Consulat du Peuple bélarusse à Nice

30/05/2026

28/05/2026

🇮🇹 Міжнародны кірмаш у Мілане

У рамках культурнай дыпламатыі, пры падтрымцы Народных амбасадаў Беларусі, беларускія ініцыятывы і майстры прымуць удзел у міжнародным кірмашы «Artigiano in Fiera».

Беларускую культуру і рамяство на кірмашы ў Мілане прадставяць беларускія асацыяцыі і праекты з розных краін:
🇮🇹 TALAKA
🇫🇷 RODNY KRAÏ
🇱🇹 GUDŲ IDÉJŲ JŪRA

Запрашаем наведаць стэнд і падтрымаць беларускую супольнасць!

📍 Мілан, Artigiano in fiero
📆 з 29 траўня па 2 чэрвеня
🎫 Уваход вольны (па рэгістрацыі на сайце кірмаша)

Народныя амбасады | Ананімны зварот | Падтрымаць нас

03/05/2026

Беларуская культура ў замежжы працягвае гучаць моцна і сучасна.

Беларуска Яна Гульцяева выдала свой дэбютны раман Linea lateralis, а ў 2024 годзе кніга была адзначана дадатковым прызам літаратурнага конкурсу Экслібрыс, прымеркаванага да 100-годдзя Васіля Быкава.

Гэта яшчэ выдатны прыклад таго, як беларуская культура жыве, развіваецца і знаходзіць свайго чытача незалежна ад межаў.

Фрагмэнт раману: https://bellit.info/roznaje/frahmjent-debjutnaha-ramana-jany-hulcjajevaj-chytac.html

Сябры, вы можаце набыць дэбютны раман Яны Гульцяевай « Linea lateralis ». Аўтарка жыве і працуе ў Францыі.

Падтрымайма нашых мясцовых творцаў і чытайма свежае, беларускае 🙏 ❤️

✍️ Пра аўтарку і яе кнігу пісалі на bellitinfo.

Напішыце ў каментары, калі вы хочаце замовіць кнігу — звяжамся з вамі. Кошт : 14 € + дастава. Высылка праз Mondial Relay.

Фота : тг-канал bellitinfo

17/04/2026

Што чакае ўдзельнікаў V Канферэнцыі беларусаў і беларусак свету? Праграма мерапрыемства

1–2 траўня ў Варшаве пройдзе V Канферэнцыя беларусаў і беларусак свету. Сёлета праграма пабудаваная вакол таго, што найбольш хвалюе беларусаў і беларусак замежжа: супольная ідэнтычнасць, практычны досвед дыяспараў, супрацоўніцтва і пошук агульных рашэнняў.

Генадзь Коршунаў, кансультант Офіса Святланы Ціханоўскай і адзін з каардынатараў праграмы Канферэнцыі:
«Перш за ўсё праграма пятай канферэнцыі — гэта словы дыяспараў. Пры фарміраванні праграмы гэтага года мы кіраваліся двума прынцыпамі: максімальна арыентавацца на галасы менавіта беларусаў замежжа і зрабіць змест непадобным на «сухія» фарматы звычайных канферэнцыяў.

У тэмах і напрамках мы хацелі сканцэнтравацца на выкліках і поспехах беларускай дыяспары, каб маштабаваць паспяховыя кейсы і выходзіць на агульныя шырокія праекты.

Мы вельмі хацелі б, каб у гэтым годзе ўдзельнікі канферэнцыі не толькі выказваліся і займаліся нэтворкінгам, але і выйшлі на канкрэтныя прадукты: не толькі знаёмствы, але і дамоўленасці, не толькі ідэі, але і праекты».

1️⃣ Першы дзень канферэнцыі будзе прысвечаны знаёмству, асэнсаванню сябе як супольнасці і абмену досведам. У праграме:
– размова пра тое, кім сёння з’яўляюцца беларусы замежжа;
– прэзентацыя даследавання пра колькасць беларусаў і беларусак у краінах Рады Еўропы;
– пітч-маркет паспяховых кейсаў дыяспараў;
– дэбаты пра ролю Каардынацыйнай Рады для беларусаў замежжа.

