31/03/2026
Tá vit sóu at Krabbameinsfelagið lýsti við grannakaffi, hugsaðu vit í grunddeild í Fuglafirði, at vit, saman við næmingu- num, kundu samla pening inn til felagið.
Næmingarnir hava havt eina evnisviku, sum vit kallaðu: “Føroysk og støddfrøði vika”. Teir hava arbeitt í bólkum og hava verið sera ágrýtnir, tí hildu vit, at tað hevði verið stuttligt, at bjóða avvarandi til eina hugnaløtu, har tey høvdu høvi at síggja og hoyra, hvat næmingarnir hava arbeitt við, fáa ein drekkamunn og hava høvi at stuðla Krabbameinsfelaganum.
Evnisvikan:
Í føroyskum hevur 1. flokkur kvøði: “Veturin kom við kulda og kava” og “Burtur á heiði”. Tey hava eisini arbeitt við sanginum: “Í millum vøkur fjøll”, og kom Jógvan á Lakjuni at hugleiða og syngja fyri teimum tann síðsta dagin.
Í støddfrøði hava næmingarnir gjørt Minecraft sjálvsmynd, so har hava tey arbeitt við fýrakantum, og høvdu foreldur møguleika at keypa tær heim við.
Í føroyskum lýsti 2. flokkur kvæði Øskudólgur og sópingarkona við veggjarmyndum.
Í føroyskum hevur 3. flokkur gjørt stuttar filmar um Nykursvísu, sum vórða vístir í heimastovuni.
Í støddfrøði gjørdu 2. og 3. flokkur eitt “Dinoland”, har teir skuldu rokna út, hvussu stórt pláss hesir ymisku dinosaurarnir skulu hava, og hvussu nógv egg teir kunnu fáa.
Verkætlanin “Tann besti skúlin”, sum dreingirnir í 3. flokki hava gjørt, varð eisini at síggja, og ymiskt handarbeið, sum genturnar høvdu gjørt.
Vit vóru so heppin, at dagligi leiðarin hjá Krabbameinsfelagnum, Jansy Gaardlykke, kom og segði nøkur orð.
Vit gleddust um løtuna og at kunna geva Krabbameinsfelaganum bússurnar, sum Pætur Solmunde Leivsgarð handaði.
