MFS

06/05/2026

Námskeið um mentanarfundir í Suðurgrønlandi!
Forvitnast tú um mentanarfundirnar millum Grønland, Føroyum og Danmark? Vilt tú læra meira um, hvussu ein kan skapa størri skilna og meira javnvirði millum ung tvørtur um teimum trimum londunum? Og kundi tú somuleiðis hugsa tær at fingið (nýggjar) vinir úr Grønlandi og Danmark og lært meira um ríkisfelagsskapin?

Hvar og nær? Qaqortoq, Suðurgrønland, 15.-20. september 2026.

Umsóknarfreistin er tann 15. juni kl. 23.59. (donsk tíð)

🔗Les meira her: https://fo.sjomaq.org/tiltoek/namskeidh-um-mentanarfundir

13/04/2026

Setursgongan savnaði lesandi úr øllum landinum!

RTL skipaði fyri einum sera væleydnaðum tiltaki, sum veruliga setti sín dám á lestrarlívið í Føroyum. Skráin var fjølbroytt og spennandi, tí dagurin bjóðaði uppá samansjóving og møguleikan at hitta framtíðar arbeiðsgevarar, har ið Faroe5, Swangah og DJ Haraldsen seinni út á kvøldið fingu fjøldina at kóka, tá tey fóru uppá pallin.

Tiltøk sum hetta hava leingi verið saknað í føroyska lestrarumhvørvinum og góða undirtøkan hesaferð, vísir hvussu stórur tørvur er á slíkum átøkum.

Um tú ikki hevði møguleika at luttaka í ár, er allarhelst møguleiki aftur í 2027 ☺️ Um ikki annað, ber til at lesa greinina á Fjølnir, har Ráð Teirra Lesandi á Setrinum greiðir frá væleydnaða tiltakinum.

🔗

Setursgongan 2026 gjørdist eitt sera væl eydnað og livandi tiltak, sum savnaði lesandi úr øllum landinum til ein dag og eitt kvøld við felagsskapi, undirhaldi og góðum upplivingum.

07/04/2026

TILTAK!
Seinastu tíðina hevur spurningurin um framtíðina hjá Ríkisfelagsskapinum fylt nógv.

Føroyingar hava ynski um sjálvræði, og samstundis er øktur áhugi úr USA fyri Arktis og Norðuratlantshavinum. Hvørja ávirkan hevur hetta á framtíðina í Føroyum, um mann spyr tey ungu?

Tiltakið er ókeypis og verður í Norðurlandahúsið í Føroyum Hós. 09. apríl 2026, kl. 16.30

🔗

Kjak millum ung

01/04/2026

Vit hava skrivað eitt lesarabræv um, hvat Føroyar missa, tá ung flyta av landinum - og hvat kann gerast við tað!

Í stuttum vísa vit á 5 ítøkilig tiltøk, sum kunnu gera tað lættari og meira attraktivt at lesa í Føroyum.

🔗 finn lesarabrævið her:

Umleið 40% av hvørjum árgangi flyta av landinum tá tey skulu undir hægri lesnað. Bara helvtin kemur aftur. Sum samfelag missa vit við hesum bæði búskaparliga og mentanarliga. Vinnan missur serfrøði, bæði meðan tey lesandi eru undir lesnaði og aftanná lokna útbúgving. Føroys...

27/03/2026

ERASMUS+ ER EIN ÍLØGA Í FRAMTÍÐ FØROYA !

Lestrarpolitikkur fyllir nógv í valkjakinum í løtuni - og tað gleðast vit um. Men tað er eisini nú, at orð mugu gerast til handling!

Føroysk luttøka í Erasmus+ er eitt av hjartamálunum hjá Meginfelag Føroyskra Studenta. Nú nærkast 2028, tá nýggi fíggjarkarmurin byrjar, og tí er tað avgerandi, at politikarar seta ferð á arbeiðið, so Føroyar kunnu gerast partur av skipanini.

Limaskapur í Erasmus+ er neyðugur, tí:
🌍 dregur altjóða lesandi til Føroya og gevur føroyingum møguleiki fyri skiftislestur
🎓 styrkir lestrarumhvørvi, fakligt støði og altjóða samstarv
🤝 sterkari sambond tvørtur um lond - stimbrar lestrarumhvørvið
💰 gevur atgongd til fígging til bæði útbúgving og gransking

Samstundis kann tað gera Føroyar meira attraktivt sum lestrarland og styrkja bæði trivnað og fakligt støði á Fróðskaparsetur Føroya.

Hetta er ikki ein útreiðsla, men ein íløga í framtíð Føroya!

