10/12/2025
ӨВӨРМОНГОЛЫН ЖҮЖИГЧИН Б.БААСАНЖАВ МОНГОЛД АМЬДРАХААР БОЛЖЭЭ
“Чингис” хааны дүрд тоглосон ӨМӨЗО-ны жүжигчин Б.Баасанжав гэр бүлийн хамт Монголд амьдрахаар иржээ.
“Чингис хаан”-ы дүрд тоглосон болохоор архи ууж, хүнтэй муудаж, муу муухай явах эрх надад байхгүй, учир нь хүмүүс намайг “Чингис хаан” гэж харах учраас хэмээж байсан ӨМӨЗО-ны жүжигчин Б.Баасанжав хоёр охин, эхнэрийн хамт Монголд байр авч, ирэн очин амьдрахаар болсон гэнэ. Учир нь түүний том охин Монголд СУИС-ийн дуулаачийн ангийг төгссөн учир охиноо дагаж, Монголд суурьшиж байгаа гэнэ.
Жүжигчин Б.Баасанжавыг Чингис хаан хэмээх түүхэн киноны Чингисийн дүрд тоглосон гэдгээр нь үзэгчид андахгүй билээ.
Эхлээд түүнийг Зэвийн дvрд тоглуулахаар хуваарилсан байжээ. Чингисийн дvрд тоглох хүсэлтэй Хятад, Монгол, Японы нэртэй 10 гаруй жvжигчнээс найруулагчийн сэтгэлд яв цав таарах хvн хараахан олдоогvй тул киноны продюсер нь Баасанг «Зүүн зvгтээ буцсан баатруудын тууль»-д чадварлаг тоглосон хэмээн танилцуулж, түүнийг туршиж vзэхийг санал болгосон байна. Тухайн vед Б. Баасан 40 гарчихсан байсан болохоор найруулагч 20 настай Тэмүүжингийн дvрд тоглож чадах эсэхэд эргэлзэж байжээ. Нүүр хувиргасны дараа идэр залуу, цог золбоотой хєвгүүний дvрд хувилж чадсаныг хараад сэтгэл шулуудсан гэдэг.
Баасан кино зохиолыг ердөө хоёр хоногт уншиж дуусгаад түүхийн холбогдол бvхий ном зохиол, Чингис хаантай холбоотой баримт судлаад, хууч домгийг сонсож явсан монгол vндэстний хувьд түүнийг таньж биширсэн сэтгэлээ тоглолтдоо шингээж, амьд бодитой, хvсэл тэмүүлэлтэй хааны дvрийг бvтээхээр чармайжээ. Нvvр хувиргасны дараа аппаратын өмнө зогсуутаа өөртөө улам итгэлтэй болж, өөрийгөө Богд эзэн Чингис хаан мөн гэж боддог байлаа гэж Өвөрмонголын нэгэн сэтгүүлд өгсөн ярилцлагадаа дурьдсан байна.
