Association culturelle Utuleve

06/08/2026

Kaiga katoa ote pasina malo , e fai atu heni si vaevae o hina tehina pe tamai , koena si faka matala ote tagata aeni ko Atoloto Uatini mai te potu o falaleu .

[E au ma'u fulipe te u hisitolia aeni mai a Etua, he ne'e tatu'u âge ahofuli o tauhi mahaki ki siaku i Talasiu, i falaleu, ite api o toku tolua lahi ko Poncet Uatini. Kote kii hisitolia aeni ote mate a siona mokopuna totonu, kote foha o Aselo, ne'e faka'i ete tagata papalagi ko Alain Bach, ne'e gaue ite Fripac. Ave ai sii tagata o pilisonii i uveape pea alu te fekau a Lavelua kia Aselo ke aluage mu'a ki sagato soane. O aluage aila sii Aselo ki te fekau o tana tamai. E nofo tonu ai la Etua ite felogoi aeni. Tala ma'a Lavelua kia Aselo ae ne'e kua nofo mo tona loto fakapo kite papalagi. Tu'u atu o aluatu kite ta mu'a pea ke sioake ki tana tu'u, ne'e tokotahipe la ia. Hali lo'imata osi atu aipe si'i Aselo i tana kua mahino leva kite loto to'a mo'oni o tana tamai. Ne'e tokotahipe la ia, koena tau fua'i fanau, kua ma'u tona fetogi. Tala mai e Etua, puliosi ai te toe ita mote loto fakapo ne'e nofo mo Aselo. Tali age e Lavelua, alu o to'o te tagata ki tu'a ke alu o fafaga siona kii famili. Fai aki Lavelua. O aluai si'i Aselo kite kau salatamu o to'o si'i Alain ki tu'a. Koenape si'i kii hisitolia o Ivi ne'e fakamatala mai e Etua.]

Malo Atoloto siau vaevae mai si fakamatala fonu ite mamahi mote ofa .

05/08/2026

Fakamalo lahi atu ki si pasina o koena Tou faka' uvea m'ua ki si vaevae mai o aeni u ki fakamatala afea , kote faka amu pe ke tologa atu siona taupau e te taiake kei muli mai.

Malo

: Fakamatala ki te kapela, te tano, te 'āvaga mo te faihū 🇼🇫⛪🙏🏝

E mahino mai te talatuku o ‘Uvea ne’e ko Niuvalu ne’e ko te ‘uluaki nofo’aga fakahau aia o ‘Uvea nei pea e tu’u ai mo te faitoka o Tauloko, ‘uluaki hau o te fenua (1400-1426). Ko te fale maka o Tauloko e tu’u i loto Niuvalu pea 'e ovi ki ai mo te ‘u faitoka o Tui Hoko, Lilokaivale mo Kafoalogologofolau. Ne’e ko he ‘aga faka’āfea mai Toga mo kā manuka he ‘alikihau ke toe tanu ma’uli mo hana ‘u haha’i sinifu i tona loto fale maka.

I te ta’u 1979-80, ne’e manatu Hoko mo 'ona lagiaki ke laga te kapela aeni o Sagato Mikaele. E mahino mai ne’e mole fa'a lotolelei ki ai ihi kāiga o te kolo he ne’e maumau’i he faha'i o te faitoka o Niuvalu ki te fakalaulahi o te ‘u kaupā o te kapela. Ne’e kamata keli te tano pea asi mai mo ni me’a faka’aliki pea mo ni lopa mo lei ne’e tuku ai. Mole fualoa pea tuku te gāue ko te ‘uhi ae he ne’e kua 'āvea te kau gāue, te p**e kolo mo te kāiga ne’e nātou to’o te ‘u koloa o te tano.

Ne'e nofo tu’ania te kaiga o Ha’afuasia pea ne’e mole mamoe i te temi aia ‘uhi ko te kо̄ pо̄ kātoā o te ‘u kuli o te kolo. Pea fai leva tānātou fono o nātou to’o te p**e’aki ke 'olo fuli ki Sagato Soane kia Lavelua Tomasi o fai hina faihū o ‘uhiga mo te koga ae ne’e fakahoko. Ne’e tali lelei e Lavelua te kole o te haha’i o tona kolo pea ha’ele fakahagatonu atu tona ‘afio ki Ha’afuasia o nofo pо̄ e tolu o fai fakalelelei ki te ‘u hau o Niuvalu.

Hili pо̄ e tolu pea finegalo leva Lavelua ke ‘alu Kalaekivalu mo te haha’i o Ha’afuasia o tae te ‘u me’a faka’aliki mo koloa o te tano o tānaki mo fai mo he ‘avaifo faka’aliki i Niuvalu. Hili te avaifo mo te pogipogi tapu pea gata ai te ‘āvea o te kaiga mo te tokakovi o te kolo.

Ko te gata aia o he ki'i fakamatala o 'uhiga mo te tano o Niuvalu. Ka ne'e tо̄ hala, koutou fakalelei mai pe ki ai.

