Lêlûn - ليلون

29/09/2026

أصدر منتدى العدالة والحقيقة والإنصاف تقرير الرصد الأول لمسار العدالة الانتقالية في سوريا، والذي يغطي الفترة بين ١ أيار و٣١ تموز ٢٠٢٦.

يرصد التقرير مرحلة تأسيسية مهمة لمسار العدالة الانتقالية، بما يشمل تطور العمل المؤسسي، والنقاش حول قانون العدالة الانتقالية، والإجراءات القضائية الأولى، وتزايد انخراط الضحايا والمجتمع المدني.

وفي الوقت نفسه، يسلط التقرير الضوء على قضايا أساسية يجب معالجتها لضمان مسار شامل ومتمحور حول الضحايا، من بينها:

تعريف شامل للضحايا ونطاق العدالة الانتقالية؛
مشاركة فعلية ومؤثرة للضحايا وأسرهم والمجتمع المدني؛
كشف مصير المفقودين وحماية بيانات أسرهم؛
ضمانات المحاكمة العادلة وحماية الأدلة والأرشيفات؛
وضوح العلاقة والتنسيق بين المؤسسات المختلفة؛
إدماج الجندر والجغرافيا والفضاء المدني في تصميم المسار.
ويوصي التقرير، من بين أمور أخرى، بنشر خارطة طريق واضحة لمسار العدالة الانتقالية واعتماد سياسة مكتوبة وشفافة للمشاركة والمشاورات، وتعزيز التواصل العام حول الولايات والأولويات والإجراءات.

هذا التقرير هو دورة الرصد الأولى للمنتدى، وسيشكل نقطة مقارنة لمتابعة تطور المسار خلال المراحل المقبلة.

📄 التقرير الكامل: https://jfl.ngo/s/11

#سوريا #المفقودون #المساءلة #منتدىـالعدالةـوالحقيقةـوالإنصاف

06/09/2026

رداً على الأخبار المتداولة حول تحويل مطار المزة العسكري إلى مطار مدني يخدم الطيران الخاص، تؤكد روابط ميثاق الحقيقة والعدالة أن رفضها لهذا الإجراء لكون الموقع يرتبط بذاكرة آلاف السوريين/ات، وبشهادات عن الاعتقال والتعذيب والاختفاء القسري.

وتؤكد روابطنا أن أي تغيير لاحق في وظيفته يجب أن يراعي حقوق الضحايا وأسر المفقودين/ات، ويحمي الأدلة، ويضمن عدم طمس معالم الجرائم أو تعطيل مسارات الحقيقة والعدالة الانتقالية.

#دمشق #سوريا ً

04/09/2026

تتابع روابط بقلق بالغ تكرار حالات القتل تحت التعذيب في أماكن الاحتجاز في #سوريا.

نطالب بوقف الاعتقال التعسفي والتعذيب، وإجراء تحقيقات مستقلة وشفافة، ومحاسبة كل من تثبت مسؤوليته، وضمان الرقابة المستقلة على أماكن الاحتجاز، وترسيخ استقلال القضاء وسيادة القانون.

من ذاكرة الضحايا، نتمسك بحق الجميع في الكرامة والحرية والعدالة.

🔗 للاطلاع على البيان كاملاً، اضغط ع الرابط ⬇️

تتابع روابط ميثاق الحقيقة والعدالة بأسى وإحباط بالغين أنباءً تفيد تكرار حالات قتل تحت التعذيب على يد أجهزة إنفاذ القانون السوريّة، عبر سلسلة وقائع مؤكَّدة طالت ن.....

03/09/2026

رسالة من دعاء (اسم مستعار) إلى زوجها المخفي قسراً منذ ثماني سنوات على يد الجيش الوطني.

“من سنة 2018 وأنا عايشة على أمل إنك ترجع… كنت حامل ببنتنا بشهرين يوم غبت، واليوم صار عمرها 8 سنين، وكبرنا سنة ورا سنة وإنت غايب عنا.

بنتنا كبرت وهي ما بتعرفك، ما شافت حنانك ولا عاشت وجود الأب بحياتها. وكل ما تشوف بنوتة مع أبوها بتسألني: "ماما، أنا وين أبي؟ ليش الكل عندن أب وأنا ما عندي؟"

ما بعرف شو بدي جاوبها، ولا مرة لقيت طريقة إقدر أشرح لطفلة صغيرة إن أبوها مفقود من قبل ما تولد، وإنها انحرمت من حضن وحنان الأب من غير ذنب؟

يمكن هي ما بتعرفك، بس قلبها مشتاق لأب ما عاشت معه يوم واحد… وأنا كل يوم بشوف هالحرمان بعيونها وقلبي بينكسر.
بس تشوفها رح تحبها كتير… كتير انتظرتك… سنين انتظرتك
سنين وأنا بين الأمل والخوف، وكل يوم بقول يمكن اليوم يكون خبرك، يمكن تفتح علينا باب وترجع.

