Reyði Krossur Føroya

02/06/2026

Í gjár, 1. juni, fór Etiopia á val. Eitt val, sum fór fram í einum landi, ið er merkt av fleiri kreppum samstundis: Vápnaðum stríðum, veðurlagsbroytingum, náttúruvanlukkum, og sum avleiðing av ófriðinum í Miðeystri hevur landið eisini stórar búskaparligar avbjóðingar.

Marita Hoydal hevur arbeitt í Etiopia fyri Reyða Kross í fýra mánaðir. Hon greiðir frá, at serliga undir valinum merkist tað, at Etiopia er í einari spentari og álvarsamari støðu.

Tí valdi etiopiski Reyði Krossur at fylgja møguligum hendingum og vandastøðum kring alt landið frá einum Emergency Operations Center, sum Marita fekk høvi at vitja.

Kom við og síggj, hvussu Reyði Krossur arbeiðir, tá eitt av størstu londunum í Afrika fer á val 🗳️

Les meira um støðuna í Etiopia her: https://www.redcross.fo/fo/um-reyda-kross/tidindi/etiopia-a-veg-inn-i-avgerandi-tidarskeid

02/06/2026

Reyði Krossur er við, tá Havnin í morgin bjóðar til súkklutiltak í miðbýnum – á altjóða súkkludegnum 3. juni 🚲

Vit fara at varpa ljós á trygd og fyrstuhjálp í samband við at súkkla í ferðsluni.

Tí, hvat er gott at hava við av fyrstuhjálparútgerð, tá tú súkklar?

Og hvat skalt tú gera fyrst, næst, trið, um tú kemur fram á onkran, sum hevur brúk fyri fyrstuhjálp? ⛑️

Hesum greiða vit frá kl. 16.50 uttanfyri Perluna og Reinsaríið.

Tiltakið er fyri øll, og og møguligt er at fara á spennandi súkkluveiðu gjøgnum Havnargøtur, meðan fleiri vegir eru stongdir fyri bilaferðslu millum kl. 15.00-19.00

Les meira um tiltakið á heimasíðuni hjá Tórshavnar kommunu.

Vit síggjast!

Kom við og uppliva Havnina uttan bilar, men við súkklum í staðin

28/05/2026

Í dag høvdu vit vitjan av tveimum sjálvbodnum úr grønlendska Reyða Krossi/Kalaallit Røde Korsiat, sum vóru í Føroyum í sambandi við stóru ráðstevnuna UArctic Congress 2026.

Á ráðstevnuni løgdu tær fram um verkætlanina Youth-led mental health action in Greenland, sum arbeiðir við ungum og sálarheilsu í Grønlandi.

Verkætlanin tekur støði í avbjóðingunum við einsemi, mistrivnaði og sjálvmorðstankum, sum eru partur av gerandisveruleikanum hjá ov nógvum ungum í Grønlandi. Endamálið er at geva teimum amboð til at tosa um tað, sum er torført, bróta tabu og at stuðla hvørjum øðrum.

Verkætlanin hevur longu havt góð úrslit. Higartil eru 15 facilitatorar útbúnir at standa fyri skeiðum fyri onnur ung og 1.600 ung hava fingið undirvísing í Life Skills og sálarligari fyrstuhjálp.

Vit fegnast um vitjanina, sum var eitt gott høvi at hoyra meira um virksemið hjá grønlendska Reyða Krossi og at greiða frá arbeiðinum hjá Reyða Krossi Føroya. Hóast Grønland og Føroyar eru ymisk samfeløg, og Reyði Krossur arbeiðir við ymiskum uppgávum í londunum báðum, hava vit nógv at læra av royndunum hjá hvørjum øðrum.

Vit takka fyri vitjanina ❤️

22/05/2026

Mikudagin 6. mai skipaðu vit fyri undirvísing um Stroke í Vági. Dagurin gekk fyri seg á savninum á Gørðunum.

Stroke er altjóða felagsheitið fyri blóðtøpp og/ella bløðing í heilanum🧠

Allur dagurin var opin fyri almenninginum, men var tó eisini býttur í tríggjar partar:

🕙 Kl. 10-12 var ætlað næmingum í hádeild
🕑 Kl. 14-16 til vaksin
🕕 Kl. 18-20 varð ætlaður skótum og øðrum felagskapum

Hetta var fyrsta roynd hjá okkum í Reyða Krossi at greiða frá um stroke – og bæði ung og vaksin møttu hugagóð.