Vit hava skrivað eitt lesarabræv um málið, sum tú kanst lesa í fullari longd á in.fo
🔗 https://in.fo/news-detail/erasmus-er-ein-iloega-i-framtid-foeroya

Føroysk luttøka í Erasmus+ er eitt av hjartamálunum hjá MFS. Lestrarpolitikkur fyllir, tíbetur, nógv í valkjakinum í løtuni, og tað gleðast vit um.

15/03/2026

Kunnu vit styrkja Føroyar við ungdómi, útbúgving og gransking?

Vit duga væl at kappast í Føroyum, men ikki um okkara egnu ungu. 40 prosent av hvørjum árgangi fer av landinum at lesa, og bara helvtin kemur aftur.

Hvat skal gerast við hendan samfelagsliga og búskaparliga smeitin?

Altjóða tøl vísa, at hvør króna í hægri útbúgving og gransking gevur tríggjar aftur í skatti, arbeiðsmegi og haldføri.

Men hvat halda valevnini? Vilja tey gera íløgur í kampus, lestrarbýli og gransking – ella hava tey onnur boð uppá, hvussu vit vinna kappingina um okkara ungu og fremja meira nýskapan?

Kom á almennan valfund í Kongshøll á Vestaru Bryggju týsdagin 17. mars frá klokkan 16:00 – 18:00.

Tvey valevni fyri hvønn flokk luttaka undir kønari leiðslu av Óluvu Zachariasen, journalisti.

Fyriskiparar eru Meginfelag Føroyskra Studenta, Ráð teirra lesandi á Setrinum og Fróðskaparsetur Føroya.

Møtið fjølment!

🔗 https://www.facebook.com/share/1DNAhknM5M/?mibextid=wwXIfr

10/03/2026

Nú ber til at brævatkvøða til løgtingsvalið og vit mæla tí til at gera hetta sum skjótast! Sendistova Føroya í Keypmannahavn viðmælir, at man í seinasta lagi greiðir atkvøðu fríggjadagin 13. mars, soleiðis at atkvøðan kann sendast heima til valstøðini í Føroyum í góðari tíð.

Í Danmark kanst tú brævatkvøða á kommunukontórum. Set teg í samband við tína kommunu, um tú ert í iva um hvussu tú gert.

Ert tú uttan fyri Danmark, kanst tú brævatkvøða á føroyskum ella donskum sendistovum.

BRÆVATKVØÐUGREIÐSLA TIL LØGTINGSVALIÐ 2026

Frá mánadegnum 9. mars kl. 10 kunnu veljarar staddir í Danmark greiða brævatkvøðu til Løgtingsvalið 2026 á:

Sendistovu Føroya í Keypmannahavn
Strandgade 91, 4. hædd
1401 København K.

Atkvøðugreiðslan á sendistovuni heldur fram alla vikuna kl. 10-15.
Mælt verður til at greiða brævatkvøðu í seinasta lagi fríggjadagin 13. mars kl. 15, soleiðis at greiddar atkvøður kunnu sendast heim til valstøðini í góðari tíð.

LESANDI
Sum lesandi uttanlands hevur tú valrætt til Løgtingsvalið.
Fyri at koma á vallistan sum lesandi uttanlands, skalt tú lúka hesar treytir:
• Bústaðarkrav: tú hevur búð í Føroyum og hevur verið skrásett/ur í fólkayvirlitinum í minsta lagi 5 ár tilsamans.
• Tú skalt ikki hava havt tilhald uttan fyri Føroyar í meira enn 8 ár.
• Tú ert uttanlands í lestrarørindum.

Soleiðis gert tú:

Tú søkir um at sleppa á vallistan í tí kommunu, har tú seinast var skrásett/ur í landsfólkayvirlitinum. Fleiri kommunur hava sjálvgreiðslu á Vanganum, har tú kanst søkja um at fáa valrætt á Vanganum.

1. Rita inn á Vangan
2. Vel ta kommunu, tú búði í, áðrenn tú flutti uttanlands
3. Søk um atkvøðurætt til Løgtingsval

Um tín kommuna ikki er á Vanganum, skalt útfylla skjal 1, sum tú finnur handan leinkið til kunngerðina (sí fyrstu viðmerking til hetta uppslagið).
Eru ivamál skalt tú venda tær til kommunuskrivstovuna.

Gev gætur, at tú fært ikki nakað valkort sendandi, tá tú hevur søkt um upptøku á vallistan. Tú mást tí minnast til at hava samleikaprógv við, tá tú greiðir brævatkvøðu. Samleikaprógv kann annaðhvørt vera pass ella koyrikort.