04/08/2026

Faka malo lahi atu ki siou potu Patita Muni kafotekuli ki si au vaevae mai pe nai u ki paaki afea .

Malo

03/08/2026

Malo kaiga ote pasina , e toe hoko atu pe si tufaki o hina u suvenia ote Aliki hau kulimoetoke ia ta'u afea , e tu'u atu heni Si aliki hau Tomasi kulimoetoke mo siona ki famili ,eau fakalelei atu ki si koutou e toto ,kae kohe ki gata'aga pe aeni o hina ki paaki ne kita hapae mai pe i ihi u ki pasina. Paaki taulekaleka mo faka galo gataa ki si koutou famili kulimoetoke .

Malo.

03/08/2026

Malo kaiga muli ote pasina nei , faka amu e koutou lelei fuli pe, kae hoko atu ai pe si aga mahani ote pasina nei, si tufaki atu o nai u suvenia o na'i u temi afea temi aulo aia ote mauli, koutou mamata mai ki si faifaitahi ote fenua ka hoko hina logo mamahi o uhiga mo he tagata Aliki ia temi afea . E uluaki atu pe nai u fakalelei fuli ki si famili o si tagata aeni nee aoga lahi ki si fa'u ote fenua Kivalu Paino tuugahala ki siaku fia hau pe o toe tufaki mai si koga nei , o toe faka tupu laga laga manatu atu ki si koutou koutou faka molemole mai , kae kua matalelei mai pe si fakatahi koia aeni nee kita fia faiga pe ke tuku ifo i heni mo faka haha mai kite taiake foou si'u faahiga faka tuutuu o si agaifenua o tatou , ke natou iloa pea mo loto malohi o taupau o taluaki o heegata i nai u loto fuli pe .

Malo

03/08/2026

Koena kaiga o uvea mo futuna e muli mai i si pasina nei , na'i u suvenia ote temi afea , e tuu i heni si o tatou aliki hau Tomasi Kulimoetoke pea tafa kiai si tagata aeni ko Lagikula falakiko sosimo iloai . Paaki taofi ne vaevae tonu mai pe e hina fanau , e fai atu heni haku faka malo kia koena Lya lagikula finau siou ofa mo siau fia tokoni mai pe kite faka fonu ote pasina nei aki ni u suvenia taulekaleka . Ka iai hina tahi e mamalama ki hina u ki isitolia ote potu aeni kua tuku atu si faiga malie keke hau pe o faka matala pea e matou fakalogo atu.

Malo.

02/08/2026

Kote vaka nei ote Association culturelle Utuleve nee ta tonu mai pe ite ki kolo ko saumur i falani nei , pea ko si kii vaka nei kei lavaki uhi he nee hoki faka tu'u heki faa fualoa ite aho 10 o sunio 2026 , koia e faka ha atu pe kite kilisitiano e nofo ovi mai ki saumur pe ko loto saumur tonu e fia kauga folau ite vaka nei , e ava atu pe si ki vaka o Utuleve kite hahai fuli pe e fia kau mai kite aalo ote vaka nei he kei maha ia . Kae mole au tuania kote falala pe mote tui ko mea fua e faka alu alu pe o fealagia mo lavai ite ofa mote tokalelei .Koia aeni kaiga kote ta'u kahau aho 7 o maio 2027 e faka katoa leva kiai si ta'u 20 si kua manuka o si aliki hau Tomasi kulimoetoke. Koena la tafito si tupuaga ote lagai ote ki kautahi, kote ta'u kahau aho 7 o maio 2027 e uluaki faka manatu anai e te Association Culturelle Utuleve ite kolo ko saumur si aho mamalu aia, pea kote aho 7 o maio ote ta'u fuli ae kua to kiai si filifili ote potu nei ke fai kiai si aho faka manatu ki si hau kulimoetoke, kohe ki aho pe e tahi mo fakamanatu pea mo liufaki age pe ki o tatou u kui nai u fakafetai mo ofa kia lelei ote temi kua olo kae tou maulii . Pea kote polokalama ote aho mamalu aia kei lolotoga siona faka tu'utu'u kae hoki tukutuku mamalie atu pe ni logo o uhiga mo koga fuli ka kua tokalelei . Kaiga mole aoga hotatou too kovii mo lea kona ki si potu nei ka faka hoko he mole kohe koga mo faka tupu maveu kailoa , logo loto pe i tou loto tokotahi he mahalo ne tou tutupu age mo logo pe ki hina u ki tokoni mai ni u kui koia utaki nai u ki lea masiva aia o siu kui he kote u lea ne tonu , u lea kua liliu ite temi nei kohe malama mo inaina o tatou nei kua alu ke tou he ite u koloa faka malama kae mole aoga mai ki o tatou mauli he ko koloa faka temi mo faka puli atamai , tou manatui tu'umau e tou manuia mo alikisia i aeni mauli ite u koloa ofa nee tuku mai e a tatou u kui mai te agaifenua kite kele .

Malo