन धेरै बिरामीलाई रगत आवश्यक पर्न सक्छ।

त्यस्तो कठिन घडीमा हामीमध्ये कसैले स्वेच्छाले दिएको रगत नै कसैको उपचार र जीवन रक्षाको महत्वपूर्ण माध्यम बन्न सक्छ।

योग्य व्यक्तिले आवश्यक स्वास्थ्य मापदण्ड पूरा गरी रक्तदान गर्नु सामान्यतया सुरक्षित प्रक्रिया हो। रक्तदानअघि आवश्यक स्वास्थ्य जाँच गरिन्छ र रक्तदाताको सुरक्षालाई प्राथमिकता दिइन्छ।

रक्तदानले हामीभित्र मानवता, सहयोग, करुणा र सामाजिक उत्तरदायित्वको भावना अझ बलियो बनाउँछ। त्यसैले रक्तदानलाई केवल एक दिनको कार्यक्रमका रूपमा होइन, सक्ने र योग्य व्यक्तिले निरन्तर अपनाउन सक्ने मानवीय संस्कारका रूपमा विकास गरौँ।

हामी बसेको स्कटिश समाजमा नेपाली समुदायको परिचय केवल हाम्रो भाषा, संस्कृति र चाडपर्वले मात्र होइन, समाजलाई आवश्यक परेको बेला हामीले गर्ने सकारात्मक योगदानले पनि बनोस्। 🇳🇵🏴󠁧󠁢󠁳󠁣󠁴󠁿

आज १८ जनाले अघि बढाएको यो कदमले भोलि अरू धेरैलाई प्रेरित गरोस्, र त्यो प्रेरणा अझ धेरै मानिससम्म पुगोस्।

आज छुट्नुभयो? अर्को अवसर आउँदैछ!

आज समय नमिलेका, वा रक्तदान गर्न इच्छुक भएर पनि सहभागी हुन नसक्नुभएका महानुभावहरूका लागि हाम्रो अभियान यहीँ रोकिएको छैन।

📍 Glasgow — १२ अक्टोबर २०२६ ( padam 07878021112)
📍 Dunfermline — ७ जनवरी २०२७(sagar 07455664555)

रक्तदान गर्न योग्य तथा इच्छुक सम्पूर्ण नेपाली दाजुभाइ तथा दिदीबहिनीहरूलाई यी आगामी रक्तदान कार्यक्रमहरूमा सहभागी हुन हार्दिक आह्वान गर्दछौँ।

आउनुहोस्, हातेमालो गरौँ।
आउनुहोस्, रक्तदान गरौँ।
आउनुहोस्, हाम्रो नेपाली समुदायलाई मानव सेवाका यस्ता सकारात्मक कार्यमा अझ अगाडि बढाऔँ।

विशेष धन्यवाद तथा आभार

आजको रक्तदान कार्यक्रमलाई सहज र व्यवस्थित बनाउन हामीसँग निरन्तर समन्वय तथा सहयोग गर्नुहुने Glasgow Blood Donation Centre का Owais प्रति NRNA Scotland परिवार विशेष आभारसहित हार्दिक धन्यवाद व्यक्त गर्दछ।

त्यसैगरी, कार्यक्रमको समन्वय तथा व्यवस्थापनमा महत्वपूर्ण भूमिका निर्वाह गर्नुहुने NRNA Scotland का Treasurer Padam Kharel, President Sher KC, तथा कार्यक्रमलाई सफल बनाउन प्रत्यक्ष–अप्रत्यक्ष रूपमा सहयोग गर्नुहुने NRNA Scotland को सम्पूर्ण टिम प्रति हार्दिक धन्यवाद तथा कृतज्ञता व्यक्त गर्दछौँ।

र सबैभन्दा ठूलो सम्मान आज आफ्नो अमूल्य समय निकालेर निःस्वार्थ भावनाका साथ रक्तदान गर्नुहुने सम्पूर्ण रक्तदाताहरूलाई।

तपाईंहरूको सहभागिताले एउटा कार्यक्रम मात्र सफल भएको छैन; हाम्रो समुदायभित्र मानवता, एकता र सामाजिक उत्तरदायित्वको सुन्दर उदाहरण पनि प्रस्तुत भएको छ।

यो नामका लागि होइन।
यो देखाउनका लागि होइन।
यो प्रचारका लागि होइन।

यो मानवताका लागि हो।
यो जीवनका लागि हो।
यो आवश्यकतामा परेको व्यक्तिका लागि हो।

हामी सबैले सबैलाई सहयोग गर्न नसकौँला, तर हामीमध्ये प्रत्येकले कसै न कसैका लागि केही सकारात्मक योगदान अवश्य दिन सक्छौँ।

त्यसैले—

रगत दिन सक्नुहुन्छ भने रक्तदान गरौँ।
जीवन बचाउने अभियानमा जोडिऔँ।
एकअर्कालाई प्रेरित गरौँ।
नेपाली समुदायलाई सामाजिक तथा मानवीय सेवामा अझ अगाडि बढाऔँ।

