11/08/2026
د اګست ۱۲مه د لمر تندر نیونې ورځ ده او دا چې تاسو چېرته یاست، او هغه به څنګه ننداره کړئ؟
د ۲۰۲۶ کال د اګست په ۱۲مه، سپوږمۍ به د لمر مخې ته په مستقیم ډول تېرېږي او د لمر یوه ننداره کوونکې بشپړه تندر نیونه به رامنځته کړي. د بشپړې تندر نیونې دغه محدوده او نرۍ لاره به له ګرینلنډ څخه د ایسلنډ له لارې تر هسپانیې پورې وغځېږي.
د بشپړې تندر نیونې په مسیر کې به د ورځې رڼا د لنډ وخت لپاره کمه یا تیاره شي، ځکه سپوږمۍ به لمر په بشپړه توګه پټ کړي او د لمر نازک بهرنۍ کړۍ، یعنې کورونا، به ښکاره شي. په مناسبو ځایونو کې به د بشپړې تندر نیونې پړاو یوازې څو دقیقې دوام وکړي؛ نو هره ثانیه به ارزښت ولري.
له دې محدودې لارې څخه بهر به د شمالي امریکا او اروپا په ځینو سیمو کې میلیونونه خلک بیا هم د لمر نیمګړې تندر نیونه وویني. خو دا چې د لمر څومره برخه به پټه وي، د سیمې له موقعیت سره به ډېر توپیر ولري.
تر ټولو مهم درس څه دی؟
یوازې څو کیلومتره واټن هم کولی شي د تندر نیونې د لیدلو تجربه په بشپړه توګه بدله کړي.
که تاسو د بشپړې تندر نیونې مسیر ته نږدې یاست، نو له همدا اوس څخه خپل پلان جوړول پیل کړئ. او د نیمګړې تندر نیونې پر مهال حتماً د لمر تندر نیونې لپاره تصدیق شوې ځانګړې عینکې وکاروئ؛ عادي د لمر عینکې د سترګو د ساتنې لپاره خوندي نه دي.
د اګست ۱۲مه ښايي د ۲۰۲۶ کال له هغو اسماني نندارو څخه وي چې هېڅکله به مو له یاده ونه وځي.
ژباړه : مهیدي
