📖Poètes-Essayistes-Nouvellistes occitans 📚PEN International
🌐 Occitan writers promoting literature & defending freedom of expression
✒️Per la literatura e la libertat d'expression
www.helloasso.com/associations/p-e-n-occitan-p-e-n-de-langue-d-oc (Poètes-Essayistes-Nouvellistes) International est une association mondiale d’écrivains engagés pour la liberté d’expression et la diversité culturelle et
linguistique, comme l'exprime son Manifeste de Girone promulgué en 2011. Sa section de langue d’Oc s'attache à faire que la langue d’Oc ou occitan, une des langues actuellement les plus menacées de la planète, soit effectivement reconnue comme l’une des importantes langues de culture du monde. (Poètas-Ensagistas-Novelistas) Internacional es una associacion mondiala d’escrivans engatjats per la libertat d’expression e la diversitat culturala e linguistica, coma o exprimís son Manifèst de Girona rendut public en 2011. Sa seccion de lenga d’Òc a per tòca de far que la lenga d’Òc o occitan, qu’es ara una de las lengas mai amenaçadas de la planeta, siá a de bon reconoguda coma una de las importantas lengas de cultura del mond. (Pouèto-assaiisto-nouvelisto) Internaciounau es uno assouciacioun moundialo d’escrivan engaja pèr la liberta d’espressioun e la diversita culturalo e lenguistico coume l’espremis soun Manifèste de Girona proumulga en 2011. Sa seicioun de lengo d’O a pèr toco de faire que la Lengo d’o o óucitan, qu’es aro uno di lengo li mai amenaçado de la planeto, siegue de bon recouneigudo coume uno di lengo impourtanto de culturo dóu Mounde. Lo PEN internacional es estat fondat en 1921 e s’es sempre fach conóisser per sas posicions cotatjosas contra las injustícias e l’escanament de las culturas minoritàrias o oprimidas. La reconoissença de l’importància de nòstra literatura nos a valgut d’èsser reïntegrats a l’unanimitat coma una de las 140 seccions del P.E.N. internacional, qu’es la granda fraternitat dels escrivans del mond, engatjada per la patz e la libertat d’expression. Los escrivans occitans del PEN, usatgièrs jornadièrs e exigents de la lenga d’òc, considèran qu’aicesta es un instrument d’expression d’una riquesa e d’una poténcia espectaclosas, que posa dins un passat prestigiós d’immensas potencialitats per se projetar dins la vida culturala del sègle XXI. La literatura es un luòc ont nòstra lenga viu intensament e batèga, e pòt far grelhar d’usatges novèls d’expression e de pensada, contribuissent a luchar contra lo perilh d’una lenga unica, portaira d’una pensada unica e d’un estequiment de la cultura umana. Nòstre combat es un combat pacific mas pinhastre per l’umanisme e la civilizacion, au travèrs de l’aparament de l’expression escricha e orala en lenga occitana.
