Amnesty International Føroyar

11/06/2026

Í dag byrjar FIFA World Cup. Heimsmeitstaraheitið í fótbólti savnar fjepparar um allan heim í gleði og gaman. Samstundis eru milliónir av fólki í vertslondunum fyri mannarættindabrotum:

⚽️ Í USA seta ógvuslig álop á tilflytarar, deyðilig valdsnýtsla og hópvarðhald øll í vanda, eisini fjepparar.

⚽️ Fleiri enn 133,500 fólk eru horvin og saknaðið í Mexico. Kvinnur, ið krevja rættvísi fyri síni nærmastu, skipa tí mótmælisgongu tá fyrsti HM dysturin verður leiktur í Mexico City.

⚽️ Heimleys folk í Kanada eru í vanda fyri at verða avskorin frá neyðugum tænastum, at hald verður lagt á ognir teirra og fyri at verða noydd burtur úr almenna rúminum.

⚽️ LGBTQI+ fjepparar eru fyri mismuni í øllum trimum vertslondunum.

FIFA og stjórnirnar í vertslondunum mugu beinanveg taka stig til at verja fjepparar, spælarar, miðlafólk og samfeløg.

Fólkið má vinna! 💛

10/06/2026

Í bygdini Khirbet Zanuta á Vestara áarbakka hava 250 menniskju, palestinskir beduinir, livað og virkað í mong ættarlið. Bygdin er teirra heim og jørðin teirra livigrundarlag. Men soleiðis skuldi ikki vera longi afturat. Í 2021 staðsettu ísraelskir búsetar ólógliga framvakt skamt úr bygdini, og tá byrjaðu álopini. Búsetarnir píndu, plágaðu og hóttu bygdafólki, forðaðu teimum at koma fram at beiti og landbúnaðarøkiteirra. Hetta var áhaldandi, og alt bygdafólkið varð tí tvungið at flýggja eftir at harðskapurin gjørdist ógvusligari og títtari. Í dag er Zanuta ikki longur til; bygdin er fullkomiliga oyðin og avfólkað.

Hetta er ikki eitt eindømi. Nýggja frágreiðingin "Erasing anything Palestinian: Israel’s ethnic cleansing of West Bank Bedouin and herding communities” vísir á, at ísraelskir myndugleikar fremja eina statstuðlaða ætlan av etniskari útreinskan av palestinum í sokallaða Økið C á Vestara áarbakka. Myndugleikarnir fremja brot móti mannaættini við tvingsilsflytingum.

Les meira um nýggju frágreiðingina her 👇

Jun102026 Nýggj frágreiðing:   ØKT ETNISK ÚTREINSKAN AV PALESTINUM EIGUR AT FÁA HEIMSINS LOND AT TRÝSTA ÍSRAEL AT STEÐGA HERTØKUNI AV VESTARA ÁARBAKKA Í bygdini Khirbet Zanuta á Vestara áarbakka hava 250 menniskju, palestinskir beduinir, livað og virkað í mong ættarlið. Bygdin er...

04/06/2026

Poesheftið “ein krígspolitikk verður friðarpoetikk” eftir Lív Mariu Róadóttir Jæger verður til keyps á mentanarnáttini í morgin. Kom framvið á Bøgøtu 15 millum 17 og 21 💛

04/06/2026

Kom framvið á mentanarnáttini og ogna tær eina plakat (tað er bara ein av hvørjari) 💛🎨

29/05/2026

Regin Berg, formaður í Amnesty Føroyum:
ORÐASKIFTI HELDUR ENN KEGL

- Eitt sunt fólkaræði hevur tørv á orðaskifti. Skulu vit nærkast hvør øðrum, finna bestu loysnirnar, og tryggja, at tað ikki bara er tann, ið rópar harðast, ið ræðir, er tørvur á at øll sleppa framat at siga sína meining, og at vit lurta eftir tí, ið hini siga. Eisini tá vit eru ósamd.

- Hetta er tíverri ikki støðan í Føroyum, tá um ræður spurningin um tilflyting. Serliga á sosialu miðlunum er støðið á kjakinum ómetaliga lágt. Alt verður svart hvítt. Antin ert tú við okkum, ella ert tú ímóti okkum. Tilflyting er góð, ella er hon ónd. Vit hava rætt, tú mistekur teg. Kjakið verður sett upp sum ein harðligur dystur millum tveir partar, har allar snildir skulu brúkast, og har endamálið er at “vinna”. Men veruleikin er, at á hendan hátt vinnur ongin.

- Seta vit fíggindamyndir upp, og fólk, ið eru ósamd verða spilt út, ber tað ikki til at hava eitt fólkaræði. Tá enda vit við somu støðu, sum vit síggja aðrastaðni, har politiskar skipanir eru fastfrystar, og mótstøðuparturin er ein fíggindi, heldur enn ein persónur, ið ein er ósamdur við.