“तपाईंको केही मिनेट, कसैको पूरा जीवन।”

आजका सम्पूर्ण रक्तदाताहरूलाई पुनः एकपटक हृदयदेखि नै धन्यवाद, सम्मान र नमन।

१२ अक्टोबर Glasgow तथा ७ जनवरी Dunfermline मा हुने आगामी रक्तदान कार्यक्रममा सहभागी हुन इच्छुक महानुभावहरूले NRNA Scotland सँग सम्पर्क गरी आफ्नो नाम जानकारी गराउनुहुन हार्दिक अनुरोध गर्दछौँ।

सँगै रक्तदान गरौँ।
सँगै जीवन बचाऔँ।
सँगै मानवताको सुन्दर सन्देश फैलाऔँ।

एक थोपा रगत, एउटा आशा।
एउटा रक्तदान, कसैका लागि नयाँ जीवन।

— NRNA Scotland

#रक्तदान #जीवनदान #एकथोपा_रगत_एउटा_आशा
( we are here for community service not for bad politics)

04/10/2026

स्वास्थ्य र मनको शान्तितर्फ हाम्रो अर्को कदम

नेपाली नारीहरूको महान् पर्व तीजको अवसरमा हामीले “Health & Wellbeing Walk” मार्फत स्वास्थ्य, सचेतना र आपसी आत्मीयताको सन्देश लिएर सँगै हिँडेका थियौँ। त्यस यात्रामा प्राप्त उत्साह, सहभागिता र सकारात्मक ऊर्जाले हामीलाई यस्ता अर्थपूर्ण कार्यक्रमलाई निरन्तरता दिन प्रेरित गरेको छ।

अब नेपालीहरूको महान् पर्व बडादशैंको अवसरमा, त्यही उद्देश्यलाई अझ फराकिलो बनाउँदै NRNA Scotland /manokaranti teem को सहकार्यमा “योग ध्यान साधना शिविर” आयोजना गर्दैछौँ।

दशैं केवल भेटघाट, रमाइलो र उत्सवको पर्व मात्र होइन; यो आफूभित्र फर्किने, मनलाई शान्त बनाउने, स्वास्थ्यप्रति सचेत हुने र नयाँ ऊर्जा तथा सकारात्मक सोचका साथ अगाडि बढ्ने अवसर पनि हो। शरीर स्वस्थ हुँदा जीवन सहज बन्छ, र मन शान्त हुँदा सम्बन्ध, परिवार र समाज अझ सुन्दर बन्छ।

त्यसैले हाम्रो सन्देश छ—
“आफ्नो लागि साधना, अरूको लागि सेवा।”
“हरेक श्वासमा स्वास्थ्य, हरेक पलमा शान्ति।”

आउनुहोस्, यस बडादशैंमा केही समय आफ्नो शरीर, मन र आत्मिक स्वास्थ्यका लागि छुट्याऔँ। योग, ध्यान र साधनाको माध्यमबाट स्वस्थ जीवनशैली, मानसिक शान्ति र सकारात्मक ऊर्जातर्फ सँगै अघि बढौँ।

📅 सोमबार, १९ अक्टोबर २०२६
⏰ बिहान ९:०० देखि दिउँसो १२:०० बजेसम्म
📍 60 New Row, Dunfermline, KY12 7EF

🙏 स्वस्थ व्यक्ति, सुखी परिवार र सकारात्मक समुदाय निर्माणको यो अभियानमा तपाईंको सहभागिता हाम्रो लागि महत्वपूर्ण हुनेछ।

संसार बदल्नु छ भने, सुरुवात आफैंबाट गरौँ। 🌿

आयोजक:
NRNA Scotland & Manokaranti teem

04/10/2026

🩸❤️ रगतको एक थोपा… कसैको जीवनको आशा बन्न सक्छ! ❤️🩸

तपाईंको केही मिनेट, कसैको पूरा जीवन।

हामीले कहिल्यै नचिनेको, कहिल्यै नभेटेको कुनै व्यक्तिका लागि पनि हाम्रो रक्तदान जीवनको सबैभन्दा ठूलो उपहार बन्न सक्छ। कसैको कठिन घडीमा हामीले दिएको रगत नै उसको जीवन बचाउने माध्यम बन्न सक्छ।

यसै मानवीय भावनाका साथ NRNA Scotland को आयोजनामा भोलि ५ अक्टोबर, सोमबार Glasgow मा सामूहिक रक्तदान कार्यक्रम हुँदैछ।

📍 स्थान: Glasgow Blood Bank
📅 मिति: ५ अक्टोबर, सोमबार

भोलिको रक्तदान कार्यक्रममा सहभागी भई जीवनदानको यस पुण्य कार्यमा साथ दिनुहुने सम्पूर्ण रक्तदाताहरूप्रति NRNA Scotland परिवार हार्दिक सम्मान तथा धन्यवाद व्यक्त गर्दछ।