Vit halda tað vera týdningarmikið at skipa fyri upplýsandi tiltøkum ymsa staðni í Føroyum, og hesin dagurin var partur av ætlandi afturvendandi tiltøkum kring landið. Tiltakið verður væntandi aftur á vári komandi ár.

Vit takka fyri hesu ferð! ❤️

21/05/2026

Ger sum Emma og Bjørn, og tekna teg sum sjálvboðin á Summarleguni ⛑🤗

Fyri at kunna bjóða fleiri børnum við á legu, hava vit tørv á nøkrum fleiri sjálvbodnum. Jú fleiri sjálvboðin tekna seg, tess fleiri børn sleppa á legu – børn sum av ymiskum orsøkum hava tørv á einari tryggari og inkluderandi legu 🥰 Sum sjálvboðin kanst tú velja at vera um børnini 👧🧑‍🦱 ella at vera í køkinum 🍲

Les meira um leguna og tekna teg sum sjálvboðin á redcross.fo. Tú kanst vera við til at geva nøkrum børnum minnir fyri lívið 🫶

15/05/2026

15/05/2026

Góð 100 sjálvboðin í Reyða Krossi vóru á summarútferð í góðveðrinum í gjár ☀️

Í ár gekk túrurin til Selatraðar, Runavíkar og Nes, har vit hoyrdu um søgu og umhvørvi, gingu lættar túrar og hugnaðu okkum saman.

Árliga útferðin er eitt gott høvi at savnast tvørtur um tey ymsu virksemisøkini í Reyða Krossi og njóta eina hugnaliga løtu saman ❤️

Hjartans takk til øll, sum vóru við til at gera dagin so góðan og minnisverdan: til Berghild og Klæmint á Selatrað (Lamb.fo) fyri hugtakandi frásøgn, til Tórbjørn Jacobsen fyri upplýsandi framløgu í Løkshøll, til Alfred Olsen, Súna í Hjøllum og Janus Jensen fyri frásagnir og ferðaleiðslu í bussunum, til Ólav Magnussen fyri frásøgnina um Fríðrikskirkjuna, til Jóanis Erik Køtlum fyri harmonikutónleik undir felagssanginum og til Kára Sverrisson fyri vøkru framførsluna í kirkjuni.

Túsund takk til øll, sum stuðlaðu, teirra millum HZ Bussar, Skótahúsið við Løkin, Hotel Hafnia og Kirvi, og vóru við til at gera dagin so góðan – og ikki minst til tykkum sjálvbodnu, sum eru grundarlagið undir arbeiðinum hjá Reyða Krossi.

Takk fyri ein góðan og minnisríkan túr 🥰

13/05/2026

Takk Røddir fyri, at vit kundu vera við 🫶 Vit høvdu nógv góð prát við ungu luttakararnar 🤝

13/05/2026

Grundskeið í fyrstuhjálp og fyrstahjálp í ferðsluni🚑

Vilt tú vera betri fyrireikað/ur at hjálpa, tá tað veruliga stendur á?

Kom á skeið í fyrstuhjálp

📍 Sørvágs skúli, Sørvágur
🗓 19.-20. mai kl. 17.00-21.00
⏰ kl. 17–21

Tekna teg á heimasíðuni reyðikrossur.fo ella skriva til [email protected]

Leinki til skeið í viðmerkingum

Mikudagin 20. mai 2026Kl. 17-21Ferðsluparturin til bil-koyrikort.Treytað er luttøka til grundskeið 19. mai 2026. Legg til merkis, at gjaldið á kr....

13/05/2026

Kringvarpið var og vitjaði okkum í samband við, at vit nú veruliga síggja, hvussu nógv byrjar at koma inn gjøgnum sólpanelið á takinum í Stiðjagøtu.

Í dag síggja vit, at vit hava spart 3,8 tons av co2-útláti síðan november 2025🌱

Sjálvt í myrkastu tíðum hava sólfatur á tekjuni minkað um útlátið við trimum tonsum, sigur dagligi leiðarin