- Tað ber væl til at hava eitt virðiligt orðaskifti, tó at ein er rúkandi ósamdur. Tað ber til at hittast, hyggja hvønn annan í eyguni, og takka fyri kjakið, tá tað er av – eisini tá mann ikki nærkast eini semju. Talufrælsi er ein mannarættur. Hesin rætturin er tó einki verdur, um fólk ikki lurta. Hann er heldur einki verdur, um kjakið verður so hart, at fólk ikki tora at siga sína meining.

- Vit eiga at minnast til, at tey vit samskifta um og við eru menniskju, persónar, ið eisini hava familju, og eru partur av sama samfelag sum vit. Óansæð um tey eru fyri ella ímóti tilflyting.
Komið heldur og skifti orð, fyri at finna loysnir, enn at rópa eftir hvør øðrum.

Við vón um virðiligt orðaskifti
Regin Berg, formaður í Amnesty Føroyum

20/05/2026

Hjálpið við at fáa Hassan heim aftur!

Í fleiri mánaðir hevur Hassan El Sayed verið fongslaður í Egyptalandi. 60 ára gamli familjumaðurin av Nørrebro er ákærdur fyri “at fara upp í yvirgangsbólk”, men Amnesty heldur, at lítli leiklutur hansara í einum filmi, sum hartar egyptiska stýrið, er orsøkin.

Amnesty International Danmark hevur tosað við familju hansara, og tey greiða frá, at síðan Hassan varð fongslaður, hava tey bert fingið møguleikan at vitja hann tvær ferðir.

Tú kanst vera við til at leggja trýst á egyptisku myndugleikarnir, soleiðis at Hassan kann koma heim aftur til familjuna á Nørrebro.

Skriva undir og krev at Hassan verður leyslatin alt fyri eitt! https://amnesty.fo/leyslatid-hassan/

19/05/2026

ÁRLIGA FRÁGREIÐINGIN UM DEYÐAREVSING

Tølini fyri avrættingar vóru í fjør hægri enn seinastu 44 árini. Talan um eina øking á 78% samanborið við árið fyri. 2707 fólk vórðu avrættaði í 17 londum. Ógvusliga hækkingin kemst av, at eitt fátal av heimsins stjórnum velja at brúka ótta sum valdsamboð. Hetta vísir árliga frágreiðingin frá Amnesty International um deyðarevsing.

Mai192026 Flestar avrættingar í 44 ár Tølini fyri avrættingar vóru í fjør hægri enn seinastu 44 árini. Talan um eina øking á 78% samanborið við árið fyri. 2707 fólk vórðu avrættaði í 17 londum. Ógvusliga hækkingin kemst av, at eitt fátal av heimsins stjórnum velja at brúka...

12/05/2026

Í fleiri mánaðir hevur Hassan El Sayed úr Keypmannahavn verið fongslaður í tiltikna 10th of Ramadan-fongslinum í Egyptalandi. 60 ára gamli familjumaðurin av Nørrebro er ákærdur fyri “at fara upp í yvirgangsbólk”, men Amnesty heldur, at lítli leiklutur hansara sum kopiskur kristin prestur í einum filmi, sum hartar egyptiska stýrið, er orsøkin.

Skriva undir og krev at Hassan verður leyslatin alt fyri eitt! ✍️ https://amnesty.fo/leyslatid-hassan/

24/02/2026

Í dag eru fýra ár liðin, síðan Russland byrjaði innrásina í Ukraina. Í fýra ár hava ukrainar upplivað ógvusligan ágang, og fólk í túsundatali eru flýggjað og dripin 💛💙

“Tað, sum er tað harðasta, er tíðin, sum verður tikin frá okkum. Hetta er einasta lívið, vit hava.”

Soleiðis sigur Lera Burlakova, samskipari í Amnesty International Ukraina. Á ársdegnum hugleiðir Lera um gerandisdagin hjá henni og soninum undir russiskum álopum. Les greinina í viðmerkingunum.

06/02/2026

Ert tú okkara nýggi starvsfelagi?

Hevur tú góð samskiftis- og samstarvsevni, ert ágrýtin og brennur fyri at verja og virka fyri mannarættindum, so er tað møguliga tær, vit leita eftir.

Les meira um starvið her 👇Vit gleða okkum at hoyra frá tykkum 💛

Starvsfólk til Amnesty International Føroyar Amnesty International Føroyar søkir eftir starvsfólki at arbeiða 30 tímar um vikuna. Arbeiðið er í fyrstu atløgu tíðaravmarkað til eitt ár, men okkara vón er, at tað kann gerast eitt fast starv. Amnesty International er ein altjóða mann...