नामावलीमा रहनुभएका सम्पूर्ण महानुभावहरूलाई आफ्नो निर्धारित समयअनुसार समयमै Glasgow Blood Bank मा उपस्थित भइदिन हार्दिक अनुरोध गर्दछौँ। सम्भव भएसम्म केही समय अगाडि पुग्नुहोला, ताकि कार्यक्रम व्यवस्थित रूपमा सञ्चालन गर्न सहज होस्।

भोलि समय नमिल्ने तर रक्तदान गर्न इच्छुक महानुभावहरूका लागि १२ अक्टोबरमा पनि रक्तदानमा सहभागी हुने अवसर रहनेछ। १२ अक्टोबरमा सहभागी हुन चाहनुहुने महानुभावहरूले पनि हामीलाई आफ्नो नाम जानकारी गराइदिनुहोला।

━━━━━━━━━━━━━━
❤️ किन रक्तदान गर्ने?
━━━━━━━━━━━━━━

दुर्घटना, शल्यक्रिया, क्यान्सरको उपचार, प्रसूतिको समयमा अत्यधिक रक्तस्राव तथा विभिन्न गम्भीर स्वास्थ्य अवस्थाका कारण हरेक दिन धेरै मानिसलाई रगतको आवश्यकता पर्छ।

हामीमध्ये कसैले दिएको रगत नै त्यस्तो कठिन समयमा कसैको जीवन बचाउने माध्यम बन्न सक्छ।

कतिपयलाई लाग्न सक्छ—

“रगत दिएपछि म कमजोर हुन्छु कि?”
“मेरो शरीरलाई असर गर्छ कि?”
“मलाई चक्कर लाग्छ कि?”
“रक्तदान सुरक्षित हुन्छ त?”

योग्य व्यक्तिले आवश्यक स्वास्थ्य मापदण्ड पूरा गरी रक्तदान गर्दा यो सामान्यतया सुरक्षित प्रक्रिया हो। रक्तदानअघि आवश्यक स्वास्थ्य जाँच गरिन्छ र सुरक्षित तथा स्टेराइल सामग्री प्रयोग गरिन्छ।

केही व्यक्तिलाई रक्तदानपछि छोटो समयका लागि थकान, हल्का चक्कर वा सुई लगाएको ठाउँमा सामान्य दुखाइ/नीलडाम हुन सक्छ। त्यसैले पर्याप्त पानी पिउने, केही समय आराम गर्ने र स्वास्थ्यकर्मीले दिएको सुझाव पालना गर्नु महत्वपूर्ण हुन्छ।

━━━━━━━━━━━━━━
🩸 रक्तदान किन विशेष छ?
━━━━━━━━━━━━━━

रक्तदानको सबैभन्दा ठूलो अर्थ एउटै हो—तपाईंको रक्तदानले कसैलाई जीवनको अर्को मौका दिन सक्छ।

रक्तदान केवल रगत दिनु मात्र होइन; यो मानवता, सहयोग, करुणा र सामाजिक उत्तरदायित्वको सुन्दर उदाहरण हो।

हामीले व्यक्तिगत रूपमा आफूलाई मिल्ने समयमा रक्तदान गर्न सक्छौँ। तर समुदायका रूपमा एकसाथ रक्तदान गर्नुको अर्थ अझ विशेष हुन्छ।

जब नेपाली समुदायका सदस्यहरू एकसाथ यस्तो मानवीय कार्यमा सहभागी हुन्छौँ, हामी बसेको समाजमा एउटा सकारात्मक सन्देश जान्छ—

“नेपाली समुदाय आवश्यक परेको बेला सहयोगका लागि सधैँ अगाडि आउँछ।” 🇳🇵❤️

हामीलाई देखेर अर्को व्यक्ति प्रेरित हुन सक्छ।
कसैको रक्तदानप्रतिको डर हट्न सक्छ।
कसैले पहिलो पटक रक्तदान गर्ने साहस पाउन सक्छ।
र त्यही प्रेरणाले भविष्यमा अझ धेरै जीवन बचाउन सक्छ।

यो नामका लागि होइन।
यो देखाउनका लागि होइन।
यो प्रचारका लागि होइन।

यो मानवताका लागि हो।
यो जीवनका लागि हो।
यो आवश्यकतामा परेको व्यक्तिका लागि हो। ❤️

हामीले दिएको रगत कसलाई पुग्छ, हामीलाई थाहा नहुन सक्छ। तर कतै कुनै परिवारले आफ्नो प्रिय मान्छेलाई फेरि अँगालो हाल्न पाउँदा, त्यसमा हाम्रो सानो योगदान हुन सक्छ।