2️⃣ Другі дзень будзе больш практычным. Удзельнікі абмяркуюць:
– палітычную адвакацыю і магчымасці супрацоўніцтва з мясцовымі ўладамі і палітыкамі;
– пазнаёмяцца з праектам «Мэпінг праблемаў беларусаў замежжа»;
– будуць працаваць у тэматычных групах над канкрэтнымі пытаннямі, сярод якіх — бяспека і супрацьдзеянне транснацыянальным рэпрэсіям, захаванне беларускай ідэнтычнасці, рэпутацыя беларусаў у прымаючых грамадствах і агульнанацыянальныя праекты дыяспары.

ПОЎНАЯ ПРАГРАМА МЕРАПРЫЕМСТВА: https://tsikhanouskaya.org/be/event/iv-kanferencyya-belarusau-i-belarusak-svety

🔗Рэгістрацыя на канферэнцыю: https://docs.google.com/forms/d/e/1FAIpQLSeT5tCM920zeIctMUxNa7Bef-SJc9eFxt5XOOK049UYzQfaHg/viewform
📌Рэгістрацыя для медыя: https://docs.google.com/forms/d/e/1FAIpQLSfqxQIKrenEGkAdg-wDMwpsC4rbchic9ipdmnFHVvp2MB2mSQ/viewform

05/04/2026

Са святам!

31/03/2026

28 сакавіка ў галерэі SPACE ў Saint-Paul-de-Vence прайшоў урачысты вернісаж выставы “Tales & Stories”, арганізаванай Народным консульствам Беларусі ў Ніцы ў партнёрстве з La Ligue de la Fraternité і галерэяй SPACE.

31/03/2026

28 сакавіка ў галерэі SPACE ў Saint-Paul-de-Vence прайшоў урачысты вернісаж выставы “Tales & Stories”, арганізаванай Consulat du Peuple bélarusse à Nice ў партнёрстве з La Ligue de la Fraternité і галерэяй SPACE.

У гэты вечар разам сабраліся больш за 40 беларусаў і французаў — сябры, партнёры, прадстаўнікі мясцовай супольнасці, людзі мастацтва, а таксама ганаровыя госці, чыя прысутнасць надала падзеі асаблівую вагу і сэнс.

Для нас было вялікім гонарам прымаць Frédéric Petit, дэпутата Нацыянальнага сходу Францыі, які ўжо даўно і паслядоўна падтрымлівае беларусаў і дэмакратычныя сілы Беларусі. Сваёй прысутнасцю нас ушанаваў таксама Leanid Marozau, дарадца па юрыдычных пытаннях Святланы Ціханоўскай. Асабліва цёпла мы былі рады вітаць мэра Сен-Поль-де-Ванс Jean-Pierre Camilla, а таксама прадстаўнікоў яго каманды, чыя ўвага да выставы і ўдзел у вернісажы сталі важным знакам адкрытасці, павагі і сапраўднага дыялогу.

Вернісаж стаў не проста адкрыццём выставы, але сапраўднай сустрэчай розных светаў і досведаў — беларускай памяці і французскай культурнай прасторы, асабістых гісторый і еўрапейскай салідарнасці, мастацтва і грамадзянскай прысутнасці.

І, безумоўна, асобнай зоркай вечара стаў торт-карціна. Пастаўлены на мальберце, ён выглядаў як сапраўдны жывапісны твор — настолькі тонка, дакладна і мастацка быў выкананы гэты цудоўны trompe-l’œil. Калі гасцям распавядалі, што перад імі не карціна, а торт, амаль кожны спачатку не мог паверыць і рэагаваў з сапраўдным захапленнем. Гэты неверагодны салодкі твор не толькі ўпрыгожыў вечар, але і надаў яму асаблівую магію, урачыстасць і элемент цуду, які ўсе яшчэ доўга будуць успамінаць.

Выстава “Tales & Stories” працягвае працу да 2 красавіка 2026 года.
Запрашаем усіх, хто яшчэ не паспеў, наведаць яе ў галерэі SPACE ў Saint-Paul-de-Vence.

#ДзеньВолі #НароднаеКонсульстваБеларусіўНіцы #НародныяАмбасадыБеларусі