كل يوم أنا وهي مندعي قبل ما ننام "يا رب طمّن قلبنا عليه، وردّه إلنا سالم، وخليه يشوف بنته" لأن الانتظار بلا جواب صار وجع عمر كامل.”

01/09/2026

من بيان ريحان، إلى أخيها خليل ريحان، المفقود لدى النظام السابق.

"سلامات والله...
اشتقتلك كتير… بتعرف هي جملتي يلي ما حدا بيحكيها غيري بالعيلة، عندي كومة اخبار بدي احكيلك ياها... الحق عليك انت طولت وراكمت السير ع حالك… وإنت أكتر حدا بتعرف إنو قصص عيلتنا ما بتخلص ...

هلأ اول شي حزير وين أنا عايشة؟ .. بألمانيا ... لك إي لا تستغرب وتضحك! بعرف انك عم تضحك!
تتذكر لما كنت بكالوريا و اجو جماعة يخطبوني وابنهن كان بالسعودية و بابا رفض؟ لأن قال شو؟؟ ما بيجوز بنته على الغربة هههههه اي بنته صارت بآخر الدنيا!!
أما كيف صرت بألمانيا، فبقى قصة طويلة… وحدة من قصص كتار عم جمعلك ياهن من لما طلعت من اعتقالي وعرفت باعتقالك. كتبتلك كتير، كتبتلك عن رجعتي للمشفى الميداني وعن مشروع اقرأ الي عملتو أنا ورفقاتي، عن المجلس المحلي، وعن كتير شغلات تانية… كتبتلك عنها عالوتساب، وما بعرف اذاوصلوك أو لأ، بالمناسبة... انا كنت كل يوم خاطر و اطلع افتح نت من على سطح البيت مقابل القناص مشان اكتبلك وخبيلك كل شي… بكل الأحوال، ما ضل عنا لا سطح، ولا بيت…
اي يا اخي… تحاصرنا سبع سنين، بس متل ما وعدتك، حافظت على ولادك بعيوني و عملت جهدي ما يأثر عليهن الحصار.. كنت عم شوفك بعيون ابنك و هو عم يكبر .. تتذكر لما كان صغير وقلتلي ما مصدق ايمت يقلي بابا...؟؟! شوفه صار شب وبيقص سير، وروحه حلوة متل روحك ... يالله شو بيشبهك، الخالق الناطق، بس شعراته مو متل شعراتك…
بعد الحصار تهجرت للشمال، وما الشي الوحيد الي اخدتو من البيت كان صورتك تبع امتحان الثانوية وخبيتها معي، ولهلأ لساها معي...
طلعت فيها للشمال وبعدها كفيت تركيا و بعدها ألمانيا... أنا يلي كنت ما اتخيل اني اقدر عيش برا دوما، طلعت، وقدرت، وعشت…. ولما وصلت المانيا تزوجت.
بألمانيا صرت شوفك كل يوم بمنامي وحس فيك أكتر... البلد و القصص يلي بتصير كل يوم كانت عم تنسيني وجعي... بس الغربة ذكرتني بكل تفصيل عشناه سوى…
تذكرت قديه كنت تحب المحلاية بس ماما ما عملت لك ياها لان ما بتعرف تطبخها ... تعلمتها وعملته، واستنيتك تجي وتدوقها... سامعتك عم تضحك عليي ..اي انا يلي ما كنت فوت المطبخ صرت اعرف اعمل اكلتك المفضلة المحلاية... والفاصوليا الخضراء يلي بحبها انا و بتكرهها انت صرت أطبخها كل ما حس حالي اشتقتلك مشان جاكرك…
الخبر يلي كنا عم نسنتناه صار، سقط الأسد…!!!
حسيت بالفرحة للحظات بسقوطه.. كنت مؤمنة انه حيسقط و كنت ناطرة يفتحوا الثوار باب المعتقل و يطالعوك... بس ما طلعت ووقف كل شي عند هي اللحظة رجعت للبلد دورت عليك و ما شفتك حاولت كتير وما لقيت خبر.. رجعت لبيتنا لغرفتنا... ولقيت ابنك اخد سريري... كل الحق عليك انت قلتله لما كان صغير شو بدك بتاخدو من عمتك و هو عمينفذ وصيتك بالحرف.. مو مكذّب خبر…. يا الله وقت بيضحك شو بيذكرني بضحكتك...
لما يئست إني لاقيك ما عرفت شو اعمل… فقمت طبخت محلاية، وحبوها ولادك كتير… حبتها زين وجود وابوك كمان كتير حبها وغيا.. وتذكرناك وحكينا عنك قديه بتحبها... حسيتك اكلت معنا... بس انا ما قدرت اكل شي.
تاني يوم مرضت و اخدني ابنك على الدكتور... حاول يسأل شبني، ليفهم شو سبب المرضة، ما عرفت جاوبو… كتير صعب قله شو حسيت… وما لقيت حالي غير رايحة عالبرية تبعنا، وعلى الغرف يلي عمرناهن، شفت بقايا بير المي الي هدمو النظام، شفت الحيطان يلي تشققت من الضرب، وهنيك رجعت وعدتك انه حنرجع نوقف على رجلينا من جديد، ونرجع نكمل مشروعك يلي بلشت فيه، بس هالمرة انا وابنك... وبس تجي، أمرنا لـ الله، حنسلمك الإدارة مشان تتغالظ علينا وتعمل علينا معلم، ونرجع نضحك كتير… متل أول… لأنو كلشي منك يا محلاه… لأنو منحبك... يالله شو اشتقت حاكيك يا اخي ... يا الله شو اشتقت قول كلمة اخي ... الكلمة يلي انحرمت منها بغيابك…