रगत फेरि बन्छ, तर गुमेको जीवन फर्किँदैन।

त्यसैले आउनुहोस्—

🩸 सँगै रक्तदान गरौँ।
❤️ सँगै जीवन बचाऔँ।
🇳🇵 हाम्रो नेपाली समुदायबाट मानवताको सुन्दर सन्देश फैलाऔँ।

“तपाईंको केही मिनेट, कसैको पूरा जीवन।”
“तपाईंको सानो सहयोगले कसैको जीवन बच्न सक्छ।”

भोलि सहभागी हुनुहुने सम्पूर्ण रक्तदाताहरूलाई फेरि एकपटक हार्दिक धन्यवाद तथा सम्मान। 🙏
कृपया आफ्नो निर्धारित समयमा उपस्थित हुनुहोला।

भोलि ५ अक्टोबर वा आगामी १२ अक्टोबर मा सहभागी हुन इच्छुक हुनुहुन्छ भने हामीसँग सम्पर्क गरी आफ्नो नाम जोड्न सक्नुहुन्छ।

एक थोपा रगत, एउटा आशा।
एउटा रक्तदान, कसैका लागि नयाँ जीवन। 🩸❤️

— NRNA Scotland

#रक्तदान #जीवनदान #एकथोपा_रगत_एउटाजीवन

30/09/2026

राहत सहयोग अभियानसम्बन्धी अन्तिम जानकारी: कुल £26,602 संकलन

नेपालमा उत्पन्न आपतकालीन परिस्थितिमा राहत तथा सहयोग पुर्‍याउने उद्देश्यले गैरआवासीय नेपाली संघ (एनआरएनए) स्कटल्यान्डको पहल तथा समन्वयमा सञ्चालन गरिएको सहयोग संकलन अभियान औपचारिक रूपमा समाप्त गरिएको जानकारी सम्पूर्ण सहयोगदाता तथा समुदायमा गराउन चाहन्छौँ।

यस अभियानमार्फत कुल £26,602 संकलन भएको छ।

यसअघि नै जानकारी गराइएअनुसार, संकलित रकममध्ये £25,000 अर्थात् नेपाली रुपैयाँ 51,00,000 नेपाल सरकारको प्रधानमन्त्री दैवी प्रकोप उद्धार कोषमा पठाइसकिएको छ र सो रकम पठाइएको आधिकारिक प्रमाणसमेत सार्वजनिक गरिसकिएको छ।

अभियान समाप्त भएसँगै कुल संकलित £26,602 मध्ये हाल बाँकी रहेको £1,602 पनि आवश्यक प्रक्रिया पूरा गरी यथाशीघ्र नेपाल सरकारको सम्बन्धित राहत कोषमा पठाइनेछ। उक्त बाँकी रकम पठाइसकेपछि त्यसको विवरण तथा प्रमाणसमेत समुदायसमक्ष सार्वजनिक गरिनेछ।

यो मानवीय अभियान एनआरएनए स्कटल्यान्डको पहल तथा समन्वयमा सञ्चालन भए पनि यसको सफलतामा स्कटल्यान्डका विभिन्न संघ–संस्था, आमा तथा महिला समूह, सामाजिक तथा धार्मिक संस्था, बहाई समुदाय, व्यवसायी, समाजसेवी, स्वयंसेवक तथा नेपाली एवं गैरनेपाली समुदायको महत्वपूर्ण योगदान रहेको छ।

अभियानमा साउथ साइड नेपाली कम्युनिटी, पशुपति मन्दिर, फोर्थ भ्याली नेपाली कम्युनिटी, मालिका नौमती बाजा, हरियाली आमा समूह ग्लास्गो, गिलमर्टन महिला समूह एडिनबरा, स्टर्लिङ आमा समूह तथा बहाई समुदाय लगायत विभिन्न संघ–संस्था, समूह तथा समुदायले एनआरएनए स्कटल्यान्डसँग सहकार्य गर्नुभएको थियो।

त्यसैगरी स्कटल्यान्डका विभिन्न स्थानमा बसोबास गर्ने नेपाली तथा गैरनेपाली समुदाय, व्यवसायी, समाजसेवी, स्वयंसेवक तथा व्यक्तिगत सहयोगदाताहरूले आर्थिक सहयोगसँगै आफ्नो समय, श्रम र सद्भाव प्रदान गरी अभियानलाई सफल बनाउन महत्वपूर्ण भूमिका निर्वाह गर्नुभएको थियो।

एनआरएनए स्कटल्यान्डका अध्यक्ष शेर केसीले यो अभियान कुनै एक व्यक्ति वा संस्थाको उपलब्धि नभई सम्पूर्ण समुदायको साझा प्रयास भएको बताउँदै सहयोग गर्ने सबैप्रति हार्दिक धन्यवाद तथा कृतज्ञता व्यक्त गर्नुभएको छ।