SJÚKLINGAR
Sjúklingar og avvarðandi á Sjúklingahotellinum, kunnu harumframt greiða brævatkvøðu á Sjúklingahotellinum hósdagin 12. mars kl. 11-15.

Eru ivamál, ber til at ringja til okkara á tlf. +45 32 83 37 70.

Sendistovan ynskir øllum føroyingum eitt gott val! 🇫🇴 🇫🇴 🇫🇴

04/03/2026

SØK Í DAG!! søkjast skal í seinasta lagi 21 dagar áðrenn sjálvan valdagin.

Fyri at kunna atkvøða skalt tú vera á vallistanum og umsóknin skal verða kommununi í hendi seinasta lagi 21 dagar áðrenn sjálvan valdagin. Minst til at kanna upplatingartíðir!
Freistin er sera stutt, men tað tekur bert nakrar fáar minuttir at søkja og í hesum sjónbandinum vísa vit tær hvussu tú gert.

Tú hevur valrætt um tú:
• ert uttanlands í lestrarørindum
• hevur búð í Føroyum og verið skrásett/ur í fólkayvirlitinum í minsta lagi 5 ár tilsamans
• ikki hevur havt tilhald uttanfyri Føroyar í meira enn 8 ár

Gev gætur: Tá tú ert komin á vallistan kanst tú greiða tína atkvøðu. Tú fær tó einki valkort sendandi, so tí mást tú hava samleikaprógv við tær tá tú fert á Føroyska sendistovu ella kommunuskrivstovu, at greiða tína atkvøðu.

05/12/2025

Ert tú í Føroyum 12. desember? 👀
Ráð Teirra Lesandi (RTL) skipar fyri ordiliga hugnaligari jólaveitslu, har ið ØLL lesandi á hægri lestur eru vælkomin!

Tey bjóða tær eitt kvøld við góðum lagi, felagssangi, undirhaldi, góðum mati og eisini okkurt leskiligt at sløkkja tostan við.
Eisini verður møguleiki at vinna spennandi vinningar, spæla stuttlig spøl og bara njóta eina kvøldløtu saman við øðrum lesandi. Seinni bjóðar Punsj drykkjuvørur fyri sera góðan lestrarprís og DJ kemur at diska langt út á kvøldid 🎄

Tilmeldingarfreistin er longd til 7. december!

🎄✨ Jólaveitslan nærkast – og nú kunnu vit avdúka skránna! ✨🎄

Elisa Vang verður orðstýrari á kvøldinum, og Fríði Sigmundson fer at syngja fyri felagssangi og geva okkum eitt tónleikainnslag. Maturin verður frá Tatanka, og ein DJ kemur at diska upp seinni á kvøldinum – hvør tað verður, kunngera vit skjótt. Harumframt verða spøl og vinningar, so tað er nógv at gleða seg til!
Barrveitingin Punsj selur drykkjuvørur fyri sera góðan lestrarprís🍹
Dress code: Fínt og jólaligt ✨

Øll, sum melda seg til veistluna og deila uppslagið, eru við í luttakastinum um ein vinning 🎁

📌 Freistin at melda seg til er longd til 7. Desembur

Send mail til RTL, har tit skriva navn, árgang og flokk/útbúgving, tit lesa á.

Kostnaður er 200kr💸 - á kontunummarið 9181 6129309

Vit byrja kl. 19:00 tann 12. desembur í Auluni í Námsvísindadeildini – so kom við, njót eitt hugnaligt og festligt kvøld, og tak tað góða lagið við! 🎅🥂🎶

29/11/2025

Hvar gongur leiðin aftaná miðnám? 📚

Nógvir eru møguleikarnir! Á Markleys Útbúgving 2025 kundu miðnámsskúla næmingar hoyra framløgur um útbúgvingarmøguleikar bæði uttanlands og í Føroyum. Næmingarnir høvdu eisini høvi at vitja básar fyri at fáa spurningar svaraðar um eitthvørt.

MFS var sjálvandi eisini við, har vit heilsaðu uppá lesandi og fingu nógv góð prát.

Vit hava eisini drigið lut um eitt havnakort á 500 kr, millum øll tey ið vitjaðu básin hjá okkum hendan dagin. Vinnarin gjørdist Dávid Busk - hjartaliga til lukku!

27/11/2025

SJÓMAQ puljan!
Enn ber til at søkja stuðul til tiltøk, ið savna ung úr Føroyum, Grønlandi og Danmark.

Umsóknarfreistin er 18. februar 2026 kl. 12.00 (donsk tíð)

🔗 Les meira og søk her: fo.sjomaq.org/puljen