Rudda Føroyar

01/06/2026

🩵 NCC skiftir navn 🩵

Nordic Coastal Cleanup (NCC) skiftir navn til Nordic Alliance on Marine Litter. Nýggja navnið skal í størri mun endurspegla breiddina í arbeiðinum hjá netverkinum, sum er at fyribyrgja og berjast ímóti havdálking í økinum. Netverkið varð stovnað í 2017 og hevur týdningarmiklar uppgávur, m.a. at skipa fyri ruddingarátøkum fyri sjálvboðin, at skilja og skráseta burturkast og innsavna dátur. Limalondini í norðurlendska felagsskapinum hjálpast at og deila vitan, tí saman standa vit sterkari.

Burturkast í sjónum ferðast um stranda- og landamørk og krevur tí eitt felags samskipað átak. Nordic Alliance on Marine Litter fremur júst hetta og stuðlar á hendan hátt eini meira vitanargrundaða tilgongd til evnið.

Hóast navnið á netverkinum er nýtt, so eru limalondini tey somu:
Hold Norge Rent (Noreg), Håll Sverige Rent (Svøríki), Ren Natur (Danmark), Pidä Saaristo Siistinä ry (Finnland), Håll Skärgården Ren rf Åland (Áland), Rudda Føroyar (Føroyar), Worldwide Friends, Veraldarvinir (Ísland) og CSR Greenland (Grønland).

25/05/2026

Verið við til at basa skøruni leygardagin 30. mai 🙌🏼

22/05/2026

🌍 Í dag er altjóða lívmargfeldisdagur 🌍

Vit í Rudda Føroyar tosa serliga nógv um plastdálking, tí plast er ein vaksandi hóttan móti lívmargfeldinum – bæði á landi og í sjónum og fyri fólk, náttúru og djóralív.

Tá plast endar í náttúruni, skaðar tað fuglar, fisk og onnur djór. Tað kann enda í maganum á djórum, og tað verður verðandi í náttúruni í nógv, nógv ár.

Tí hevur tað týdning at fyribyrgja dálking og beina burtur, áðrenn plastið endar í náttúruni.

Saman kunnu vit gera mun 💚

11/05/2026

"Ein ruddingardagur er ikki bara at rudda, men eisini at vera saman" 💚💚

Betri er høvuðsstuðul okkara í 2026.

08/05/2026

🗑️🌊 Strandarudding í Kaldbaksbotni 🗑️🌊

Mikudagin 6. mai 2026 vóru níggju starvsfólk frá teknisku fyrisitingini í Tórshavnar kommuna og ruddaðu Kaldbaksbotn saman við tveimum umboðum frá Rudda Føroyar. Hetta sama økið verður ruddað hvørt ár um somu tíð, og síðan verður burturkastið vigað og skilt í 55 ymiskar bólkar. Soleiðis kunnu vit samanbera gongdina ár um ár.

Úrslitið í ár bleiv, at 68 kilo av burturkasti vóru tikin úr fjøruni, og endaliga talið bleiv 2.832 petti av burturkasti. Til samanberingar kann sigast, at í fjør funnu vit 1.581 petti. Tann bólkurin, sum vigaði mest, er timbur, og tann bólkurin, sum taldi nógv mest, var plast.

Ruddingin er partur av norðurlendska felagsskapinum Nordic Alliance on Marine Litter.

07/05/2026

💚 til lukku, IRF ♻️

Det færøske affaldsselskab IRF er årets modtager af Brancheforeningen Cirkulærs verdensmålspris. IRF får prisen for et unikt projekt, der forhindrer spild af indmad fra får.

30/04/2026

Í mars var árligi aðalfundurin hjá Rudda Føroyar hildin. Skráin var sambært viðtøkum felagsins.

Samanumtikið er nevndin væl nøgd við árið 2025, har tilsamans 1.150 fólk ruddaðu 21 tons úr náttúruni. Les ársfrágreiðingina fyri 2025 á heimasíðu okkara, ruddaforoyar.fo

Nevndin skipaði seg soleiðis:

Sigrún Mohr, forkvinna
Sissal Carlsdóttir á Lag, næstforkvinna og skrivari
Elin Lindenskov, kassameistari
Annika Arnsteinsdóttir, nevndarlimur
Beinta Gaard Davidsen, nevndarlimur
Hildigarð Djurhuus Hansen, nevndarlimur

Stuðlar í 2025:
Betri og Hiddenfjord, høvuðsstuðlar
Mowi
Djóraansing við Hildigarð
Høgra
SNA
Tórshavnar kommuna
Articon
SEV
Christian í Grótinum
Framherji
Varðin
IRF
Kommunala brennistøðin
Hotel Brandan
BASE
Formula
Runavíkar kommuna
Atlantic Airways
Nordic Coastal Cleanup (NCC)

29/04/2026

Kom við og rudda Norðurlond 2026! 🌊

Í mai og juni bjóða vit tær at vera við í ruddingarátøkum í norðuratlantiska økinum, nú vit hátíðarhalda felags átøk okkara móti havdálking.

Nordic Cleanup Tour sameinir øll Norðurlondini í felagsskapinum Nordic Alliance on Marine Litter.

👉 Soleiðis verður ruddað í ymsu londunum:
Føroyar: 20. juni – send okkum boð á Messenger, um tú vilt vera við! 💚
Danmark (Ren Natur): 2. mai
Ísland (Worldwide Friends, Veraldarvinir): 6. mai
Finnland ( Pidä Saaristo Siistinä ry): 8. mai
Noreg (Hold Norge Rent): 9. mai
Svøríki (Håll Sverige Rent): 26. mai
Áland (Håll Skärgården Ren rf Åland): 8. juni
Grønland (CSR Greenland): 10. juni

22/04/2026

Hvussu nógv rusk klára tit at savna í eina viku ella ein dag?
Tak ein vin ella tveir við út at rudda ☺️💚