“यो एनआरएनए स्कटल्यान्ड एक्लैको उपलब्धि होइन। एनआरएनए स्कटल्यान्डले पहल र समन्वय गरेको हो, तर यो अभियान सफल हुनुमा विभिन्न संघ–संस्था, आमा तथा महिला समूह, बहाई समुदाय, व्यवसायी, समाजसेवी, स्वयंसेवक, नेपाली समुदाय तथा हामीलाई साथ दिनुहुने गैरनेपाली समुदाय सबैको उत्तिकै महत्वपूर्ण योगदान छ। मातृभूमिलाई परेको कठिन समयमा सबैले देखाउनुभएको एकता, सद्भाव र सहयोगप्रति एनआरएनए स्कटल्यान्ड परिवारको तर्फबाट म हृदयदेखि नै धन्यवाद व्यक्त गर्दछु।”

एनआरएनए स्कटल्यान्डले समुदायबाट संकलित सहयोग रकम सार्वजनिक विश्वास र साझा योगदानको रकम भएको स्पष्ट गर्दै यसको प्रत्येक विवरणमा पारदर्शिता र जवाफदेहिता कायम गर्नु आफ्नो जिम्मेवारी भएको पुनः प्रतिबद्धता व्यक्त गर्दछ।

यसअघि पठाइएको £25,000 अर्थात् रु. 51 लाखको प्रमाण सार्वजनिक गरिसकिएको छ। अब बाँकी रहेको £1,602 पठाउने प्रक्रिया पूरा गरी त्यसको प्रमाणसमेत सार्वजनिक गरिनेछ।

साथै यस अभियानमा कसले कति रकम सहयोग गर्नुभयो, कुन संघ–संस्था, समूह वा समुदायमार्फत कति रकम संकलन भयो तथा अन्य सम्बन्धित आय विवरणसहित सहयोगदाताहरूको विस्तृत नामावलीसमेत समुदायसमक्ष सार्वजनिक गरिनेछ।

मातृभूमि नेपालमा परेको आपतका बेला हजारौँ किलोमिटर टाढा स्कटल्यान्डमा रहेका विभिन्न संस्था, समूह, धर्म र समुदायमा आबद्ध नेपाली तथा गैरनेपालीहरू एउटै मानवीय उद्देश्यका लागि एकजुट हुनु यस अभियानको महत्वपूर्ण उपलब्धि हो।

एनआरएनए स्कटल्यान्ड यस अभियानमा सहकार्य गर्ने सम्पूर्ण संघ–संस्था, आमा तथा महिला समूह, सामाजिक तथा धार्मिक संस्था, बहाई समुदाय, व्यवसायी, समाजसेवी, स्वयंसेवक, व्यक्तिगत सहयोगदाता तथा नेपाली एवं गैरनेपाली समुदायप्रति हार्दिक धन्यवाद तथा कृतज्ञता व्यक्त गर्दछ।

यससँगै एनआरएनए स्कटल्यान्डको पहल तथा समन्वयमा सञ्चालन गरिएको यस राहत सहयोग संकलन अभियान औपचारिक रूपमा समाप्त भएको घोषणा गर्दछौँ।

“हाम्रो एकता नै हाम्रो शक्ति हो, हाम्रो सहयोग मानवताका लागि हो र सार्वजनिक सहयोगप्रति पारदर्शी तथा जिम्मेवार रहनु हाम्रो दायित्व हो।”

गैरआवासीय नेपाली संघ (एनआरएनए) स्कटल्यान्ड
३० सेप्टेम्बर २०२६

30/09/2026

अपडेट: NRNA Scotland आपत्कालीन सहयोग अभियान

नेपालका बाढीपीडितहरूको सहयोगार्थ NRNA Scotland द्वारा सञ्चालन गरिएको आपत्कालीन राहत सहयोग रकम संकलन अभियान हालका लागि बन्द गरिएको जानकारी सम्पूर्ण नेपाली समुदाय तथा शुभेच्छुकहरूमा गराउँदछौँ।

यस मानवीय अभियानमा साथ, सहयोग र सद्भाव प्रदान गर्नुहुने सम्पूर्ण महानुभाव, संघ–संस्था, व्यवसायी, विभिन्न समुदाय तथा शुभेच्छुकहरूप्रति NRNA Scotland हार्दिक धन्यवाद एवं आभार व्यक्त गर्दछ।

यस अभियानमार्फत संकलित रकममध्ये £25,000 (पच्चीस हजार पाउण्ड) नेपाल सरकारको राहत कोषअन्तर्गत राष्ट्रिय वाणिज्य बैंकको खातामा पठाइसकिएको छ। उक्त रकम नेपाली रुपैयाँमा रु. 51,00,000 (एकाउन्न लाख रुपैयाँ) पठाइएको जानकारी गराउँदछौँ।

संकलित रकममध्ये बाँकी रहेको रकम पनि सोही खातामा यथाशीघ्र पठाइनेछ र त्यसको जानकारीसमेत पारदर्शी रूपमा सम्पूर्ण समुदायसमक्ष उपलब्ध गराइनेछ।

