10/04/2024
Dachee cubbuu fi hammeenyan guutamtee keessatti osoo dhugaan ilmoon waaqaa bakka hin qabaannee beeytuu abarsii fi booyichi kee akkamin bakka argataf du'aa keetif Abartee, bootta yaa oromoo? Silaa booyichii fi abarsi kee bakka argata tahee maalif hanga har'aa booyichi kee, gaddi laphee kee capsuu, sirraa cituu dide? Kana maalif of gaafachuu dadhabdee? Sabni waan hanga har'aa godheen hin milkaayin maalif ammas homa kaleessa godhe irra deebi'a? boottee, abartee, boottee, abartee, boottee, abartee, qaroo ilmaan sabaa hedduuf boottee, abartee har'as booyaa fi abaraa jirta. Erga booyichi fi abarsi kee waa hin buufnee maalif boottee, abarta? Toftan qabsoo keetii booyichaa fi abarsa qofa moo maalinni waan isaa? Yoo toftaan qabsoo kee inni bofa mataa irra si taa'ee dhiiga sixuxuu ittin ofirraa buusuf karoorfattee booyichaa fi abarsa tahe maalif qaxalee ilmaan kee ofirraa ficisifta maalif hin dhiiftu? Maalif ofitti hammeessita? Maalif ofitti biibessita? Yooka qabsaayi yooka dhiisi gaafa nama gamtee callisani ilmaan itti guddifachuunis, humna itti horachuunis, gabnummadha kunis toofta qabsooti maalif borjaajofta? Hanga yoom warrii bakki irraa baatee hin beekamne du'a ilmaan qaxalee keeti bakka wallalchifti? Abbaa wallalchifte dhugaa awwalchifti? Ani si walin hin booyuu, ani si waliin hin abaaru, erga ajjeechaf na barbaadee ilmi abbaa kootis anaaf diina. Diina ammoo ilma abbaa kootiti jedhani mataa irratti hin baatan bobaa jala hin kaayatan. ilmi abbaa keeti ajjeechaf si barbaadu yeroo eeggata malee si ajjeesa. Ka si boochisaa jiru ilmaa abbaa keeti du'aaf si barbaadu fira godhattee matatti baatu keeti kuni dhaabatudha qaba. Ka si burjaajesse tokko kana diinni diina firas tahu halagaa, ijannoo kee jijjiiri yoo ijannoo kee jijjiirte booyicha kee dhaabdee diina firaa fi halagas boochisutti ceeta. Haqaa fi dhugaa ofii falmanii malee booyani abaarudhan hin argamu. Rabbis sababiifadhu hanga ati sababeefatteen siif tumsa. , .
