30/06/2026
❤️ მადლობა ამ დაუვიწყარი საღამოსთვის! 🇬🇪🇫🇷
2026 წლის 20 ივნისი ქართულ-ფრანგული ასოციაცია „ერთობა“-ს ისტორიაში კიდევ ერთ გამორჩეულ და დაუვიწყარ დღედ დარჩება.
გულითად მადლობას ვუხდით თითოეულ სტუმარს, რომელმაც ეს ლამაზი საღამო ჩვენთან ერთად გაიზიარა. თქვენი დასწრება, გულწრფელი ემოციები და თბილი აპლოდისმენტები ჩვენთვის უდიდესი მოტივაცია და ძალაა.
განსაკუთრებულ მადლობას ვუხდით ქართული ხალხური სიმღერის ანსამბლ „ხარებას“, რომელიც სპეციალურად საქართველოდან გვეწვია და თავისი უბადლო შესრულებით ჩვენი საღამო კიდევ უფრო შთამბეჭდავი გახადა. ჩვენთვის დიდი პატივი იყო თქვენი მასპინძლობა. მადლობა იმ სიყვარულისთვის, პროფესიონალიზმისა და სითბოსთვის, რომელიც თითოეულმა თქვენგანმა გაგვიზიარა. გულით გვჯერა, რომ ეს მხოლოდ ჩვენი მეგობრობის დასაწყისია და მომავალში კვლავ შევხვდებით ერთმანეთს, უკვე სრული შემადგენლობით. ❤️
განსაკუთრებულ მადლობას ვუხდით ქართული ხალხური ცეკვის ანსამბლ „იბერნი“-ს თითოეულ მოცეკვავეს, მათ მშობლებსა და პედაგოგებს: ანა შავთვალაძეს და პაატა ასაბაშვილს, რომელთა თავდადება, პროფესიონალიზმი და დაუღალავი შრომა ქმნის იმ შედეგს, რომელსაც სცენაზე ვხედავთ.
განსაკუთრებული მადლობა ჩვენს უხუცეს მოცეკვავეს, ბატონ ნუგზარ ურიდიას, რომელმაც თავისი ღირსეული გამოსვლით ეს საღამო კიდევ უფრო შთამბეჭდავი და დასამახსოვრებელი გახადა.
უღრმესი მადლობა ჩვენს შესანიშნავ წამყვანებს: ქალბატონ ხათუნა გურგენაძეს და სონია გორდულავას.
გულწრფელ მადლობას ვუხდით ასოციაციის თითოეულ წევრს, მოხალისესა და ყველა იმ ადამიანს, ვინც ამ კონცერტის ორგანიზებაში მონაწილეობდა. თქვენი თავდაუზოგავი შრომის, ერთგულებისა და სიყვარულის გარეშე ასეთი მასშტაბური ღონისძიების განხორციელება შეუძლებელი იქნებოდა.
განსაკუთრებული მადლობა ჩვენი ულამაზესი კოსტიუმების შემქმნელებს : ქალბატონ ლელა ლაბაურს, სოფიო მაჩალაძეს, სალომე მჭედლიშვილს და ეკატერინე ნატროშვილს, რომლებმაც დიდი სიყვარულითა და პროფესიონალიზმით შექმნეს თითოეული სამოსი, რომელმაც ჩვენი სცენა კიდევ უფრო გაალამაზა.
განსაკუთრებული მადლობა ქალბატონ ნინო შარიქაძეს და ქალბატონ ნინი ჭურაძეს, ასოციაციის მხარდაჭერისა და გვერდში დგომისთვის.
წლებია, ქართულ-ფრანგული ასოციაცია „ერთობა“ სიყვარულით, ერთგულებითა და დიდი პასუხისმგებლობით ემსახურება ქართულ კულტურას, ზრუნავს მომავალ თაობაზე და ქმნის სივრცეს, სადაც ქართული ენა, ტრადიციები და ეროვნული იდენტობა ცოცხლობს და მომავალ თაობებს გადაეცემა.
ეს საღამო კიდევ ერთხელ გახდა იმის დასტური, რომ კულტურა აერთიანებს ადამიანებს, ამყარებს მეგობრობას და სამშობლოსთან კავშირს კიდევ უფრო აძლიერებს.
ეს მხოლოდ ჩვენი პირველი ნაბიჯია დიდ სცენაზე. გვჯერა, რომ წინ კიდევ მრავალი წარმატებული პროექტი, ახალი შეხვედრები და დაუვიწყარი საღამოები გველოდება.
მადლობა, რომ იყავით ამ ისტორიის ნაწილი. 🙏🏻❤️