यस अभियानलाई सफल बनाउन आर्थिक सहयोग गर्नुहुने, अभियानलाई विभिन्न माध्यमबाट प्रचार–प्रसार गर्नुहुने, सहयोग जुटाउन सक्रिय भूमिका निर्वाह गर्नुहुने तथा प्रत्यक्ष–अप्रत्यक्ष रूपमा साथ दिनुहुने सम्पूर्ण महानुभावहरूप्रति हामी हृदयदेखि नै कृतज्ञ छौँ।

हालसम्म सहयोगी महानुभावहरू:

सागर भण्डारी — £500
Avisek/sarmila gupta-£500
ज्ञान खत्री — £300
टीकाराम खराल — £300
Krishna kharel_£251
माधव भण्डारी (सालकोट) — £250
गोकर्ण भुसाल — £250
Pawan/sostima khadka- £200
Shyam kaji shrestha -£150
Laxman bhatta-£111
Sarada dahal -£109
Tharka lamichane -£105
Dharma raj bhattarai-£105
Bhuwan neupane-£101
Dil thapa-£101
Laxmi devi sharma /Subash neupane -£101
Ram shrestha -£101
Puskar khatiwada -£101
Bishnu neupane -£101
Bhojraj kharel-£101
Youbraj tiwari -£101
Deepak shrestha £101
Bhola khanal -£101
Narayan bhandari-£101
Hom kunwar-£101
Mina gaire/dila gaire -£100
शेर केसी — £100
बलराम कँडेल — £100
युवराज सापकोटा — £100
Madhav bhandari £101
Mangala basnet £100
Bir bahadur bista -£100
Hari sapkota-£100
Laxmi neupane -£100
Roshan regmi-£100
Karan karki -£100
Ashok sapkota-£61
Deepak panthee-£61
Padam kharel-£51
Hari khatri -£51
Shiva tiwari -£51
Asmita bhandari -£51
Ramesh bhandari-£51
विनोद भण्डारी — £51
Gokul aryal -£51
Nikhil kharel -£50
Sujan gautam-£50
Khimnath subedi-£50
Johny pahari -£50
Ram sahani -£50
Bikas budathoki -£50
Santa kc -£50
Dipak aryal-£50
Nirip karki -£50
Resham thapa-£50
Sarita sapkota-£21
दिपेश मगर — £20
Pratima kafle-£21
Bhanu kandel-£100
Gopal rizal -£100
Vijay dongol-£21
Baburam sapkota-£51
Prem basnet-£50
Sarada adhikari-£51
Nandu budathoki-£50
Sagar bhattarai -£35
Krishna aryal-£101
Dhan b kc -£100
Harka karki-£100
Posta raj subedi-£30
Kedar aryal-£50
Khim jugjali -£55
Muktiram aryal-£20
Rim tamang-£110
Reeta yonjan -£55
Ser roka-£100
Mohan Bhandari (Hamilton) -£151
Afzal Boksh &family= £1000
Avishek&Balwant (Durbar Indian kitchen ) = £251
Advik &Aarvia (Kahani restaurant) = £251
Mother India (Mohit and family)=£1051
Tuk tuk restaurant -£200
Globle staff £500
Arun Chaudhary £51
Aib foods £536
Unique poultry kurum£200
Stirling mahila samuha £301
Dhaba loanhead £100
Khukuri restaurant £500
Manuruka gurung -£125
Krishna gc -£151
Anwar shekh-£51
Dadiram pokhrel-£51
Binod singh-£101
Jeewan khatri-£101
Raju gautam-£20
Bal malepati-£101
Dilip lamichane-£51
Madhu pantha -£51
Raja duncaster £500
Dev kc -£151
Nabin basnet-£105
Bhima mainali-£51
Renu dahal-£51
Sanjay bhatta -£101
Meena sharma -£105
Cham chhetri-£101
Mahesh aryal -£51
Bishnu khanal-£101
Hariyali aama samuha -£500
Arjun aryal-£51
Parkash koirala -£51
Bishnu gautam -£30
Partik -£51
Diwakar Bhandari £51
Bahai community -£220
Hemlal kharel-£301
Laxman kc -£201
Punam gurung-£51
Amar karki-£51

गिलमोर्टन दिदी बहिनी समूह — £1900
(रत्ना के सी, रमा के सी, मंगला बस्नेत, कल्पना कार्की, पुजा बुढाथोकी, कृतिका बुढाथोकी, मन्जु के सी, बिरीमा बिस्ट, सिता गौतम, सृजना कँडेल, उसा अधिकारी, सम्झना कार्की, रिता गौतम, सुनिता शुबेदि, शारदा अधिकारी, कमला गौतम, जाली थापा, अन्जु के सी, लक्ष्मी कँडेल)

