07/10/2026
« A la recèrca deus mòts desbrembats ! » A la recherche des mots oublié
Dimarç 9 d’octobre dab los ATP a l’escòla de Cossan :
- De 16 òras a 17 oras 30 :
Cors d’occitan (gascon e lengadocian) dab Marc Bristiel. Trabalh sus un texte pareishut dins lo jornalet titolat : « McDonald’s a l’assaut del Lengadòc rural » lo jornau Libération publica una analisi sus l’implantacion creissenta de Mc Donalds dins las zònas ruralas malgrat la resisténcia de quelques elegits . Texte en lengadocian de Ferriòl Massip.
- De 18 oras a 21 oras passadas :
En seguir, après lo cors, qu’èm partits « A la recèrca daus mòts oblidats » dab Patric La Vaud Locutors occitans qu’an popat la lenga tots petis o amoroses de la lenga nòstra an participat a aqueth trabalh de recèrca e de memori : que sisque lo gascon parlat au Grezet Cavanhan a Marmanda, a Cossan, lo reolés, lo bazadés vilatges , d’Olt e Garona o Gironda.
Una iniciativa que tots los presents an plan gostada ! Quin plaser de retrobar mots oblidats de se remembrar coma e quand èran emplegats ; Quinas risoleras !
E en gasconha coma bèth temps har, tota « corvada » tot trabalh tardiu s’acaba per un bon torin a l’alh, un chabròt, quauques cochonalhas (tripa, saucissòt, patè) beroias frutas du casau o rasims de la vinha e una còca a las nòses per acabar !
Una iniciativa que sera de segur renovelada lèu pramor , mots oblidats , que n’ia enquèra a descobrir !
Merces a tots los qu’an participat per tots ço qu’an aportat: que sisque mots, expressions, repoèrs, vin, cochonalhas, frutas, cocas, rires, risolets, sorrires o risetas .
Sonque la vòsta presença monstra que nostra berroia lenga es totjorn aqui !
