Heilsuhjálparafelag Føroya

28/05/2026

https://kvf.fo/greinar/2026/05/28/heilsuhjalparar-semingsuppskotid-liktist-ov-nogv-felags-lonarkarminum

Kommunala arbeiðsgevarafelagið sigur, at semingsuppskotið kostaði kommununum ov nógv

28/05/2026

KUNNING
Góðu limir, nevndin í Heilsuhjálparafelagnum harmast um íkomnu støðuna, har neyðugt varð at vraka semingsuppskotið í gjárkvøldið.
Nógvir spurningar koma til felagið, hvat næsta stigið verður. Til tað er at siga, at eingin avgerð er tikin enn.
Tískil skulu allir limir felagsins arbeiða sum vanligt, til onnur kunning verður givin frá felagnum.

Heilsuhjálparafelag Føroya

27/05/2026

Semingin byrjað á Semingsstovninum…

27/05/2026

https://kvf.fo/greinar/2026/05/27/heilsuhjalparafelagid-oskiljandi-og-alvarsamt

Forkvinnan í Heilsuhjálparafelagnum undrast á, at so fá hava søkt inn á útbúgvingina sum heilsuhjálpari, sum nú eisini verður í Havn

16/05/2026

Hyggið her:
Søkt verður eftir heilsuhjálpara til Gøtubrá

Vit søkja heilsuhjálpara til demenseindina á Gøtubrá í Norðragøtu. Gøtubrá er í tveimum hæddum og umfatar tvær eindir við 18 plássum tilsamans. Starvið er á niðaru hæddini, har tað eru 8 pláss til fólk við demens. Á eindini arbeiða heilsurøktarar, heilsuhjálparar, sjúkrar...

13/05/2026

Meðan tað gongur illa í samráðingunum hjá Heilsuhjálparafelagnum og KAF, letur Starvsfelagið væl at samráðingunum við Fíggjarmálaráðið

11/05/2026

Hjartaliga vælkomin í Heilsuhjálparafelagið mikukvøldið 13. mai kl 19.

11/05/2026

Maiken Joen Jacobsen hevði seinasta starvsdag 30. apríl. Hon hevur verið limur í Heilsuhjálparafelagnum í 25 ár. 🇫🇴💐🩷
Heilsuhjálparafelagið takkar fyri gott samstarv og ynskir Maiken blíðan byr frameftir.
Álitisumboðið Annfríð Høgnesen handaði henni blómur og gávu frá felagnum.

04/05/2026

Heilsuskúli Føroya hevur í langa tíð arbeitt við at økja um tilboðini, innan heilsuútbúgvingar, sum Heilsuskúlin varar av. Tann 30. apríl góðkendi landsstýrismaðurin í mentamálum nýggju uppskotini hjá Heilsuskúlanum. Talan er um ein heilsuhjálparaflokk fyri førleikamett sum partvíst verður í Havn og ein fleksleist fyri heilsurøktaralesandi. Báðir útbúgvingarleistir eru málrættaðar umsøkjarum, við arbeiðsroyndum.

Heilsuskúlin viðurkennir at støðan er trupul á eldraøkinum í føroysku kommununum, og ynskir í størri mun at verða við til at lyfta fakliga støðið. Heilsuskúlin hevur tískil lagt talrættis ein leist fyri heilsuhjálparalesandi, sum er mettur at passa til ein ávísan málbólk av starvsfólki, sum longu eru í økinum.

Tískil fer Heilsuskúlin nú undir at bjóða ófaklærdum heilsustarvsfólkum, sum eru yvir 25 ár og hava meir enn trý ára viðkomandi arbeiðsroyndir, at verða førleikamett og taka heilsuhjálparaútbúgvingina uppá 25 vikur. Undirvísingin verður blandað soleiðis: fjarundirvísing, og undirvísing á skúlabonki í Havn og á Heilsuskúlanum í Hovi.