Anil rakas-£51
Shakti paudel -£101
Pawan/frend -£235

🕉️ श्री पशुपतिनाथ मन्दिर ग्लास्गो 🕉️ — Total £505
(डोली भट्ट, मोहन भण्डारी, नारायण ढकाल, भगवती गैरे, खगेन्द्र कँडेल, अभिषेक जोशी (गुरुजी/पण्डितजी), छम क्षेत्री)

SOUTHSIDE NEPALESE COMMUNITY GLASGOW — £2066
DONATION FOR NEPAL
(परशुराम भण्डारी, परशुराम सापकोटा, नरिश्वर खरेल, रामप्रसाद भण्डार, देवेन्द्र कैदी पुरुष, Haris Acharya, Fur Lapa Sherpa, Parash Kharel, Bikesh Singh, Purushttom Aryal, Pream Sapkota, दीपक/पूजा सापकोटा, Ghyanshyam/Sita Bhushal, रोशन ढकाल/विष्णु, सुष्मा सापकोटा/फ्रेण्ड, मिलन खरेल, संस्कार/संस्कृति गैरे, टंक/सोना सापकोटा, कमल/सबु सापकोटा, Sabilal Dhakal, Shibu Sharma, Karuna Sharma, Rupa Sapkota)

Balaram paudel-£101
Gaurapreet singh -£235
Hemraj pahari-£41
Muna kharel-£101
Billu singh-£50

Forth Valley Nepalese Association Falkirk — £1505
(Hem Shrestha, Binod Bhandari, Narayan Dhungana, Balkrishna Acharya, Sharmila, Raj K Deuja, Bishal Kharel, Bishnu Sharma, Kashi Ram Bhandari, Ajay Ghimire, Sandesh Kafle, Niruta Bhandari, Chandra Kashyap, Chandra Bhandari, Bishnu Prasad Ghimire, Nandalal Chapagai, Narayan Adhikari, Shanti Neupane Acharya, Sabitra P Bhandari, Dipendra Shrees, Laxman Chapagain, Aneeta Shrestha, Narayan Roka, Basanta Roka Magar, Sagar KC and Moon Light Kitchen Staff)

Bhat bhuna restaurant-£250
(Bal krishna aryal and teem)
Puspa aryal thapa -£51
L cole -£10
James fullerston-£10
Clinte elizabeth -150
Govinda r kandel -50
Tilak kandel-£55
Jaya khadka -£100
S paudel-£101
Laxmi-£15
Hari p dhakal-£151
S budathoki-£30
S bhandari-£15
Resham karki -£50
Thamel restaurant -£500
Solti restaurant-£300
Gautam restaurant -£200
Malika naumati baja -£400
M bhandari -£10
Khimlal pandaya -£51
Gita bhandari /sundar khanal-100
N subedi-£100
B gautam -£45
Lalit satyawala-£50
S bhandari-£15
Without name -£178
Total 26602

सम्पर्क:any confuse
07446 065506 | 07455 664555 | 07403 776886

यस कठिन घडीमा मातृभूमि नेपालको साथमा उभिएर मानवीय सेवाको भावनासहित सहयोग गर्नुहुने सम्पूर्ण व्यक्ति, परिवार, व्यवसाय, संघ–संस्था, समुदाय तथा शुभेच्छुकहरूप्रति NRNA Scotland पुनः हार्दिक धन्यवाद एवं उच्च सम्मानसहित आभार व्यक्त गर्दछ।

तपाईंहरूको साथ, विश्वास र सहयोगले नै यो अभियान सफल भएको हो। संकलित बाँकी रकमसमेत यथाशीघ्र नेपाल सरकारको सोही राहत कोषमा पठाई त्यसको जानकारी सार्वजनिक गरिनेछ।

संस्था–संस्था जोडिऔँ, मन–मन जोडिऔँ, हातमा हात मिलाऔँ र आवश्यक परेको हरेक कठिन घडीमा मातृभूमि नेपालको साथमा उभिऔँ। 🇳🇵🙏

NRNA Scotland

28/09/2026

🩸❤️ रगतको एक थोपा… कसैको जीवनको आशा बन्न सक्छ! ❤️🩸

तपाईंको सानो सहयोगले कसैको जीवन बच्न सक्छ।
सायद हामीले कहिल्यै नचिनेको, कहिल्यै नभेटेको कुनै व्यक्तिका लागि हाम्रो रक्तदान नै जीवनको सबैभन्दा ठूलो उपहार बन्न सक्छ।

NRNA Scotland को तर्फबाट सम्पूर्ण नेपाली समुदायलाई रक्तदानको यस पुण्य कार्यमा सहभागी हुन हार्दिक आह्वान गर्दछौँ।

स्थान: Glasgow blood bank
मिति: 5 oct monday

━━━━━━━━━━━━━━
किन रक्तदान गर्ने?
━━━━━━━━━━━━━━

दुर्घटना, शल्यक्रिया, क्यान्सरको उपचार, प्रसूतिको समयमा अत्यधिक रक्तस्राव तथा विभिन्न गम्भीर स्वास्थ्य अवस्थाका कारण हरेक दिन धेरै मानिसलाई रगतको आवश्यकता पर्छ।

हामीमध्ये कसैले दिएको रगत नै त्यस्तो कठिन समयमा कसैको जीवन बचाउने माध्यम बन्न सक्छ।

कतिपयलाई लाग्न सक्छ—

“रगत दिएपछि म कमजोर हुन्छु कि?”
“मेरो शरीरलाई असर गर्छ कि?”
“मलाई चक्कर लाग्छ कि?”
“रक्तदान सुरक्षित हुन्छ त?”