أوعى تفكر للحظة انه صوتك نسيته أو اني نسيت التفاصيل يلي عشناها ... إنت مو بالبال ... إنت الحياة كلها"

31/08/2026

في صباح عودتك ماذا سنقول لأحبّائنا المفقودين-ات لو عادوا الليلة، وناموا في أسرّتهم، ثم جلسنا معهم في صباح اليوم التالي على فنجان قهوة؟

في اليوم الدولي لضحايا الاختفاء القسري، نشارك رسائل كتبتها وسجّلتها عائلات المفقودين والمفقودات، متخيّلةً الحديث الأول بعد العودة: ما الذي تغيّر؟ من كبر؟ من رحل؟ ما الذي بقي في مكانه؟ وكم مرة كانوا حاضرين رغم الغياب؟

خلال الأيام المقبلة، ننشر هذه الرسائل كما أراد أصحابها وصاحباتها أن تُسمع، بأصواتهم-ن ولهجاتهم-ن وكلماتهم-ن.

30/08/2026

تثمن جمعية #ليلون للضحايا إطلاق برنامج «أثر» من قبل الهيئة الوطنية للمفقودين كآلية موجهة لاستقبال بلاغات ومعلومات المفقودين والمفقودات، وتراها خطوة جوهرية نُحو الاستجابة لحق العائلات الأصيل في معرفة الحقيقة.

ونأمل أن يؤسس البرنامج منهجية توثيق مهنية وآمنة، تحفظ كرامة الضحايا وذويهم، وتسهم في بناء قاعدة بيانات وطنية جامعة تعالج هذا الملف الإنساني وتمهد الطريق لإنهاء معاناة الأسر وتحقيق العدالة.

#ليلون

30/08/2026

كشف مصير المخفين والمخفيات قسرياً حق لا يسقط بالتقادم، ومعرفة الحقيقة حق أساسي لا يمكن التنازل عنه.

لا عدالة دون كشف المصير، ولا إنصاف دون الحقيقة.

19/08/2026

عقب توقيع مذكرة تفاهم بين جمعية ليلون للضحايا و المؤسسة المستقلة المعنية بالمفقودين. نظمت الجمعية مع المؤسسة أولى جلساتها الحوارية، افتراضياً، والتي جمعت المؤسسة وعائلات المفقودين/ات من أبناء منطقة #عفرين السورية؛ وذلك في خطوة عملية تهدف إلى مناصرة قضايا #الضحايا و ذويهم/ن.

شهدت الجلسة نقاشاً مكثفاً سلط الضوء على أبرز الاحتياجات والأولويات الملحة للأهالي، وكان في مقدمتها كشف المصير من خلال التأكيد على الحق الأساسي في البحث عن المفقودين ومعرفة أي معلومات تخصهم، إلى جانب الدعم و الوقوف على احتياجات عائلات المفقودين/ات، ولا سيما الأطفال والنساء الذين باتوا بلا معيل.

من جانبها، أكدت المؤسسة التزامها الكامل بمتابعة القضايا المطروحة والعمل على الاستجابة لهذه الاحتياجات ضمن مسار عملها القادم، فيما تستمر جمعية ليلون في أداء دورها كجسر لنقل صوت العائلات والمطالبة بحقوقهم المشروعة.

المؤسسة المستقلة المعنية بالمفقودين في الجمهورية العربية السورية
Lêlûn - ليلون