Flokkurin verður staðsettur á Vinnuháskúlanum í Havn, tó at byrjan og endi á útbúgvingini verða á Heilsuskúlanum í Suðuroy, umframt ein vællærugreinavika. Útbúgvingin fyri førleikamettar heilsuhjálparar, byrjar í viku 32 í 2026 og endar í viku 4 í 2027.

Heilsuskúlin hevur fyribils bara lagt ein flokk tilrættis. Leisturin skal eftirmetast, tá fyrstu næmingarnir hava fingið prógv. Heilsuskúlin leggur dent á, at hetta í fyrstu atløgu er ein roynd, bæði fyri at síggja um leisturin gongur sum vænta, men eisini fyri at fáa staðfest áhugan og tørvin. Í mesta lagið 26 næmingar kunnu verða upptiknir í flokkinum, og Heilsuskúlin setur sum minsta krav, at 20 næmingar søkja um upptøku fyri at flokkurin skal verða settur á stovn. Yvirlit yvir undirvísingar gongdina sæst í talvuni niðanfyri.

Útbúgvingar Leigubústaðir Heilsuskúli Føroya arbeiðir fyri at gera tað lættari fyri okkara næmingar at finna góðar leigubústaðirmeðan teir ganga á skúlanum. Finn tín komandi leigubústað her. Nýmótans skúli í vøkrum […]

01/05/2026

1. mai er ikki bara ein hátíðardagur, men hann er so sanniliga eisini ein stríðsdagur


Stríðsdagurin er ein áminning um, at rættindi ongantíð eru komin av sær sjálvum.
At alt tað, vit í dag taka fyri givið – arbeiðstíð, frítíð, løn undir sjúku, trygd á arbeiðsplássinum – er vunnið gjøgnum stríð. Tó er enn langt á mál, at tryggja tímaløntu starvsfólkunum javnbjóðis rættindi undir sjúku!

Vit liva í einum samfelag, har stættarmunurin gerst alsamt sjónligari. Tey ríku og vælbjargaðu fáa fleiri krónur í lønarposan til hvørjar samráðingar, enn arbeiðarin og tey í umsorganargeiranum, tí politiska skipanin ikki hevur dirvi at skera ígjøgnum, so vit fáa ein rættvísari samráðingarleist.

Stættarmunur er eitt úrslit av politiskum avgerðum og skipanum, sum menniskju hava gjørt- og tí kunnu vit eisini broyta hann.
Vit mugu tora at seta krøv. Krøv um rættvísa løn. Krøv um trygg arbeiðsviðurskiftir. Krøv um trygg arbeiðsviðurskifti. Krøv um, at vælferðin er fyri øll- ikki bara tey, sum longu hava nógv.




Vit síggja vaksandi trýst á arbeiðsplássum.
Vit síggja fleiri, sum kenna seg strongd og móð.
Vit síggja ótryggleika og ójavna vaksa – eisini her hjá okkum.

Og vit vita, hvør rindar prísin, tá sparast skal:
Tað eru løntakararnir.

Tí siga vit í dag, sum fakfelagsrørsla:
Vit krevja rættvísi.
Vit krevja virðing.
Vit krevja trygd.

Tí eitt sterkt samfelag byggir á tryggar løntakarar.
Á fólk, sum hava orku til sítt arbeiði og sítt lív.
Á fólk, sum kenna seg vird og hoyrd.

Og tað fáa vit bert, um vit standa saman.

Samhaldsfesti er okkara sterkasta amboð.
Tá vit standa saman, kunnu vit flyta mørk.
Tá vit standa saman, kunnu vit broyta kós.
Tá vit standa saman, vinna vit.

So lat hetta vera okkara lyfti í dag:

Vit fara ongantíð at tiga, tá órættur hendir.
Vit fara ikki at góðtaka verri kor.
Vit fara at standa saman – tvørtur um yrki, arbeiðspláss og bakgrund.



Framtíðin verður ikki givin okkum.
Vit skapa hana sjálvi.

So latið okkum taka hana í felag – við dirvi, við samhaldsfesti og við greiðum krøvum.

Góðan 1. mai!
Og minnist: Stríðið heldur fram – og vit standa saman. ✊