डराउनु पर्दैन।

योग्य व्यक्तिले स्वास्थ्य मापदण्ड पूरा गरेर रक्तदान गर्दा यो सामान्यतया सुरक्षित प्रक्रिया हो। रक्तदानअघि आवश्यक स्वास्थ्य जाँच गरिन्छ, सुरक्षित तथा स्टेराइल सामग्री प्रयोग गरिन्छ र हाम्रो शरीरले गुमेको तरल तथा रक्तकोषहरू समयसँगै पुनःपूर्ति गर्छ।

केही व्यक्तिलाई रक्तदानपछि छोटो समयका लागि थकान, हल्का चक्कर वा सुई लगाएको ठाउँमा सामान्य दुखाइ/नीलडाम हुन सक्छ। त्यसैले पर्याप्त पानी पिउने, केही समय आराम गर्ने र स्वास्थ्यकर्मीको सुझाव पालना गर्नु महत्वपूर्ण हुन्छ।

━━━━━━━━━━━━━━
रक्तदानको फाइदा के हो?
━━━━━━━━━━━━━━

सबैभन्दा ठूलो फाइदा — तपाईंको रक्तदानले कसैलाई जीवनको अर्को मौका दिन सक्छ।

रक्तदान केवल रगत दिनु मात्र होइन, यो मानवता, सहयोग र सामाजिक उत्तरदायित्वको सन्देश पनि हो।

हामीले व्यक्तिगत रूपमा आफूलाई मिल्ने समयमा रक्तदान गर्न सक्छौँ। तर यसपटक समुदायको रूपमा सँगै रक्तदान गर्नुको अर्थ अझ विशेष छ।

जब हामी नेपाली समुदायका सदस्यहरू एकसाथ यस्तो मानवीय कार्यमा सहभागी हुन्छौँ, समाजमा एउटा सुन्दर सन्देश जान्छ—

“नेपाली समुदाय आवश्यक परेको बेला सहयोगका लागि अगाडि आउँछ।”

हामीले गरेको काम देखेर अर्को व्यक्ति प्रेरित हुन सक्छ।
कसैको रक्तदानप्रतिको डर हट्न सक्छ।
कसैले पहिलो पटक रक्तदान गर्ने साहस पाउन सक्छ।

र त्यही प्रेरणाले भविष्यमा अझ धेरै जीवन बचाउन सक्छ।

यो नामका लागि होइन।
यो देखाउनका लागि होइन।
यो प्रचारका लागि होइन।

यो मानवताका लागि हो।
यो जीवनका लागि हो।
यो आवश्यकतामा परेको व्यक्तिका लागि हो।

हामीले दिएको रगत कसलाई पुग्छ, हामीलाई थाहा नहुन सक्छ।
तर कतै कुनै परिवारले आफ्नो प्रिय मान्छेलाई फेरि अँगालो हाल्न पाउँदा, त्यसमा हाम्रो सानो योगदान हुन सक्छ।

रगत फेरि बन्छ, तर गुमेको जीवन फर्किँदैन।

त्यसैले आउनुहोस्—

सँगै रक्तदान गरौँ।
सँगै जीवन बचाऔँ।
हाम्रो नेपाली समुदायबाट मानवताको सुन्दर सन्देश फैलाऔँ।

“तपाईंको केही मिनेट, कसैको पूरा जीवन।”
“तपाईंको सानो सहयोगले कसैको जीवन बच्न सक्छ।”

आफू योग्य हुनुहुन्छ भने सहभागी बनौँ, साथीभाइ तथा परिवारलाई पनि प्रेरित गरौँ।

— NRNA Scotland

#रक्तदान #जीवनदान

Address

Edinburgh

Website

http://nrnascotland.com/

Alerts

Be the first to know and let us send you an email when NRNA Scotland posts news and promotions. Your email address will not be used for any other purpose, and you can unsubscribe at any time.

Want your organisation to be the top-listed non profit organisation in Edinburgh?

NRNA Scotland

11/10/2026

11/10/2026

11/10/2026

05/10/2026

04/10/2026

04/10/2026

30/09/2026

30/09/2026

28/09/2026

Address

Website

Alerts

Shortcuts

Share

Category

Listing takedown request