12/08/2026
*बृहत् समीक्षा बैठकको मिति पुनः १८/०८/२०२६, मंगलबारका लागि परिवर्तन गरिएको अत्यन्तै जरुरी सूचना!
सबैमा नमस्कार,
मिति ११/०८/२०२६मा महासचिवबाट जारी सूचना बमोजिमको १७/०८/२०२६को दिनमा हुने भनिएको र १२/०८/२०२६ को महासचिवज्यूको सूचना बमोजिम २४/०८/२०२६मा सारिएको समीक्षा बैठकमा अध्यक्षज्यूको प्रिबुक्ड होलिडे परेकाले उक्त समीक्षा बैठक १८/०८/२०२६ मा पुनः सारिएको व्यहोरा सम्बन्धित सबैको जानकारीका लागि अनुरोध छ।*
सो सम्बन्धि अपडेटेट सूचना तल प्रस्तुत गरिएको छ।
धन्यवाद!
"बर्मिङ्घम तीज मेला २०२६" समग्रमा परिमाण र परिणामका हिसाबले अभूतपूर्व र ऐतिहासिकरुपमा सफलतापूर्वक सम्पन्न भएको हाम्रो बुझाई छ। यस समाज, संस्कृति र जेनेरेशन एकाकारको महाभियान सफलताका सारथि, ज्ञातअज्ञात समस्तमा मनको अन्तस्करणबाट हार्दिक आभार, धन्यवाद!
तथापि सिक्काका दुईवटा पाटा भएजस्तै कथंकदाचित कार्यक्रमका काला कुनाहरु, कमिकमजोरीहरु, गल्तीहरु केही भएका रहेछन् भनेपनि सोको निर्मम समीक्षा जरुरी रहन्छ। यसैले संस्थाको परम्परा बमोजिम गुण र दोषका आधारमा बिनापूर्वाग्रह कार्यक्रमको निर्मम समीक्षा आवश्यक भएकोले संस्थाका अध्यक्ष, श्री राम प्रसाद न्यौपानेले निम्न मिति, स्थान र समयमा तपसिल बमोजिम समीक्षा बैठक बोलाउनु भएको छ।
तपसिल:
मिति: १८/०८/२०२६मा स्थान: पछि अपडेट गरिने छ।
समय: बिहानको ठिक १०बजे
उपरोक्त बैठकमा बर्मिङ्घम तीज मेला २०२६ संग कुनैपनि हिसाबले सम्बन्धित समस्तको उपस्थिति प्रार्थनीय छ।
धन्यवाद!
पुनश्च: समीक्षा बैठकमा उपस्थित हुँदा;
१. आफ्नो चासोको बिषय प्रष्टरुपमा, साङ्गोपाङ्गो समेटेर छोटकरीमा निर्मम तरिकाले राखिदिनुहोला।
२. प्रश्न पूर्वबक्तासंग ठ्याक्कै मिलेमा नदोहोर्याउनुहुन र थप गर्नुपर्ने बिषय भएमा उक्त बिषय राख्न सक्नुहुनेछ।
३. समीक्षाको नाममा ब्यक्तिगत लान्छना, ब्यक्ति वा संस्थाको स्वाभिमानमा आँच आउने अभद्र प्रश्नगर्न पाईनेछैन। तरपनि उक्त प्रकारको बिषयको उठान जरुरी ठानेको खण्डमा महासचिवसंग समन्वय गरेमा प्रश्नको मर्म र भावना बमोजिम सभ्य शब्द, भाषा र शैलीमा प्रस्तुत गर्ने व्यवस्था मिलाउन सकिने छ।
४. सम्बोधन नगरी सिधै बिषयमा प्रवेश गरि समयको सदुपयोग गर्नकालागि प्रोत्साहित गरिन्छ।
मिति परिवर्तनका कारण पर्नगएको असुविधाका लागि क्षमाप्रार्थी छौं। धन्यवाद!
-प्रार्थी,
आज्ञाले, लेखनाथ घिमिरे, सचिव, शान्ति नेपाली समाज बेलायत।
सूचना सुधारगरी पुनः जारी गरिएको मिति र समय: १२/०८/२०२६, १३:३०
